حادثة السيـــراتو ... الاكصدام اتتخبط !!

**Noha.M** · 19-10-2008 10:36 PM

المشاركة الأصلية كتبت بواسطة douha_wise

لا حول و لا قوة الا بالله إنا لله و إنا الية راجعون مشكلة فى البلد دى ان ناس كتير ربنا يهديها معندهمش ذرة تفكير فاكرين الطريق بتاعهم و ان الناس لازم تبقى فاهمة هيعملوا اية فى اى لحظة و اللى مش فاهم يتحمل اللى يحصلة و لذلك بيبقى الواحد ماشى فى الشارع و عمال يدعى ان ربنا يبعدة عن امثال هؤلاء
قلبى معاكى يا نهى و ياريت لو اقدر اساعدك بجد و ربنا يعوضك خير
و عسى ان تكرهوا شيئا و هو خير لكم

يكفيني زوقك و ردك ليا
يا رب يكرمك و يباركلك و يحفظ طريقك
بس هو الخضة بتبقي وقتها وحشة و قعدت اعيط مش عشان خبطة بس بتصعب عليا الحاجة و بحسها بقت عشرة كدة . عارف والله لو غلطانة هقول استاهل لكن سبحان الله و الواحد ماشي لا بيه ولا عليه و في طريقي و مستقيم فجاة بجد تلاقي حد كاسر .. يا ريته كاسر دة واخد شمال عليا و نازل هرية فى الاكصدام و الفانووووس و الرفرف و كل دة عشان افتكر انه عاوز يدخل الشارع الشمال !! طيب مكلفتش نفسك و مبصتش تشوف مين ماشي على شمالك!!!

يلا الحمد لله ربنا يسهلها و يعينني على تصليحها
قدر الله و ماشاء فعل

**douha_wise** · 19-10-2008 10:36 PM

المشاركة الأصلية كتبت بواسطة Chicco

و العربية وقفة في داندي مول

يا هشام يا اخى الحبيب بقى انت كنت فى داندى مول فى اكتوبر جنبى و محاولتش تطلبنى عشان اجيلك حتى اسلم عليك بسرعة لو انت مستعجل اوى يعنى لو كان كدة دى هتبقى فيها زعل كبييييير
اسف انى بكتب كدة و انا عارف ان خارج سياق الموضوع متزعليش منى يا نهى اصل هشام باشا دة حبيى و حبيت اعاتبة

**دموع الثلج** · 20-10-2008 01:35 AM

حمد لله على سلامتك يا نونا

قد ر الله وما شاء فعل

معلش يا قمر متضايقش نفسسسسسسسسسك ان شاء الله بسيطه ويتصلح ولو ممكن تصورى الخبطه وتنزلى الصوره

**Chicco** · 20-10-2008 01:37 AM

المشاركة الأصلية كتبت بواسطة douha_wise

يا هشام يا اخى الحبيب بقى انت كنت فى داندى مول فى اكتوبر جنبى و محاولتش تطلبنى عشان اجيلك حتى اسلم عليك بسرعة لو انت مستعجل اوى يعنى لو كان كدة دى هتبقى فيها زعل كبييييير

اسف انى بكتب كدة و انا عارف ان خارج سياق الموضوع متزعليش منى يا نهى اصل هشام باشا دة حبيى و حبيت اعاتبة

معلهش يا onna سابقا بس فعلا ممدوح باشا عزيز علي قوي و يعز علي زعله

و أنا ما أقدرش على زعلك أبدا يا أخي الحبيب ....و اديني خدت جزائي و العربية أتخبطت :D.....الموضوع و ما فيه اني احرجت أكلمك وقتها بسبب حالة الوفاه و ده كان اليوم اللي قبل السفر على طول ........ما تزعلش بقى ....و إن شاء الله تتعوض الاجازة الجاية .....أو تشرفني في تورونتو

**معاذ الشرباصى** · 20-10-2008 01:40 AM

لا شكر على واجب

انت بس لو هتروحى فعلا, قولى له على واحد تانى + احمد

يبقى المحصلة:

