مقارنة بين السيارات العائلية في مصر أورتيجا 7 راكب - كارينز 7 راكب - افانزا 7 راكب

شكراً علي المنتدي الجميل ده
وسؤالي ياجماعة ايه رأيكم افضل سيارة عائلية 7 راكب 7 مقاعد في مصر الان
السيارة الاورتيجا 7 راكب - أو الافانزا 7 راكب - او الكارينز 7 راكب وده تقريباً كل اللي بينزل مصر دلوقتي
علماً بأن الشراء تقسيط وتواجدي في الصعيد
المقارنة من حيث هذه العناصر فقط
1- الارتفاع من علي الارض
2- اعادة البيع نسبة الطلب عليها في المستقبل ( تقريباً )
3- اداء الوكيل ومراكز الصيانة وهل موجودة في الصعيد ولا لا
4- اتساع المقاعد الاخيرة تكون مثلها مثل باقي المقاعد ( مقاعد للكبار )
5- اقتصادية : توفير في البنزين
6- الشكل
واخيراً كم الاسعار الحالية

وشكراً

اعتقد الكارينز واللوجان كويسين

الافانزا خفيفة وثباتها سيء على السرعات بعد 100

لوجان mcv

الكارينز

ارتيجا هنعمل شغل جامد في الفئة دي
لوجان قطع غيار وصيانة منتشرة

الافانزا اسواهم
لو ممكن تتنتظر شويه تشوف الارتيجا الفتره الجايه وخصوصا سعرها اقل من الكارينز

الكارينز فيها الى انت عاوزه شكل واعاده بيع ومراكز صيانه فى الصعيد

كارينز وش

اقتباس:

---

المشاركة الأصلية كتبت بواسطة gonet

شكراً علي المنتدي الجميل ده
وسؤالي ياجماعة ايه رأيكم افضل سيارة عائلية 7 راكب 7 مقاعد في مصر الان
السيارة الاورتيجا 7 راكب - أو الافانزا 7 راكب - او الكارينز 7 راكب وده تقريباً كل اللي بينزل مصر دلوقتي
علماً بأن الشراء تقسيط وتواجدي في الصعيد
المقارنة من حيث هذه العناصر فقط
1- الارتفاع من علي الارض
2- اعادة البيع نسبة الطلب عليها في المستقبل ( تقريباً )
3- اداء الوكيل ومراكز الصيانة وهل موجودة في الصعيد ولا لا
4- اتساع المقاعد الاخيرة تكون مثلها مثل باقي المقاعد ( مقاعد للكبار )
5- اقتصادية : توفير في البنزين
6- الشكل
واخيراً كم الاسعار الحالية

وشكراً

---

1- الإرتفاع عن الأرض الإرتيجا 18.5 سم ... الكارينز 15.6 سم .. الأفانزا معرفش

2- إعادة البيع أكيد دلوقتي الكارينز لكن الله أعلم الإرتيجا هاتعمل إيه لأنها لسة عربية جديدة في السوق بإمكانيات حلوة جدا وسعر رائع جنب اللى زيها وأكيد السعر هايزيد بس بعد ما تعمل مبيعات كويسة زيها زي أي حاجة مصر .. والأفانزا سمعتها أصلا وحشة بس معرفش إعادة بيعها كويسة برضه عشان خاطر شايلة اسم تويوتا ولا إيه

3- مراكز الصيانة في الصعيد .. معرفش بصراحة دي محتاجة حضرتك اللى تسأل عنها عندك

4- المقاعد الأخيرة في الإرتيجا كويسة جدا وواسعة والصف اللي في النص قابل للحركة للأمام والخلف .. معرفش الأفانزا أو الكارينز إيه وضعهم

5- التوفير في البنزين ... أعتقد الإرتيجا ... وموتور 1400 سي سي 95 حصان على وزن 1180 كيلوجرام
الكارينز موتور 1600 سي سي و 135 حصان على حسب الموقع بتاع كيا مصر بس وزنها تقيل عن الإرتيجا بكتير حوالي 1600 كيلو

6- الشكل ده بتاعك بالنسبة لي الأفانزا شكلها سيء جدا
الكارينز والإرتيجا شكلهم حلو هم الإثنين ودي لازم انت تركب الإثنين وتشوفهم من جوة ومن بره وتشوف هاترتاح لأنهي واحدة أكتر