ركن السياره فى الشمس

**FOUR 2014** · 31-07-2014 05:14 PM

المشاركة الأصلية كتبت بواسطة midooo_119

يجب فتح وغلق نوافذ السيارة من حين لآخر لتجنب انخفاض درجة حرارة السيارة، لأن عند تشغيل مكيف السيارة تنخفض درجة الحرارة بالداخل عن الخارج فتضغط على الزجاج مما يؤدى إلى ما يعرف بسرطان الزجاج.يعنى الحركه ديه المفروض تتعمل و التكييف شغال مش زى مالناس فاهمه تعملها و هى مركونه فالشمس

++++

**Mido Casper** · 02-08-2014 06:08 AM

المشكله من الفايبر بتاع العربيه من جوه ممكن يطق او يتشقق او كل ده

**S O P H O S** · 28-08-2014 04:12 PM

الدهان الخارجي والتبلوه

**Abo_Mazen** · 28-08-2014 05:43 PM

كنت قريت هنا معلومه في أخبار المنتدى بتقول إن ركن العربيات في الشمس ممكن يخلي العربيه تسييييييييييييح ..أيوه زي ما إتقريت كده ..تسيح ..أنا ضحكت قوي بصراحه ..وقلت إيه الهبل والسخف ده ..هي العربيه شمع وإلا إيه ..وبصراحه طنشت ..وقلت في نفسي ..إن الشمس آخرها ..تفرقع المعجون اللي على العربيه ..تبهت البويه ..الزجاج يضرب فيه السرطان أو يبقى ضعيف ..أهو أي حاجه إلا حكاية إنها تسيح ..بس الموضوع طلع بجد ..وإتأكدت لما كنت بتكلم مع واحد بوهيجي عربيات وبسأله على شغل هعمله في عربيتي ..شغل وش نضافه مش أكتر ..المهم البوهيجي وراني تقفيعات بسيييييييييييطه قوي في جناب العربيه وفي السقف ..وورهالي بطريقة معينة كده أنا نفسي لما روحت البيت وكنت عاوز اشوفها تاني معرفتش أجيبها ..جه على جنب العربيه كده وقام ماسح مسحه ..وبعدين قام جايب لمبه ومسلطها بزاويه معينة ..لقيت فعلا في تقفيعات خفييييييييييييييييييييييي فه ..ولما سألته من إيه ده ..قالي من الشمس ..وبعدين أنا بصراحه حسيته بيهبل ..قام مورهالي في عربيه تانيه واقفه جنب الورشه عنده .وعربيه تالته ..المهم بقيت وأنا ماشي أبص على العربيات اللي واقفه في الشارع عشان أشوف الموضوع ده موجود ولا لأ ..وفعلا ..لقيته موجود في عربيات كتير بس بنسب متفاوته ..قلت في نفسي ..يمكن الخبر اللي قريته على المنتدى صح

**الاسد المهاجر** · 28-08-2014 07:55 PM

ا

المشاركة الأصلية كتبت بواسطة land_cruiser

و الله دي حركه باستغرب منها قوي لما باشوف ناس عاملينها و اعتقد ان ضررها اكتر من نفعها : فتح الزجاج هيخرج جزء من الهواء الساخن علي حسب نسبه فتح الزجاج و يجوز يقلل من تكوين شبوره علي الزجاج من الداخل لكن ملوش اي تأثير علي أشعه الشمس الداخله للعربيه و في الاغلب الجزء المفتوح بيبقي صغير فمش هيعمل تأثير ملحوظ مقارنه بقفل الزجاج عادي او فتحه قبل بدء التحرك بالسياره. بالنسبه بقي للعيوب و الموضوع برضه متوقف علي نسبه الجزء المفتوح هتلاقي انها ممكن تدخل حشرات او حتي عِرسه داخل السياره كما انها ممكن عن طريق تمكن حرامي من فتح العربيه عن طريق فتح المسوجر بالاستعانة يقطعه سلك و لو كان الجزء المفتوح صغير لتلافي المشاكل دي يبقي مش هيبقي ليه اي تأثير و زي قلته

كنت بركن العربية من غير مفتح جزء من الزجاج يومين والزجاج الخلفي جاله سرطان لوحده من ساعة مبفتح جزء الحمد لله اما الموضوع الرئيسي فلازم هياثر علي البوية

**yaser adel** · 02-09-2014 11:00 PM

الغطا الحمايه الاكتر فعاليه في الموضوع دا ويكون من النوع اللي بيعكس مش بيمتص الاشعه

الموضوع: ركن السياره فى الشمس

LinkBack

أدوات الموضوع

عرض

المواضيع المتشابهه

استمتع بضوء الشمس بدون حرارة واحمي نفسك وعائلتك من اشعة الشمس الضارة

مقارنه بين استهلاك بنزين السياره سعه 1600 وبين السياره سعه 1300 (اوتوماتيك)

الكلمات الدلالية لهذا الموضوع

المفضلات

المفضلات

ضوابط المشاركة