السلام عليكم

أخوكم م/محمد من القاهرة

لي إستفسار من أعضاء المنتدى الكرام

عاوز اشتري سوزوكي ماروتي وربنا كرمني وان شاء الله اقدر ادفع المقدم بتاعها

قريت مواضيع كتير هنا في المنتدى عن بنك فيصل وابوظبي وعبداللطيف جميل وبنك ناصر وللاسف لقيت عليهم مآخذ شرعية

قعدت ادور وابحث لقيت شركة اسمها سيتي موتورز في 42 شارع عبد الحليم حسين متفرع من عبد المنعم رياض

وقايلين انهم بيقسطو مباشر بدون بنوك وبدون تامين او حظر بيع استبشرت خير وكلمتهم والمسئول هناك اكد الكلام ده ، قلتله طب ايه الضامن ليك قالي هتمضي على شيك بكامل المبلغ فقلتله وشيكات تانيه كل شهر قالي لا هو شيك واحد بس فقلتله لو الكلام ده بجد يبقى كتر خيركو وهتفتحوا سكة لناس كتيره عاوزة تشتري بما يرضى الله

انا ان شاء الله ناوي اروحلهم واشوف بنود العقد بتاعهم عامل ازاي

فكنت حابب اعرف اذا كان في حد من الاعضاء الكرام اتعامل معاهم او يعرف في مآخذ عليهم ولا شغلهم مظبوط


شكرا مقدما ، والسلام عليكم :)