الأخوة الكرام
أعـضـــاء قـســــم سـكــــودا
تم عمل موضوع
[blink]
رابطة مالكي سكودا أوكتافيا TSI -1400 - A7[/blink]
لتعريف أعضاء ملاك العربية ببعضهم لتبادل الخبرات فى الموديل المذكور
تم التعديل
بمعرفة منسق القسم
عرض للطباعة
الأخوة الكرام
أعـضـــاء قـســــم سـكــــودا
تم عمل موضوع
[blink]
رابطة مالكي سكودا أوكتافيا TSI -1400 - A7[/blink]
لتعريف أعضاء ملاك العربية ببعضهم لتبادل الخبرات فى الموديل المذكور
تم التعديل
بمعرفة منسق القسم
الله ينور..والله كنت هبتدي الموضوع ده علشان نجمع أصحاب العربية الجبارة
معاكوا أبو مصطفى من الإسماعيلية..Octavia A7 TSI 1400 Turbo
الله ينور المفروض احنا الاساس علشان احنا الجديد فى كل حاجه مش الشكل بس ..
مع حضراتكم محمد محسن من القاهره امتلك والحمد لله skoda octavia a7 tsi turbo.... ...الجديده كليا ...
معاكوا يا رجاله
محمد محمود من القاهرة
Octy 3 TSI 2014
مبروك الرابطة يا شباب
ومبروك عليكم العربية
تحياتى
عربية ممتازة ماشاء الله عليها
السلام عليكم
إن شاء الله انا في خطتي اكون من مالكي السيارة الجميلة دي لكن قلقان من ناقل الحركة dsg لأن قريت ان بتظهر له مشاكل كثيرة لاحقا. يا ريت تفيدوني برأيكم
العربية خلاص بطلت تنزل ب dsg المتاح حاليا 6 سرعات ستيبترونيك و موتور mpi 1.6 و دي من اكتر الانظمة اعتمادية في فولكس جروب
مرحبا بالاخوة الاعزاء وشكرا علي المشاركه
العربيه اصلا حتنزل تاني tsi لان هوه الاصل يا باشا ومع احترامي لكل مالكي ال 1600 mpi من غير ال 1400 tsi مفرقتش اي حاجه عن الفنتزيا بل بالعكس الفنتزيا تتفوق و ال mpi ده نازل في مصر بس علشان الرعب من ال dsg الجبار ربنا يبارك و يحمي جميع السيارات
انا معاكم مصطفى سليمان من حلوان a7 tsi turbo 1.4
عربيه تحفه بصراحه بس انا برده حجيب 1600 عشان راحه البال :d
بصراحه انا مش عارف اروح ادفع فلوسى فى شكل جديد وموتور وفتيس قديم بتاع ايه .ما اروح اجيب فانتازيا مستعمله وحالتها حلوه على الاقل هتبقى احسن .. والعربيه tsi دى اللى نزله على المستوى الدولى ودى الاوكتافيا الجديده فى كل حاجه الشكل والامكانيات.لكن ال ال1600 دا نازل لينا مخصوص بناء على طلب الوكيل ارتوك واتحط على الشكل الجديد علشان مبيعات الوكيل مش قد كدا وعاوز يبيع ويلم فلوس ومش فارق معاه الناس تركب موتور قديم بس يدفعوا وخلاص .. وفى اخ كريم بيقول ان العربيه بطلت تنزل طب ازاى سعادتك يعنى الشركه بطلت تصنعها مخصوص علشان خاطر الوكيل المصرى ميزعلش فبدأت الشركه تعقل وتفوق وتنزل العربيه بالموتور والفتيس القديم .طب ازاى .دا شركه بتحدث كل فتره من امكانيات عربيتها مش ترجع للخلف على القديم . وعلى فكره قوة الموتورtsi و الفتيس مش فى السحب والشد بس زى ما ناس بتقول.. لأ قوة الموتور بتكون فى كل حاجه فى الاحمال والتكييف وسرعة رد فعل وسرعه اسعاف السائق على الطريق بضغطه واحده واستهلاك اقل للوقود..وعلى فكره دى المواتير اللى هتنزل بعد كدا . وكفايه متعة القياده وانك راكب عربيه ممكن تشد بيها وتعمل مناورات فى اى وقت من غير ما تقصر معاك او تحرجك او تضرك لاقدر الله .
