عرض للطباعة
السلام عليكم
كنت أريد أن اعرف اسعار قطع غيارها. وجزاكم الله خيرا.
شكرا د. احمد على تجاوبك معنا
بس انا عندى سؤال عن قطع الغيار ومدى توافرها وسعرها خصوصا ان الريو مش منتشرة
انا كنت عايز اعرف موديل 2003 ليه سعره قليل قوي و ايه عيوبه
السلام عليكم
ممكن صور للعربيه وهو اخر شكل ده بينزل من سنه كام
ارتفاع العربيه عن الارض عامل ايه مع المطبات
جزاكم الله خيرا
هيا عربية شكلها حلو
بس عايز اعرف سعر العربية
وبالتوفيق
السلام عليكم و رحمة الله,
أنا فعلاً من المهتمبن جداً بالسيارة كيا ريو و بفكر إن شاء الله أجيبها كأول سارة ليه .. أدعوا لي بارك الله فيكم .. انا أصلي كمان لسه بتعلم.
أول مرة أنا شوفتها كان عند محمد زكي اللي في القطامية وهو برده عنده مركز الخدمة علشان هو وكيل لكيا .. و من ساعة ماشوفتها دخلت دماغي اوي
بحكم أني لسة مش خبير في في القيادة و المواتير و الفنيات هاتكلم عن إنطباعي عنها كشخص عادي جداً, العربية من الداخل بسيطة بس في الوقت نفسه شيك أوي ماشاء الله وواسعة و المقاعد الخلفية مريحة واللي يقعد ورا هايكون مستريح وشكلها العام جميل أوي, فيها شبه كبير من الأكسنت الجديدة بس فعلاً اجمل و انا بصراحة بفضل كيا عن هيونداي
الشنطة ماشاء الله واسعة و عميقة و تشيل حاجات كتير و يوجد فيبر في الأجناب و الخلف زي اللي في الأكسنت بس أعرض و شكله اشيك بصراحة.
كيا ريو تدخل في مضمار سباق السيارات من 70000 إلي 85000 جنية بس أنا رأي المتواضع جداً أنها من أفضلهم بس مش واخدة حقها خالص.
سعرالمانيول 81000
الأتوماتيك 87000
إضافة بسيطة,,, الموديل الهاي لاين High line يزيد عن العادي:
1.بوسادة أمان هوائية عند السائق.
2. الزجاج الأمامي و الخلفي كهربائي.
3. الكاسيت الأصلي و ده بصراحة احلي حاجة في الهاي لاين, شكله شيك جداً و مخلي شكل التابلوه جامد.
التوكيل عنده الهاي لاين مانيول و أتوماتيك و المفروض ان سعرهم زي العادي بس تقريباً بالحجز . اللي يحب أي لإستفسار أنا معاي موبيل الراجل بتاع المبيعات و ممكن أبعته لآي حد يحب يعرف تفاصيل أكتر.
ياريت اللي عنده معومات أكتر يفيدنا بيها أن شاء الله.
أسف للإطالة
أبوبكر
إرتفاع العربية عن الأرض 14.7 سم
ودى صور ليها
http://www10.0zz0.com/2008/11/06/18/679649673.jpg
http://www4.0zz0.com/2008/11/06/18/224274364.jpg
الريو عربية محترمة جدا..
أنا لسه شاري ريو أتوماتيك 2008 الإصدار الخاص اللي فيه air bag و فيه 4 زجاج كهرباء وفيه السي دي بلاير الأصلي اللي بينزل من شركة كيا وهو صوته حلو جدا...
بس طبعا هوا مش متوفر حاليا كان عدد محدود جدا
والعربية عاملة 4000 كيلو لحد دلوقتي...
أهم ملاحظاتي على السيارة بشكل عام:
1. شكلها حلو وغير منتشرة ووسعها معقول على خلاف مايبدو عليها من بره.
2. سحبها جيد جدا واستهلاك بنزين معقول بس لما تشغل الturbo بتستهلك بنزين أكتر.
3. عربية قوية جدا في التحمل.
السلبيات:
1.حتى الآن أنا ملاحظ إن ثباتها مش جامد ... مقبول يعني ... وكمان التسارع بعد 140 بيقل شوية.
2.صوت الموتور أعلى قليلا من الأفيو
وأي استفسار أنا حاضر
الريو عربيه جميله معايا بقالها شهرين ربنا يبارك لك فيها