هو بيشتغلني ولا هي موجودة ؟؟؟؟

**mr_shims_49** · 19-10-2008 02:12 PM

السلام عليكم
انا اول مرة اكتب ف المنتدي الجميل ده مع اني متابعه من زماااان بس الحكاية اني بشتري جين تو 2008 سبورت و كنت مش عايز اكتب الا لما اجيبها المهم المشكلة دلوقت اني متفق مع معرض و المفروض انه كان يسلمني من يوم التلات اللي فات و كل يوم يقولي مندوب البنك ماجاش يقولي في ورق ناقص هاتهولي انا حاسس ان هو مش عنده العربية لأني سألت عند كذا معرض قالولي مش موجودة فهل الراجل ده بيشتغلني و هي مش موجودة فعلان و لو في اي حد يعرف معرض عنده جين تو 2008 أوتوماتيك سبورت ياريت يفيدني وشكرا جدا
وأسف عشان طولت عليكوا

**mazagnge** · 19-10-2008 03:05 PM

اعتقد ان المعرض اللي انت بتتعامل معه مش عنده فى الحال و منتظر يستلم حصتة من التوكيل من الدفعه اللى وصلت الميناء من 4 ايام و هى لسة قدمها نقول اسبوع او اسبوع و نصف و تصل لارض الوطن .

.... و بالتالي فهو بيحاول يطول معاك أطول فترة ممكنة عشان ما يخسرش زبون حتى تصل السيارة لك و يسلمها لك .

شوف معارض عز العرب دول :

العجوزة : 37497100
مدينة نصر : 24015055
الصحراوي : 35390601 - داخلي 251/250/204
الاسكندرية بالمرة : 035003001

**Ayman_52** · 19-10-2008 03:24 PM

شوفى حضرتك انا لسه مكلملك معرض اسمه "auto daynamic"فى مصر الجديده..وقالى ان عنده جين2 2008اوتو بس مش سبورت...كل الالوان
وسعرها بـــ90000(وممكن حضرتك تفاصلى معاهم عشان الموديل الجديد نازل خلاص)

رقمهم:
22413382

وربنا يوفقك للخير ان شاء الله

**mr_shims_49** · 19-10-2008 03:27 PM

ألف ألف شكر يا باشا
بس عز العرب هايوافق يقسطهالي بمقدم 25000
لو حد يعرف معارض من الي بتقسط كده و عنده العربية ياريت يفيدني و شكرا تانيييي بس فين الناس الخبرة في الجين تو مستني ردودكوا

**mr_shims_49** · 19-10-2008 03:28 PM

شكرا جدا جدا يا أيمن
انا لاقيت بردو معرض عنده بس مش سبورت
يعني اجيبها و خلاص ولا في أمل الأقي السبورت اصل نفسي فيهااا أوييييي

**Ayman_52** · 19-10-2008 04:14 PM

والله هى موضوع الاختيار ده بيرجع لحضرتك...بس اللى فرق بين الاسبورت والعاديه الاسبويلر والعتب وفى التمن حوالى 5000...انا شايف المبلغ دا كبير على حاجات بسيطه... بس اهم حاجه اللى يعجب حضرتك عشان دى الحاجه اللى حضرتك هتركبيها ولازم تبقى جايبه حاجه مرتحها ليها نفسيا...يعنى مش بعد ماتجبيها تقولى يارتنى كنت زودت شويه وجبيت اسبورت..

بس حضرتك مادام عاوزه 2008 يبقى تلحقى تلفى على المعارض كلها عشان 2009 نزلت واظن ان مافيش 2008 جت معاها...وانا لو لقيت اى معارض تانيه هكلمها لحضرتك واسالها وابلغ حضرتك

وربنا يوفقك للخير ان شاء الله

**mr_shims_49** · 19-10-2008 05:09 PM

بجد مش عارف اقولك ايه يا أستاذ أيمن علي اهتمامك ده
بس ده الفرق من بره طب من جوه مافيش أي فرق غير الفرش الجلد ولا في فروق تانية و بصراحة انا هاموت علي السبورت.. أستاذ أيمن بلاش حكاية حضرتك خليها كده عادي ولا انت عايز يبقي في فرق

مستني باقيت الردود من باقي الأعضاء و فين الأستاااااذ tut الخبييير

**mr_shims_49** · 19-10-2008 05:15 PM

أستاذ أيمن اناااااااااااااااااااااا ذكر رجل و اسمي سامح

و كمان النيك بتاعي mr_shims MR اهيه واضحة

**amrcd1** · 19-10-2008 08:18 PM

wait for 2009...
y purchase 2008 while 2009 is only a week or two to be avalible,
also about finance, u can get it from piraues bank by paying only10% downpayment

**Ayman_52** · 20-10-2008 02:28 AM

والله انا اسف جدا يا استاذ /سامح...انا مش عارف ازاى اتحولت:k41:

شوف ياباشا الفرق بين 2008 & 2009...الفرش مش جلد دا كان نازل فى الهاى لاين والموديل دا مش نازل مصر...انما الفرق الفلتر اللى هيتزود مع الماتور ودا هيفيد جدا فى الاوتو ...وعندك الخامات الداخليه نضفت عيوب التقفيل ان شاء الله يكونوا ضبطوها...فى ازرار اتنقل من مكانه عشان تسهل عالسواق...وطبعا الشكل الخارجى اللى اختلف ...وسمعت ان مثبت السرعه ااتشال..مش عارف انا كده قولت كل حاجه ولا باقى حاجه تانيه...لو افتكرت اى حاجه هابقى ابلغ حضرتك...ودى ياباشا الفرق فى الشكل بين الاتنين

وبخصوص نظام التقسيط انا هابقى اسألك ان شاء الله...على نظام يكون مقدمه 25000...ولو لقيت هابقى ابلغك على طول ياباشا...

يارب ياباشا اكون اقدرت افيدك...ولو محتاج اى حاجه انا تحت امرك