كروز فيس لفت 2013

**Mahmoud_Yassin** · 02-08-2014 06:16 AM

طيب اية الاختلافات الظاهرة فى العربية بين موديل 2013 و 2014 عشان نقدر نفرق بينهم

**ENG.MaRk** · 02-08-2014 06:30 AM

بصراحة موضوع التغيير بعد سنة مش كويس و خصوصا إن محدش عارف الشكل الجديد عامل إزاي أو حتي ايه مميزاته و عيوبه مع العلم إنه هيبقي تجميع صيني ... لو حضرتك كده كده ناوي تغير بعد سنة يبقي فكك خالص من الكروز و شوف سيراتو زيرو أحسن مادام السعر متوفر معاك لأنها عربية خطيرة و جميلة جدا و شكلها لسة جديد و قدامه4-5 سنين لحد ما يقدم

**mido** · 02-08-2014 03:07 PM

هات اللي هتجيبه بعد سنة و خلاص

**hon** · 02-08-2014 04:38 PM

رأى المتواضع اصرف نظر عنها
عند حضرتك الزيرو هاى لاين ب 148 قول 150 ضمان الزيرو مفيش بعد كدا
لو ناوى تغير قريب يبقا هات حاجة استعمال مشى نفسك وبردو ابعد عنها لانه بحسبة السوق كمان سنة العربية ال 2013 حتخسرلها 20 الف مرتاح فهات موديل ماسك سعر شوية
واهم حاجة صلى استخارة وربنا يهديك للخير ان شاء الله

**medosalah** · 03-08-2014 06:01 AM

يا باشا اشتري نفسك بال 15 الف الفرق دول وريح دماغك

الزيرو زيرو

وعلي فكره نصيحه لا تنتظر الموديل الجديد ال 2015 لانه هيبقي صيني وانت شايف ان لما النيسان نزلت صيني كل الناس بدات تجري تجيب الموديل القديم ولما الاوبترا نزلت صيني كل الناس بتجري تدور علي الموديل القديم وحتي الاوكتافيا الجديده مليانه مشاكل والفانتازيا اسعارها غليت جدا

نصيحه استخير ربنا وتوكل علي الله في الكروز زيرو

**Hussein_Ramdan** · 03-08-2014 07:11 PM

المشاركة الأصلية كتبت بواسطة ashouhdy

ولو حتغير بعد سنة طب ما تجيب من دلوقتي اللي حتجيبة بعد سنة ! موضوع 2015 الله اعلم حتنزل ولا لأ لأن في كلام حتكون تجميع صيني

لو فعلا حتبقي انتاج مصنع الصين يبقي توقع ارتفاع سعر المستعمل منها جدا

الصراحة الى ناوى اجيبو كمان سنة او اكتر شوية لو ربنا كرمنى والى انا عايزو تم
انا منمر على الجراند شروكى الجديد الى هى ب 550 والصراحة فلوسها مش حضرها معايا دلوقتى ولو جبتها هتكسر وسطى فانا بقول الحاجة الى تيجى من وسع احسن ما تيجى بزنقة

**Hussein_Ramdan** · 03-08-2014 07:13 PM

فعلا ياشباب شكرا على الرد الجميل والناس بجد متعاونة هنا لاقصى الحدود من اكتر الاقسام الى شوفت فيها مساعدة
ناس فى غاية الاحترام والرقى
بس انا شكلى هسمع كلام واحد صحبى قالى هاتلك سيراتو 2011 او 2012 الفتيس الجديد
قالى هتشتريها وانتا رايح تجيب حاجة ساقعة وتبعها وانتا راجع ترجع الازازة ههههههههههههههههه
والخسراة مش هتكون كبيرة اما كنت مبعهاش بنفس الثمن لو اشتريت حاجة حلوة بسعر كويس