الموضوع: تقرير سريع octavia a7 الفئه التانيه

المشاركة الأصلية كتبت بواسطة arizaro

بص حضرتك انا لسه واصل اسكندريه بنفس العربيه الحمد لله ، اولا انا داخل اعلق علی حكايه التكييف بالذات ، اقسم بالله دی الحاجه الی استغربتها فی العربيه ما شاء الله ما شاء الله والله التكييف تلاجه بمعنی الكلمه والله مشغلوا علی المستوی التانی متلج لدرجه انی كنت قافل فتحه التكييف بتاعت السواق والله و فاتح الی فی النص عشان كفابه عليا :d
نيجی بقی للی بيسال عن صوت العربيه كنت شايل فی العربيه بالظبط 6 افراد بالسواق و شايل فی الشنطه بتاع 150 كيلو 160 كيلو الصراحه صوت الماتور كان عاالی عند ال 150 و انا فاتح التكييف مش عارف ده عادی ولا ايه انا قلت لنفسی يمكن عشان لسه مكملتش ال 1500 كيلو و مفتحتش الماتور و كده و ای حد عنده استفسار انا موجود

شكرا يا باشا على التعليق و الف مبروك عليك العربيه . عندك حق تحميل وزن تقيل اوي كده و جري سريع و العربيه لسه بتلين طبيعي أن صوت الموتور يكون عالي حبتين . بس في الظروف اليوميه العاديه بتاع مشاوير الشغل و الفسح هتبقى الدنيا أحسن بكتير .

المشاركة الأصلية كتبت بواسطة ahmed sa3ed

بالنسبه للعزل انا هقول راى دلوقتى علشان لسا مجربتهوش فى اسوء الظروف والسرعات العاليه فى منطقه يكون فيها هوا شديد بس مبدئيا
عزل الكاوتش ممتاز
صوت الموتور هادى جدا وفى الكيك داون تسمعوا
صون الناس برا والعربيات مش بسمعوا بس لو عربيه شكمانها مخروم جامد طبعا بسمعوا بس بسيط دى الاوكتافيا من غير دخول فى مقارنات مع عربيات تانيه علشان متبقاش شهادتى مجروحه

التكيف ممتاز ممتاز ممتاز وحته انو مانيوال دى استخصار من ارتوك بس فى النهايه اهو ساقعه وبيتلج

شكرا جزيلا على التعليق و التوضيح ده . كلام مشجع جدا خصوصا بالنسبه للتكييف. انا كان قصدي بالمقارنة مجرد التوضيح بس لانه موضوع نسبي و ممكن يختلف الراي فيه من شخص لاخر حسب هو كان راكب ايه قبلها و المقارنة هي أفضل طريقه للتوضيح عموما .. مش قصدي خالص مدح أو ذم أي عربيه تانيه ولا حتى حددت ماركه بعينها . يمكن انا مكبر الموضوع شويه لأن العزل في الهوندا بتاعتي ضعيف اوي و الموتور صوته تحت التابلوه لدرجه اني ساعات باحس أن الازاز ورا مفتوح و ارفع الزرار بتاعه فافاجئ انه مقفول :)

المشاركة الأصلية كتبت بواسطة sherif lotfy

شكرا جزيلا على التعليق و التوضيح ده . كلام مشجع جدا خصوصا بالنسبه للتكييف. انا كان قصدي بالمقارنة مجرد التوضيح بس لانه موضوع نسبي و ممكن يختلف الراي فيه من شخص لاخر حسب هو كان راكب ايه قبلها و المقارنة هي أفضل طريقه للتوضيح عموما .. مش قصدي خالص مدح أو ذم أي عربيه تانيه ولا حتى حددت ماركه بعينها . يمكن انا مكبر الموضوع شويه لأن العزل في الهوندا بتاعتي ضعيف اوي و الموتور صوته تحت التابلوه لدرجه اني ساعات باحس أن الازاز ورا مفتوح و ارفع الزرار بتاعه فافاجئ انه مقفول :)

لا ياباشا مفيش الكلام دا العزل كويس جدا زي ما قلتلك وهو فعلا نسبي حسب نوع العربيه الي كنت راكبها قبلها بس توكل علي الله ومش هتندم

المشاركة الأصلية كتبت بواسطة astra lover

ارجو الرد لأهمية وشكرا.

بص هی سعرها الرسمی 214 بس سمير ريان هيجبهالك بعدها ب يومين ب 216 كده عشان هيا فعلا مش هتلاقی العربيه دی كتير فی المعارض انا دوخت عليها

المشاركة الأصلية كتبت بواسطة moody_687

والله انت راجل مية مية وبتفهم
اللي يجنك عربية ب 190 الف ج ومفهاش اوبشن ولو ع الاقل مرضي لزبون اللي معهوش غير 200 الف ج يعنى لمؤخذة راكب عربية مفهاش اوبشن وماتور قديم عليه بعض التحدثيات
اهو الزبون ده ربنا معاه
فعلا الاسكودا والتيوتا المفروض يكون اخرهم 200 الف ج للسيارة
لكن الكاتوجري التالت ابو 260 الف ج دخل ف فئات تانية اكبر من العربية بكتير

حتى السعر مش هنتكلم فى فى الفئات الاعلى لان مبالغ في لان فى 2012 كانت الباسات وال 508 اول فئه ب 210 الف اللعب فى الاسعار على كل الفئات بسبب حاجات كتير كلنا عارفنها