عايزين مقارنة بين العربيتين من حيث العيوب والمميزات والامكانيات
Q3 Audi ,bmw x1
عرض للطباعة
عايزين مقارنة بين العربيتين من حيث العيوب والمميزات والامكانيات
Q3 Audi ,bmw x1
اية يا رجالة
عايزين مقارنة بجد لو حد عندة اى معلومات
أنا ماركبتش غير الx1 ف مش هقدر أحكم علي الأودي بس هي عربية وهم و بصراحة أي واحدة من الاتنين هتشتريها بالنسبة لك صفقة رابحة 100%
-الاتنين حلوين و ما يميزهم هو الارتفاع عن الأرض مع الكماليات المعروفة عنهم
-أعتقد مايعيبهم هو بنزين 95 و ارتفاع الضريبة نسبيا لأنهم 2000 سي سي
و ده تقرير فيه كل ما تحب معرفته
http://www.nilemotors.net/Nile/42040...84-4000-a.html
و أتمني التوفيق لحضرتك
حاجة تانية : الأودي هتحس فيها بشئ من التميز لأنها قليلة شوية ف تعتبر برستيج
شكرا لحضرتك على الرد المفيد
بس هو فى اى مشاكل حصلت من الموتور ال 1400 التربو اللى موجود فى الq3
وفى كماليات موجودة فى عربية منهم مش موجودة فى التانية
انا شوفت التقرير فى اللينك قبل كدة
بس مفيش اى تقارير او معلومات عن q3
يا جماعة انا مقبل على الشراء
ارجو الافادة
متابع
كرأي ليس الا البي ام
بص البي ام x1 مش بحس ان سعرها فيها
بالنسبة ال q3 ١٤٠٠ تربو يعني ارخص في الترخيص والمتور ١٥٠ حصان و عزم ٢٥٠ و البي ام متور ٢٠٠٠ و مش تربو و ١٥٠ حصان عزم ٢٠٠
ال q3 زينون و led قدام و ورا كراسي كهرباء و سنسورز و كاميرا ورا و فتحت سقف و كلام من ده بس في الهاي لاين لكن ال البي ام مسالتش فيها اوي بس مفهاش led ولا زينون كانت فقيرة في الاوبشنز بلنسبة سعرها فا مكنتش مهتم بيها،ده غير اصلا شكلها المكعبر ده.
انا شخصيا مقتنع بالq3 ولو مكنش هيه يبقي الفولكس التيجوان
اعتقد مشكلة الأودي هتكون الفتيس dsg
متابع
ال q3
من افضل العربيات الاودى فى مصر حاليا
العربيه المانى تقفيل اسبانى وعربيه عاليه على الارض
النسخه المصغره لل q5 اللى بتتباع دلوقتى ب 640000
المواصفات
1400 تربو 150 حصان دفع امامى والفتيس s tronic ال 6 سرعات ومختلف عن فتيس ال dsg ال 7 سرعات
موضوع البنزين التوكيل بيقول 92 ودى مذكوره فى المواصفات اللى جايالنا من التوكيل بس العميل اللى هسشترى يروح التوكيل ويتاكد بنفسه افضل
الاوبشن
6 ايرباج abs ,esp وكل انظمة الامان اللى قلبك يحبه كعادة الاكانى عامتا
هى فئتين
الفئه الاولى p1 ودى 340000
زينون وبخاخات فوانيس وليدات امامى وخلفى وجنوط اسبور 17/55/235 - شاشه 7 بوصه وفيها النفيجيشن بس مشعارف شغال ولا لا وبلوتوث وطبعا ساوند سيستم مالوش حل ومثبت سرعه وتكييف اتوماتيك دوال زوون وتكييف خلفى ومرايات ضم
وسينسور ركن خلفى ومن غير استارت انجن
الفئه الثانيه p2 ودى 360000
بتزيد كرسى كهرباء للسائق والراكب الامامى والبانوراما والسينسور الركن الامامى
وطبعا عربيه كوالتى وسيفتى وثبات وتصميم ويحب وتكنولوجيا على اعلى مستوى مقابل السعر
ال x1
كل معلوماتى عنها انها تقفيل مصرى
2000 سى سى بدون تربو
وطبعا استهلاك بنزين اكبر وضريبه اعلى فى السنه
جميل قوى
بس النقطة اللى انا خايف منها الموتور 1400 التربو
ممكن يكون فى مشاكل عندنا خصوصا فى الزحمة
بص انا مش قادر افتكر ان كان فيه كاميرا ولا لأ بس فيه سنسور ده اكيد علشان ابقي صريح معاك بس انت حتي لو فيه كاميرا هتستخدم السنسور اكثر عمتا انا روحت هناك التوكيل قبل رمضان و اكدو ان المتور بياخود 92 عادي و المتور متقلقش منو انا مجرب اخوه في التيجوان (test drive ) بس مفيش test drive للq3 بس نفس المتور و كان ماشاءالله كانت بتجري و كنا ثلاثة في العربية اتنين فوق ال 130 كيلو و انا 100 . كان مجرد ملمس دواسة البنزين اكن العربية فاضية.
المتور 1400 موفر جدا في البنزين بس من غير kick لو بتحرق هتلاقيها بلاعة بنزين ده تجربة واحدد صحبي مهاه الvolvo s60 بس متقلقش من ناحية المتور هو كفاءة.