احمد شكرى بتاع اللانسر و الصنى الزيتى, و محمد بتاع الجين2 البرتقالى

علشان لو تامر مش موجود فى المحل, و اى حد تانى موجود لو قلتى الاسمين دول, هيعرفوا على طول, و يقوموا بالواجب

**mohamed ibiza** · 20-10-2008 02:01 AM

يا نهار اسود يا نهي يفتري عليكي و انا موجود كمان ده يعرف هاني و حربي راجل ذوق جدا يعني كمان انا اطلع عين الصنايعي و اراضيه برضه و نبقي حبايب لو فكرتي تيجي عنده ابقي قوليلي بس و مكلكيش دعوة او ابقي شرفي في البيت مع والدتي و اديني العربية افرمهالك و ارجعهالك سليمة ان شاء الله ههههههه:d:d لو عايزه ابقي قوليلي و ملكيش دعوة

**MoToRiZeR** · 20-10-2008 02:32 AM

طب إنتي زعلانة الواحد بيبقي ماشي في حاله و واحد يعكنن عليه .. طب تعملي إيه في اللي قافل العربية أصلا و مغطيها و نايم في بيتهم و صحي علي صوت الإنذار لقي ناس فارشة فول و طعمية و بتنجان عالغطا بيتسحروا عالعربية و مقعدين ولادهم عالسقف ؟ :D يا نهي أصل الناس اللي في الشارع دماغتهم زي الشارع بالضبط one way .. انا عايز أكل يبقي أقعد أكل عالعربية .. مبيفكرش بقي إن هيطبق السقف .. و إن لو حصل فيه حاجة هتبقي مصيبة لأن لو إتصلح هيتقال العربية إتقلبت قبل كدة .. نفس الموضوع .. انا إفتكرت إني عايز أدخل يمين .. أدخل يمين! مش مهم هكسر علي حد أو هخبطه أو هبوظله يوم حلو .. مبتعديش علي دماغ البني أدم أصلا .. فا حمد الله علي سلامتك و فداكي .. و طبعا أي حاجة في الحديد بتتصلح .. و يعني الناس في المنتدي هنا ممكن يطلعولك سمكري في الشقة اللي قدامكوا و إنتي متعرفيش :D فا متقلقيش ولا تعيطي دنا واحدة معايا في الكلية لسة من أسبوع بتكلمني و بنبرة كلها سعادة و إنشكاح ( محمود انا عملت حادثة مع عربية نقل :Angel_anim: الكبوت كله دخل لجوة و في حاجات طالعة برة .. اه و الله عايزة أصلحها مش عايزة بابا يعرف لا السواق مشي دنا إديته بالجزمة) .. و يعني مش نبرة حد عامل حادثة خالص دي كانت ولا اللي خد جايزة الدولة التشيجيعية في القصة القصيرة .. فا عايزك تعملي كدة

كان نفسي مرة أركب مع شيكو و هو سايق و أشوف ردود فعله

**Chicco** · 20-10-2008 02:42 AM

المشاركة الأصلية كتبت بواسطة MoToRiZeR

كان نفسي مرة أركب مع شيكو و هو سايق و أشوف ردود فعله

يبقى في كندا أحسن
في المحروسة عبارة عن كتلة أعصاب محترقة و عين ثاقبة ناقدة للسلوكيات و المظاهر العشوائية المحيطة بنا من كل جانب .....أجارك الله يا صديقي

**MoToRiZeR** · 20-10-2008 02:47 AM

لا هعمل إيه بكندا .. انا كنت عايز أشوف و الميكروباصات بتكسر و الشباب بيغرز و التك تك بيجري و الناس بتتطوح و الإشارات شغالة كلها :k48:

-

الموضوع: حادثة السيـــراتو ... الاكصدام اتتخبط !!

LinkBack

أدوات الموضوع

عرض

-

-

-

-

-

-

المواضيع المتشابهه

سعر الاكصدام

الاكصدام

هل ينفع تغيير الاكصدام موديل 2006 لي الاكصدام 2007 في لانسر البومه

مجرد حادثة من ألف حادثة لكن تجلى فيها كل التخلف

يا جماعة طالب نصيحة:عملت حادثة: اعمل في في الاكصدام (صور)

الكلمات الدلالية لهذا الموضوع

المفضلات

المفضلات

ضوابط المشاركة