قرض شراء شقة

**Ahmed_Rahem** · 01-08-2014 08:47 AM

المشاركة الأصلية كتبت بواسطة dede_dodo88

يا ريت لو حد يعرف يفيدنا بتفاصيل أكتر عن الحوار ده.
يعني مثلاً, هل في حد أقصى للتمويل ؟ يعني لو شقة بمليون جنيه عادي ؟

القرض العقارى فى مصر اكبر خدعة فى تاريخ البشرية، لية؟ نحسبها

القسط بحد اقصى ثلث الدخل (يعنى 333 لكل 1000 جنية دخل)، لو هتدفع مبلغ القسط دة على 15 سنة مثلاً قيمة القرض هتكون فى حدود 30 الى 35 الف جنية (والمبلغ المسدد حوالى 60 الف) يعنى بتدفع الضعف.

الارقام دى تقريبية بس اى بنك هيدور فى نفس الحدود.

طب دة سببة اية ان العميل فى مصر عميل خطر، لية؟ لان العقار ممكن يكون مش سليم يعنى ينهار، يكون علية مشاكل. ودخل الفرد مش مضمون على بعد 10 سنين (حد يقدر يقول بعد 10 سنين هيشتغل بكام وفين؟ والاهم البطالة عاليا) فأى بنك بيخاطر ويديك قرض وبالتالى بيطلب عائد اعلى (نظرية العائد والمخاطر).

نصيحتى ابعد عن القرض العقارى وحاول تقسط مع البائع على سنة او اتنين.

والسلام ختام

**Ahmed_Rahem** · 02-08-2014 09:50 AM

المشاركة الأصلية كتبت بواسطة dede_dodo88

مهو ده العادي في أي قرض, أنك في اخر المدة بتلاقي نفسك دافع فايدة أضعاف الأصل..
بس الفكرة أنهي هيكون أريحلك, تقسط مليون جنيه على سنتين وللا على 15 سنة ؟

مفروض ميكونش دة العادى لية؟ لان القرض العقارى مضمون بالوحد العقارية وبالتالى - الى سعرها بيزيد - فرصة الخسارة فى استرداد القرض منخفضة لمعدومة. علشان كدة فى بلاد برة - الى ملناش دعوة بيها - الفوائد بتكون 4-6% بالكتير انما هنا بنتكلم فى 10-14% فرق ساشع جداً.