الايمجراند بها مشاكل وعيوب قاتله بالاضافه الى ان سمعة شركة جيلي ف مصر اصلا وحشه .. لكن الانفي من شركه اسبرانزا وهي شركه معروفه وعن تجربه بما يرضي الله توكيلها كويس بنسبه كبيره جدا .. ع الاقل احسن بكتير من غبور ومنصور .. الانفي كمان تابلونها وصالونها اشيك من الامجراند وسعرها ارخص ومعظم قطع غيارها متشابهه مع ال 516 اللي معايا .. ومن ساعة مانزلت سواء الصيني او التجميع المصري ماسمعناش عنها اي مشاكل عكس الايمجراند تماما .. ده بالنسبه لسؤالك .. رايي انا بقى لادي ولادي،.. وخد البي واي دي l3 الجديده ب 88 الف وفيها اوبشن اعلى بكتير من الاتنين على سبيل المثال زرار ستارت انجن وفتحة سقف وكاميرا خلفيه بشاشه وغيره كتير كمان ماتورها اقوى من الاتتين .. الانفي والامجراند 1500 و 107 حصان .. البي واي دي 1500 و 112 حصان .. كما ان شكلها احلى من الاتنين من وجهة نظري .. وبرضه البي واي دي من ساعة نزولها السوق ف 2007 ومافيش منها شكاوي جوهريه او مشاكل .. كلها حاجات عاديه عكس الايمجراند .. ده كفايه الصدا اللي ف الابواب ياراجل .. ولسه بتفكر ف ايمجراند ..