الموضوع: احدث جهاز انذار

على فكرة الفني اللي ركبة قاللي انة يساوي 450 جنية
انا طبعا ماقلتلوش سعرة

حاحاول اصورلكم الريموت و العلبة يتوعه و انزل الصور هنا يمكن بالليل او بكرة

يا جماعة لغاية دلوقتى ولا حد منكم صور الريموت او العلبة عشان لما حد تانى ينوى يشتريه يعرف اذا كان هوا دا ولا جهاز مختلف
+سؤال للاستاذ ادهم
هوا الريموت فيه كام زرار؟وايه وظايفهم؟
وشكرا

4زرار فتح و قفل للسيارة و اضاءة شيك اب للريموت و الاخير للسايلانت

انا صورت الريموت و بكرة حارفع الصورة علشان انا اتأخرت في الشغل النهاردة و كنت مشغول قوي

وأدي صورة الريموت

انا مصورة عاللاب توب علشان تقدروا حجم الريموت بالنسبة لزراير الكيبورد مثلا

http://rides.webshots.com/photo/2297...48559416GfXnsI

مش عارف اصور العلبة بتاعه الانذار علشان لسة ماشحنتش بطاريات الكاميرا ممكن بكرة بالليل بقى :arrow:

بس عامة العلبة هي لونها اصفر و بصراحه هي شبة علب البسكويت او الشمعدان اللي بنشترية من السوبر ماركت اللي بيبقا فيها 24 او 36 باكو

ولونها بالضبط شوربة العدس :D

و مكتوب عليها الماركة ريتش دراجون

أية يا جماعه من ساعه مانا حطيت صورة ريموت الانذار حسب طلبكم و محدش علق اي تعليق لا بالسلب و لا بالايجاب

هل الريموت شكلة معقول او كويس او رديء و للا اية

عالعموم اسمعوا بقى اخر الاخبار

الانذار طلع عينيا في العيد زي ماسبق و قلت انة كان بيقطع اثناء التركيب و الفني قعد يحرك الفيشة علشان الانذار يلقط

المهم تاني يوم الانذار يظهر مع المشي و المطبات اتهز تاني

لقيتة عمل زي الاول
فصل و مش عاوز يشتغل من الريموت
قعدت اهز الفيشة و احركها علشان يلقط لقيتة عمال يفتح في السنتر و يتكتك (نتيجه انة بيدي اشارة فتح للسنتر مرات متلاحقة) زي المترليوز

الهم شلت الفيشة و ركبتها و حركتها لغاية ما لقط و قفلت العربية بالريموت و طلعت البيت :( الكلام دة يوم الوقفة بالليل

الصبح ( اول يوم العيد) نزلت بافتح بالريموت ما فتحش :?

فتحت بالمفتاح

أدور العربية ما بتدورش

البطارية نايمة خالص (ميتة)

ملحوظة : البطارية دي 70 أمبير جافة جديدة جايبها من عدة شهور و زي الفل

المهم خدت اللانسر و لفيت لغاية ماربنا كرمني و لقيت واحد بتاع اكسسوار فاتح (ماهو كلة قافل بقى عيد) اشتريت كابلات توصيل و رجعت وصلت افرونتيرا باللانسر و برضة مش عايزة تدور (الكابلات رفيعه قوي و مش مدية امبير كفاية) اضطريت ازود بنزين و استنى لغاية مالبطارية شحنت شوية و دورت العربية

رحت مشواري و لما رجعت فصلت الانذار

بس بالليل قعدت اضبط في الفيشة لغاية ما لقط كويس و قفلت العربية و طلعت, طبعا ماكنتش عاوز اسيب العربية مش متأمنة بالذات الجو هادي في العيد و مش عاوزها تتسرق

الصبح تاني نفس الفيلم بالضبط مع اختلاف ان البواب اتصل بيا عالأنتركم و قاللي و هوة بيغسل العربية سامع صوت تكتكة في الباب
طبعا انا عرفت اللي فيها و نزلت الحق ادور قبل مالبطارية تنام
بس على مين لقيت البطارية ماتت تاني :x
و دورتها برضة بعد ربع ساعه شحن عاللانسر
و فكيت فيش الانذار خالص و شلت الموديول في شنطة العربية

امبارح كلمت الراجل بتاع سنتر منعم عالموبايل (اللي انا اتصلت بية و بعتللي الانذار بالبريد السريع مع التحصيل) و قولتلة قعد يقوللي انة مش ممكن و انة مركب مئات الاجهزة ماحصلش ان حد اشتكى الشكوى دي
المهم بعد ضغط مني اتفقنا ان انا ابعتلة الموديول بس بالبريد السريع على اسكندرية يجربة بنفسة و يشوف و لو لقاة فعلا معيوب يبعتلي موديول تاني بالبريد السريع

رحت بعد الشغل امبارح للفني اللي انا باتعامل معاه و قلتلة قاللي ان اكيد فية دراي في لحمات الانذار او الفيشة فيها عيب او سلك الهم انا ماكانش عندي استعداد اسيب العربية من غير انذار اسبوع او اكتر لغاية مالجهاز يتبعت اسكندرية و يتجرب و يرجع تاني (إذا رجع)

المهم الفني (وهو فني كويس انا اعرفة من اكتر من 10 او 12 سنة) قعد يجرب و يختبر في السلوك و ينضف الفيشة و البنات
و في الاخر قاللي لأ لازم افتح الانذار اكيد فية لحام فاكك او Dry طبعا انا ماكنتش مرتاح للموضوع بس مش عاوز اسيب العربية من غير انذار اسبوع زي ما قلت

المهم الفني فتح الانذار و عاد على كل لحامات البوردة بالكامل (كل اللحامات اللي في اللوحه من جوة)

و لقى ان فردة السنتر بتاع باب السواق اتحرقت من كتر ما شتغلت طول الليل في عملية فتح متواصل (لغاية مالبطارية نامت) و اشتريت فردة غيرها و ركبها

و الانذار اشتغل كويس الحمد لله

بس بصراحه انا قرفت تماما من الانذار دة و الفيلم المأساوي الدراماتيكي اللي عشتة على مدار ايام

غير الشكل العبيط بتاع الريموت بتاعه

اللي عاوز يجيب الانذار دة يا جماعه يفكر ألف مرة :roll:

ملحوظة: الإنذار دة كدة مكلفني بتركيبة و تمن مكنتين سنتر (باللي اتحرقت) + وحدة رفع للزجاج الامامي اكتر من 520 جنية

و في الاخر ضيع وقت كتير و عكل مشاكل كتير و انا مش مبسوط :x

ابتديت افكر ان الموضوع كان صوري وفية ناحية اعلانية و دعائية للمنتج