ياجماعة بالله عليكم انجدونى مفتاح بى وادى اف ثرى اوتو بصمة

**eslam87** · 10-08-2014 12:59 AM

السلام عليكم . متشكرا جدا لحضراتكو .
انا روحت النهاردة التوكيل القطامية حاجة كدة تقرف وخدمة اسوء مايكون وحاجة بصراحة زفت
الموضوع باختصار انو بعتلهم حد قريبى وشرحلهم الموقف واللى حصل وبعدين اتصلو بيا وانا بردو حكيت اللى حصل بالضبط وكلمنى مهندس وقالى روح ناحيت العربية واعمل كذا وكذا يعنى كان بيحاول يخليهالى تدور وانا قولتلو مفيش امل انها تدور لان الريموت والكرت اتهرسو وبعدين قفلت معاه . راح الراجل قريبى قاله يعنى ايه الخلاصة قاله هات العربية والمفاتيح وهانغيرلك البصمة كلها 450 جنيه وهانسلمك كرت وريموت جديد . فا انا حجزت معاهم على يوم السبت اللى هو النهارد فاول مادخلت قالولى لو انت عاوز تعمل اللى انت بتقول عليه وتغير البصمه كلها هايكلفك 10000جنيه فانا قولتلهم ازاى دا قالى ان التكلفة كلها 450 برة 350 بس لو حصل حاجة مش مسؤليتنا لانك كدة هاتركبها برة . روحت بقى عملت مشكلة وبعدين جالى مهندس اسمه ياسر وقالى مين قالك انو هايتغير 450 جنيه دا تمنه 10000 جنيه راح مسك الموظف او المهندس دا معرفش انا شغلته اية وظبطه وتقريبا خصم منه جامد . المهم انا قولتله انى انا جاى من البحر الاحمر وحملت العربية وكلفت وانا جاى على اساس انى هاغير وامشى بعد ساعتين وب450 جنيه قالى انا ظبط الموظف اللى قالك كدة وخصمتله او مشيته الله واعلم روحت قولتله انا ميخصنيش انك تمشيه او تخصمله دا مش هايفدنى فى شىء المهم قالى كلم مهندس مش متذكر اسمه اللى هو مسؤل عن البى وادى فى القاهرة كلها فى مدينة نصر قالى بس يافندم حضرتك كدة كدة كنت هاتجيب العربية عندنا فيه حل تانى ومش مكلف بس هاتستنى اسبوعين ان حضرتك تجيلى مدينة نصر وتجبلى الكارته والريموت وهابعتلك بيهم ايميل برقمهم ونبعتلك عليهم من الصين دا طبعا بعد ماسجدنى بكلمتين وقالى ماتخفش على العربية عندنا هانجرشهالك ومتخفش عليها .

**eslam87** · 10-08-2014 01:03 AM

روحت انا وافقت مابليد من حيلة هاعمل ايه . المهم انو لسة مكلمنى من شوية وقالى ان عاوز يبعت ايميل برقم الكارتة او الريموت وان فيه 4 ارقام مش واضحين لان الكرت اتهرس ومش واضحة الارقام . راح قالى لو الارقام دى معرفناش نوصلها كدة هاتعوز تغيير البصمة كلها ب10000 جنيه . اعمل ايه ياجماعة واللهى انا مش عارف افكر اعمل ايه

**eslam87** · 10-08-2014 01:04 AM

هو مش ممكن ياخد رقم الشاسيه والموتور ويطلع عليه وبناء عليه يعرفو هما هناك باقى الارقام . والعربية عندهم فى التوكيل

**eslam87** · 10-08-2014 01:06 AM

ياريت ياجماعة اللى اشترى العربية كاش او اللى اشترى العربية بشكل عام استلم معاها ريموت وكارت فقط ولا استلم ريموتين وكارتين

**hamada20008** · 10-08-2014 02:02 AM

ازاي الكلام ده هي طابونه عيش اكيدمن رقم الشاسيه ورقم الموتور هيعرفوا رقم البصمه ولا هما شغالين بالبركه

**dedi** · 10-08-2014 12:48 PM

10000 لية دة كتير واضح انة نشتك عين جامدة
لو عملتة برة ينفع و يكلف كام وبناقص ضمان الكهرباء ولو قدر اللة واحتجت لضمان الكهرباء يبقى بجح وعلى صوتك لو كام العيب بعيد من موضوع المفتاح

**kandil1971** · 10-08-2014 04:04 PM

لا حول ولا قوة إلا بالله العلي العظيم
والله الواحد مش عارف امتى هينصلح حال البلد دي
أمرك لله وربنا يقدملك اللي فيه الخير
"عسى ان تكرهوا شيئاً وهو خير لكم"

**eslam87** · 10-08-2014 06:44 PM

ياجماعة يعنى اعمل ايه اروح ازعق معاهم ولا ايه على فكرة العربية لسة ماكملتش معايا شهرين وعليها اقساط ياريت تقولولى اعمل ايه

**hamada20008** · 10-08-2014 09:02 PM

لو ينفع تركب كونتاكت بمفتاح هيكون افضل

**eslam87** · 10-08-2014 10:32 PM

طيب مش هو عنده رقم الشاسيه ورقم الموتور ومش ناقص غير رقمين بس فى الشريحة مش باينين مش هى العربية كل بيانتها متسجلة فى الشركة الصينية والمفروض انو يجيب رقم المفتاح من الشاسيه والموتور