حادث للعربيه و هى واقفه

**emadno1** · 31-07-2014 02:40 AM

السلام عليكم.
كل سنه و انتم الاسره الكريمه طيبين و بخير .
عاوز اخد رايكم يا شباب اعمل ايه فى الموقف ده نزلت الصبح لقيت عربيه اختى مخبوطه الخبطه السخيفه دى و معرفش مين عملها.

العربيه تويوتا ياريس 2014 متامن عليها فى بيت التأمين المصرى السعودى لو حد اتعامل معاهم يقولى الصح اعمل ايه هل اطلع على التوكيل و لا اروح لشركه التامين و لا اخطرهم الاول هل حاحتاج محضر الاول انا متعملتش مع شركه تامين قبل كده

**OmarAdel98** · 31-07-2014 02:43 AM

ردها على البارد في التوكيل

**kantofanto** · 31-07-2014 02:50 AM

متابع

**HOSSAM99** · 31-07-2014 02:54 AM

قدر الله و ما شاء فعل و الحمد لله علي كل حال
بلاش توكيلات في السمكرة و الدهان
حضرتك تشوف ورشة سمكرة و دهان تعملهالك و لو متعرفش حد تشوف ورشة نايل موتورز بيطلعو شغل كويس و الناس بتشكر فيهم
الأهم من ده كله لو الخبطه في الباب ده فقط يبقي هو بس اللي يتعمل و لو هايرش (أكيد هايرش) يرش الباب فقط مش الجنب كله و لا ورنيش و لا غيره و الحته اللي في العتب علي قدها أوي ميوسعش
بالتوفيق

المشاركة الأصلية كتبت بواسطة omaradel98

ردها على البارد في التوكيل

هو فيه توكيل بيرد علي البارد ؟!!

**محمد يوسف** · 31-07-2014 03:10 AM

المشاركة الأصلية كتبت بواسطة omaradel98

ردها على البارد في التوكيل

مافيش توكيل بيرد ع البارد....وأصلا توكيل تويوتا بالذات بيغير مابيصلحش

**BLOODY_STONE** · 31-07-2014 03:31 AM

١٠ جنيه و اعملك محضر زي الفل
و كلم شركة التأمين يجيوا يعاينوا
و روح التوكيل او لو عايز حد برة يصلح و يظبط و حيطلعلك شيك باللي دفعته

**elpasha1** · 31-07-2014 03:46 AM

انا رايي المتواضع انك تروح التوكيل
السبب انهم بيغيروا مبيصلحوش وبالتالى بدل العربية ماهتكون رشة باب هما هيحطوا باب جديد نفس اللون

**HOSSAM99** · 31-07-2014 05:30 AM

المشاركة الأصلية كتبت بواسطة elpasha1

انا رايي المتواضع انك تروح التوكيل
السبب انهم بيغيروا مبيصلحوش وبالتالى بدل العربية ماهتكون رشة باب هما هيحطوا باب جديد نفس اللون

مفيش أجزاء في التوكيلات بنفس اللون نهائي
كل الأجزاء الصاج مجلفنة و بتترش و بتتجهز قبل الرش زي برة التوكيل عادي
و معظم التوكيلات بتستخدم في التأسيس و الرش خامات مصري ... ما عدا مرسيدس و بي أم بيستخدمو خامة مستوردة
فكده كده العربيه هاترش باب و الرش ميعبش العربيه طالما معمول صح و الباب يتقفل بعد السمكرة صح
الرش و ما رشش دي خدعة اخترعها معدومي الضمير من التجار ... لبخس عربيات ساعات و رفع قيمة عربيات ساعات تانيه

**Adnfalcon** · 31-07-2014 05:48 AM

الحوار دا يخلص برا التوكيل أفضل

**saikoproff** · 31-07-2014 06:30 AM

بسم الله الرحمن الرحيم

انت تعمل محضر شرطة و تودى العربية التوكيل تعمل مقايسة مبدئية بتكلفة الاصلاح (و هتسيب العربية هناك) و تطلع بالاتنين على شركة التامين و هناك تعمل حاجة اسمها اخطار حادث و تسلملهم المقايسة و المحضر و تقولهم على مكان العربية عشان يعملوا معاينة

تانى يوم او بعد يومين بالكتير هيروح واحد من شركة التامين يعاين العربية و ويتفق مع التوكيل على مقايسة جديدة خالص (و هى دى اللى التوكيل هيمشى عليها)

بعد ما تخلص العربية ان شاء الله على خير التوكيل هيتصل بيك عشان تيجى تستلمها هتروح تدفع و تاخد الفاتورة و العربية و الهالك و تطلع على شركة التامين (هيشوفوا العربية و ياخدوا الهالك) و ياخدوا الفاتورة و بعد 2-4 اسابيع يتصلوا بيك عشان تاخد شيك بالفلوس

ملحوظة: سيتم خصم 10% عشان اتعملت فى التوكيل (حتى لو انت تأمينك شامل بدون تحمل)

الموضوع: حادث للعربيه و هى واقفه

LinkBack

أدوات الموضوع

عرض

-

-

-

-

-

-

-

المواضيع المتشابهه

طقه مع لف الدركسيون والعربيه واقفه

رقبتي واقفه علي

العربية اتخبطت وهى واقفه

العدادت بتاعت الكيلوهات واقفه والساعة واقفه ايه الحل ؟

الكلمات الدلالية لهذا الموضوع

المفضلات

المفضلات

ضوابط المشاركة