ارجو المساعدة من مالكى بيجو ٣٠١ فى بعض الاستفسارات

**sadek9** · 02-08-2014 05:57 PM

السلام عليكم

ارجو المساعدة من ملاك بيجو ٣٠١ الاوتوماتك فى الاسفسارات التالية

١- هل قيادة السيارة على الوضع المانيول تمنع العيوب التى اشتكى منها بعض الاعضاء مثل النتشه اللى من الاول للتانى و النطه اللى عند الفرملة؟
٢- هل يمكن التغير بين وضع الاوتوماتيك و المانيوال و العربية ماشيه ولا لازم تكون واقفه؟
٣_ هل استهلاك البنزين بيكون احسن على الوضع المانيول؟
٤- هل لما اكون على الوضع المانيول و ادوس فرامل لازم اسقط نقلات بنفسى ولا العربية هتعمل كدة لوحديها؟
٥_ هل هناك مساو ىء معروفه اللقيادة على الوضع المانيول؟

افيدونا افادكم الله
شكرا

**hany63** · 02-08-2014 06:18 PM

هجاوب ما عدا الاستفسار الاول لاني مش من ملاكها
ممكن التغيير لوضع المانوال اثناء السير و العكس و مفيش اي ضرر نهائي و استهلاك البنزين بيتوقف على مدى الار بي ام اللي بتنقل عليه سواء مانيوال او اتوماتيك
و المفروض العربيه في وضع المانيوال تسقط الغيار لو انت سبته من غير ما تسقط بنفسك و انت عليك فقط تزوده اللهم انك قرصت و وصلت قبل الريدزون هنا العربيه هتنقل عشان تحافظ على الموتور

**sadek9** · 03-08-2014 12:41 PM

شكرا ليك يا Hany64
ياريت لو حد من ملاك بيجو 301 يفيدنا فى السؤال الأول.

**Akram.Gamal** · 04-08-2014 10:15 AM

موضوع النقلات و الفتيس اه ممكن تحول اوتو ل مانول و العكس عادى مفيش مشاكل بس برضو مش عمال ع بطال
بالنسبه لاستهلاك البنزين ده ملوش علاقه الا بدوسة رجلك و طريقة استخدامك و طريقة سواقتك
العربيه استهلاكها حلو مش عالى اوى زي الناس ماهى متصوره بس اغلب ال راكب العربيه بيجرى بيها و بيشد و يحرق فتاكل بنزين عادى زي اي عربيه 1600

**hany63** · 05-08-2014 01:41 PM

لو انا فاهم صح غالبا كل اللي بيشتكي من النتشه اللي ما بين الاول و التاني بيكون جديد في عالم الاوتوماتيك عشان كان متعود يحط رجله على البنزين و ينقل بنفسه فلو مثبت رجله على البنزين في الاوتو العربيه هتنقل للتاني و بما ان عزم نقلات الواطيه عالي فبيحس بالنقله جامد و مع التعود على سواقة الاوتو قبل ما العربيه تجيب النقله بترفع رجلك سنه من البنزين فالنتشه بتختفي

**hmghamry** · 05-08-2014 04:46 PM

المانيوال بيوفر في البنزين جامد وبينزل معدل الاستهلاك بشكل ملحوظ لإن وضع الاوتوماتيك بيبقى محمل عالموتور طول الوقت يعني بجمله اسهل العربية بتبقى ماشية لوحدها وانت بتوقف فيها بينما في المانيوال العربية اصلا واقفه وانت بتمشيها ، انا وصل معايا متوسط الاستهلاك مره ل 6 مانيوال

**Akram.Gamal** · 09-08-2014 02:27 PM

المشاركة الأصلية كتبت بواسطة sadek9

شكرا على ردك يا استاذ اكرم, بس ياريت تفيدنى بردة فى السؤال الاول بما انك من ملاك العربية.
- هل قيادة السيارة على الوضع المانيول تمنع العيوب التى اشتكى منها بعض الاعضاء مثل النتشه اللى من الاول للتانى و النطه اللى عند الفرملة؟

ياسيدى الفاضل سيبك من كلام الناس
بيقولك نتشه و مش نتشه اصلا مجرد الاسم كلمة نتشه دى تعنى وجود عيب

ان شاء الله مفيش نتشه ولا حاجه و حضرتك جربها بنفسك ال بيحصل ان النقله الاولى واضح ان ترسها قوى شويه فلما بتنقل ع التانى العربيه انطلاقتها بتخف شويه لكن هي مش نتشه