فيات سيينا 1600 فعلاً عربية ممتازة وسحب غير عادى على الطريق

**laser503** · 19-10-2008 03:06 PM

يا جماعة أنا عندى عربية فيات سيينا 2001 لسه شريها جديد مش عارف أقولكم عليها أيه عربية حكاية فعلاً مشاء الله ... مع العلم أنى جربت سواقة عربيات كثيرة زى الكرولا واللانوس والفيكترا واللانسر فعلاً عربية حكاية تخيلوا سرعة إستجابة عالية لرجلى على الدواسة كفاية أنى بحس بنعومة الموتور بالرغم من أنه 2 كامة بس الـــ 16 صباب بتخلى الموتور ناعم.... وبعدين عايز أفهم بعض الناس الـ بيشككو فى فيات :
أولاً : شركة فيات شركة عريقة فى صناعة السيارات والموتورات والقطارات والطائرات وكفاية إنها بضم معها وبنفس خبرة مصنعيها ألفاروميو وميزاراتى ولانشيا والكينج فيرارى.. أسرع سيارات العالم وأغلها ثمناً ..
ثانياً : أى سيارة فى مصر أمثال السيارات الكورى ليس لها تاريخ ومنها من أعلن أفلاسه وكلها سيارات تفتقد الثبات على أشكالها يعنى ( بتغير شكل كل سنة ) وده بيفقد الصناعة ديه قيمتها بعكس السيارات الأوربى الـ موديل بيعد من أربع سنوات إلى 8 سنوات مع بعض التطوير التقنى .
ثالثاً : شركة فيات بلد المنشأة إيطاليا وهى ليست كوريا وإيطاليا بها أعظم مصممى العالم فى التصنيع وفى مجال السيارات أمثال جيجارو ومركز بروتون للتصميم.
أسف إذا كنت طال حديثى بس أنا دخلت على منتديات تانية وتفقعت من كلام بعض الناس فى رأيهم عن فيات وللأسف بيتكلموا عن جهل بالشئ .. المهم إنى أنا عندى عربية 131 ومحتفظ بيها حتى الأن وهى عربية معمرة كفاية إنها مش كورى

**MohabSaeed** · 19-10-2008 11:20 PM

طبعا هى تعتبر بديل ممتاز للانوس و الفيرنا و بسعر اقل + موتور احسن .
الناس الى بتقول انها عربيه وحشه اساسا مركبوهاش و بيتكلمو من السمع بس .
بس هى كمواصفات فنيه و صناعه افضل من السيارات الكورى

**فادى** · 20-10-2008 12:03 AM

السيينا عربية نجحت فيات من خلالها فى ابتكار سيارة مخصصة للعالم النامى, و لكنها لم تعامل سائقى العالم الثالث كسائقين من الدرجة الثالثة, بل قدمت لهم سيارة لا تقل عن مثيلاتها التى تصنع فى ايطاليا لكن بسعر أرخص, و نفس الشىء حاولت رينو أن تفعله و لكنها فشلت مع اللوجان,
و لأنها سيارة من تصميم فيات, فبالتأكيد تتفوق السيينا على الكوريات فى كل شىء, لاسيما الأداء و الثبات.
و فعلا فيات اسم عريق له العديد من الابتكارات خاصة على صعيد المحركات, و اشتهرت فى أوروبا بأنها أفضل من يصنع محركات التربو ديزل, و احدى أفضل من يصنع محركات البنزين.
احساسك بالاستجابة الذى أشرت اليه هو أفضل ما فى محركات فيات التى اشتهرت بالمرونة و العصبية عموما, و هذا الشعور يترافق لدى قيادة معظم سياراتها, و هو ما لا تجده فى معظم السيارات الأن, و خاصة الأسيوية منها, و هذا هو بالذات الذى يدفعنى فى كل مرة الى تفضيل فيات على أى سيارة أخرى, فهى الأمتع فى القيادة بلا شك.