طريقة فك و تنضيف فلتر تكييف كورولا 2014 بالصور
بسم الله الرحمن الرحيم
زملائي الاعزاء بنايل موتورز السلام عليكم .......
بقالنا فترة متكلمناش و لا عملنا مواضيع فقولنا نكسر السكوت ده و نجمد قلنا و نبدأ نفك في العربية و نستكشف فيها واحدة واحدة .
ما شاء الله احنا عارفين تكييف العربية قوي جدا بس ده ميمنعش اننا نهتم بيها و ننضف فلتر التكييف كل فترة كدة لضمان قوة التبريد .
مكان الفلتر موجود ورا الدرج الجانبي او ال Glove Box و هو سهل الوصول اليه و هلخصه في 7 خطوات :
1. هتفتح درج التابلوه هتلاقي من الجنب اليمين نزل زي مساعد بيمسك الدرج لتحت عشان لما تفتحه ينزل ببطء و شياكة كدة , كل اللي عليك انك تدوس عليه من الجنب اللي شبه راس المسمار العادة هتلاقي راس المسمار ده خرج من التجويف بتاع المفصلة و بكدة نبقي فكينا المساعد من الدرج . http://nileup.com/up/uploads/nilemotors_14069161521.jpg 2. طبعا الدرج مش هتلاقيه اتفك ليييييه؟ عشان فيه ودن يمين و ودن شمال ماسكين الدرج عشان ميقعش في حالة ان المساعد باظ مفيش حاجة كدة متسابة هباءَ , كل اللي عليك انك هتدوس علي الودنيين بالتناوب عشان تحرر الدرج من مكانه هتلاقي الدرج اتدلق لقدام عليك .
مبروك عليك تنضيف الفلتر !
