المشاركة الأصلية كتبت بواسطة MoToRiZeR
خااااااالص انا مبحبش الألقاب كلها
بما إن انا لسة شاب صغير يعني فا محدش بيقولي يا أستاذ .. إلا لو بشتري حاجة :batman: أو بركن .. إنما الألقاب اللي بين الصحاب كلها مبحبهاش خصوصا "يا برنس" اما حد بيكلمني و يقولي إيه يا برنس بحس إن عايز أكله قلمين .. و بعدين الناس بتخترع ألقاب و أوصاف زي "أخر حاجة" اللي عندي حساسية منه .. و مرة واحد بيسألني كويس ؟ فا قلتله تمام الحمد لله .. قاللي تمام جامد يعني أسد الصحرا ؟ قلتله أسد الصحرا أكيد :biggrin24:
بس انا أحياناَ بزق لقب أستاذ في تعاملاتي و الشغل عشان فيه ناس بتزعل .. بس مؤخراَ إكتشفت فيه ناس بتزعل منه برضه و بيحبوا يتنادوا بإسمهم بس زيي :biggrin24: فا بشوف يعني لحد ما أعرف الشخص كويس