يا فندم حضرتك عمال تقول موتور قديم موتور قديم ، الموتور القديم 102 او 105 حصان و 8 صباب مش 16 صباب و الجديده 110 حصان ، انا سوقت الفانتازيا حوالی شهر و نص و فی فرق ملحوظ جدا فی السحب و الشد و العربيه ال 1600 بتنزل فی روسيا كمان مش مصر بس ، و لما ارتك اوتو تنزل الموتور ال 1600 ده اعتراف انی االفتيس ده مينفعش مع مصر ده رای يعنی
و فی الاخر كل واحد اشتری الاوكتافيا فا هيا عربيه تحفه ما شا الله
ربنا يبارلك في العربيه والاوكتافيا 1600 اكيد تقيلة بالفتيس القديم
احنا عندنا جيتا الشكل القديم 1600 فتيس dsg وبحس انها تقيله في الطلعه
امال لو ركبت الفانتزيا 1600 مع فتيس 6 سرعات :D او a7
انا مش بقلل شأن a7 mpi هي اكيد احسن من الفانتزيا بس برضو تقيله جدا بالنسبه tsi
في الاخر كلكو معاكم a7 الرائعه
بالنسبه لكلمه موتور قديم قديم والناس ازاي تدفع فلوسها في موتور قديم
لو علي كلمه موتور موجود من جيل لجيل
الكورولا الجديدة بنفس موتور القديمه
السيفيك نفس الحكايه
المرسيدس سي الجديدة بالموتور بتاع القديمه
فاهو مش حاجه تعيب العربيه بالعكس كل واحد واحتياجوا انا ال 1600 الي معايا مدستش لحد اخر الدواسه لحد دلوفتي ومش محتاجها غا لو جبت التربو مش هستخدم ربع قوتوا مع ان كان امكانياتي تسمح اني اجيب 508 بس مرضتش لان مش هستخدم ربع قوتها حتي
العربيه كسحب مش التربو طبعا واكيد ومخدش يقدر يقلل من دا وربنا يباركلك فيها والي معا ال 1600 ربنا يباركلوا فيها
مفيش داعي نكره الناس في عربياتها الي دافعه فيها فلوس سواء 1600 او 1400 ونعد كل شويه نقلهم فتيس فتيس مينفعش برضوا
any one use 95?????????? cuz 92 when i kick down or fasten it been lost easly :S
يا جدعان فى حد هنا نجم ممكن يعملنا جروب على الفيس لملاك الأكتافيا الجديده
علشان بردوا الموضوع ده لو الجروب كبير بيفيد جداً فى اى شكوى مع التوكيل او اى حاجه.
يا جماعة كلنا نمتلك نفس العربية
بس اختلافنا في الموتور والفتيس
كل واحد ادري بمتطلباتة ويجب احترام رائ الجميع
أكيد صاحب التربو مبسوط من السحب والشد والتسارع ومسئول عن اختيارة لأنة هو صاحب القرار
وأكيد صاحب ال ١٦٠٠ برضة مبسوط بالعربية ومش حاسس ببطء. الطلعة والتسارع
كلنا في نفس المركب ياريت نحاول نتبادل المعلومات علي العربية للإفادة وياريت لو نرتب مقابلة
ارجو لو ينفع ضم موضوعي رابطة ال a7mpi مع رابطة a7 1400
موضوع ونخلية. موضوع واحد لتعم الفائدة
استفسار بسيط لو سمحتوا .....موضوع الرادرا الي في الشبكة قدام و الحساسات بتاعات النور الي في المراية الي في النص الي بتحس بالنور بتاع العربية الي جاية قدامك و الكامرة الي بتشوف الخطوط و علامات الطريق ......الكلام ده موجود في ال a7 في مصر ؟ و لو موجود في انهي فئة ؟
معلش ياجماعة ممكن حد يقولي الاوبشن ف فئات كل فئة بما ان حضراتكم ملاك لهذه السيارة الرائعة ؟
وهل الاوكتافيا بماتور 1400 تنافس الانسيجنيا فالثبات والتسارع والبيجو 508 ؟
الموتور و الوسع ينافس مستريح اوى
الثبات مجربتش العربيات التانيه بس اظن ممكن يكونوا احسن شويه بسبب ان ارتفاع الأكتافيا بيأثر مع الهوا الجانبى لو فى طريق مفتوح.
اظن قطع الغيار و الصيانات قد تكون ارخض شويه منهم بالذات الأوبل اسمع ان صيانتها غاليه و الله اعلم.
اوبشنز الفئة التانيه الى معايا
جنوط - ABS - ESC - اظن 2 ايرباج - Bolero infotainment system - مراقب ضغط العجل - تكييف عادى - مرايات ضم و فيها اضاءة - بارك سينسور - 4 ازاز اوتو مش فاكر بصراحه حاجه تانيه :)
العربيه حاليا معايا عامله حوالي ١٥٦٠٠ كم
التيل بيعمل اصوات فعلا او الفرامل يعني مع الركن من ساعة مكانت زيرو
في حاجه بقا ممكن تكون السبب و هي ال hill hold assist الي في الفتيس و هو انو بيمسك فرامل اوتوماتك لو العربيه على منحدر و بيديك ثواني ماسك الفرامل لحد مانت تدوس بنزين و تتحرك
لاني لاقيت وانا واقف على طريق مايل و باجى اتحرك و الهولد شغال الفرامل بتعمل نفس الصوت في اول الحركه بس
ايه الاخبار يا شباب ؟؟!!! العربيه عامله ايه معاكوا :tumb:
فعلا مهم جدا لو نعمل جروب على الفيس فيه كل ملاك العربيه علشان لو بعد الشر حصل اي حاجه نبقى كلنا ايد واحده قدام التوكيل
يا سلام مثلا لو يبقى فيه ضمان على الفتيس مدي الحياه :) :tumb:
اكتب في السيرش Skoda A7 Egypt owners
أخبار الوحش معاكو ايه يارجاله .. ربنا يحفظهالكو من كل سوء ..
فلتر الهوا بتاع الموتور بيتفك ازاى علشان عاوز انظفه ..