و اه معلش نسيت همي كانو خلو اول فئة ب 320 و شالو طبعا حجات كتير و الحجز و استلام بعد شهرين
انا كنت مقبل عليها بس قولت استنا ال mid face lift بتعها علي اول السنة الجديدة و ده هيغيرو الانتريور كلو اكيد و مفروض يخلوه حاجة حلوة زي ال a3 و يغيرو كام حاجة في الفوانيس و في الاكسدمات بس اظن ديه مش هتنزل مصر قبل شهر 4 او 5 و في التوكيل قالولي نفس الكلام.
لو فيه اي سؤال انا تحت امرك
يعنى عموما مفيش مشاكل من الموتور التربو 1400
لانى سمعت انة مش عايز طرق زحمة كتير ومش هينفع عندنا.
كمان اللى مقلقنى ان الاوكتافيا غيرت ورجعت ماتورها ال 1600 القديم تانى فى مصر
مش عارف هل لوجود مشاكل فى الموتور 1400 ولا عشان تزود مبيعات الاوكتافيا وترخص من تمنها بعد ما كانوا زودوها قوى الصراحة
متابع
بشمهندس صفوت شاكر ليك للتوضيح وتقبل اعتزارى عن عدم معرفتى, لانى انا مهندس بترول بفهم فى الزيت والغاز
سوال كمان, فى حد تعرفوا اشتكى من الجير بوكس ال dsg او الموتور ال tsi بس قريب يعنى فى 2014
انا دورت كتير بس المشاكل كانت من فترة ابتداء من 2008 حتى 2012.
اللى مخوفنى ان الاوكتافيا كانت نازلة بنفس الموتور تقريبا, ودلوقتى رجعوا الموتور 1600, مش عارف هل عشان اكتشفوا مشاكل فى الموتور ولا عشان يزودوا المبيعات لان الناس خايفة من الموتور tsi
ارجو النصيحة والافادة من الاخوة الاعزاء بالمعلومة الصحيحة الموكدة
لسة فى مشاكل من الموتور tsi والجير dsg ولا مفيش
كل الشكر لك ...
بالنسبه للمواتير ال tsi مفيهاش اى مشاكل ... بالعكس هى موفره جدا للبنزين و اداء ممتاز مع التربو ... اطمن للنقطه دى ...
الكلام كله فقط على الجير ال dsg بصفه عامه و هو مطور من قبل مجموعه فولكس فاجن من 2008 ...
الجير مشاكله كتيره و نسبه حدوثها كبيره و ناس كتير اشتكو على كم قليل ٢٠ الاف كم ...
لذلك حتجد ان مبيعات الجيتا كمثال من مو ٢٠١٢ منخفضه جدا مقارنه بالموديلات السابقه ...
الكلام ايضا ان من ٢٠١٢ تم التعديل فيه لكن غير مؤكد انه بدون مشاكل ... كذلك يوجد اقوال ان مو ٢٠١٤ ده الجيل الرابع .. لكن ايضا ليس هناك ضمانات او تأكيدات بأعتبار انه لم يختبر سنوات طويله مثل ٢٠٠٨ ...
و التوكيلات فى مصر المفروض تدى ضمان على الجير منفصل اقله ٧ سنوات لتطمين الناس و تحسين المبيعات .. لكنهم طبعا عارفين تاريخه و كل مشاكله السابقه ...
بالنسبه a7 نفس الفكره .. لذلك التوكيل نزل موتور ١٦٠٠ عادى بدون تربو + فتيس عادى لتفادى انخفاض المبيعات و فعلا ال a7 ال ١٦٠٠ ابتدت تبيع اعتمادا على تاريخها الجيد فى السوق المصرى ...
فى النهايه ... حضرتك الى حتقرر المناسب لك و المضمون ايضا ...
تحياتى ...
طيب هو المواتير الtsi لازم يبقى معاها جير بوكس dsg ولا مش مرطبتين ببعض
يعنى ممكن موتور TSI يشتغل مع جير عادى او العكس
متابع
انا متفق مع كلام الباشمهندس صفوت فى الكلام والتعليق بتاعه
المواتير الtsi ما فيش فيها أى مشكلة
الفتيس فيه مشاكل لكن رأيى إنه بيتحسن بسرعة ومشاكله بتقل. بالإضافة إن توكيل vw و أودى عندنا عاملين شغل كويس فى خدمة عملاء العربيات إللى حصل فيها مشاكل ولو لا كدة كانت العربيات دى انقرضت فى السوق تماماً.
وده على فكرة إللى ماكنش توكيل سكودا عارف أو ماكنش ناوى يعمله بمعنى أصح.
اتا سمعت ان الx1 2015 هتنزل بفتحة سقف بانورامية و 2016 هينزل شكل جديد
ممكن حد يعرف اليكو ثرى هاى لاين فى مصر فيها drive select ولا لا ؟
الاودي لازم بنزين ٩٥ لان احنا معندناش بنزين ٩٢ .. هو فعليا اقل من كده وفي غش كتير..... وفي بلدنا المواتير التيربو اصبحت عيب مش ميزة ..... لانها بتتاثر اكتر بعدم جودة البنزين .... في رايي ال بي ام تكسب
السلامو عليكم
حضرتك انا لسه شارى q3 من كام اسبوع وشغال بنزين 92 تمام واسال فى التوكيل هيقولولك عادى جدا ثانيا كنت مسافر وخبطت كلب كمان وكسر اكصدام امامى يمين وبصراحه روحت التوكيل واستلمت العربيه هى فى حاجات مش موجوده( طلبوها وخلال اسبوعين هتكون هنا ( جريده على الرفرف وتكمله كارتيرة ) بس بصراحه اسعارهم كويس جدا الاكصدام 1500 والفوج 700 والعربيه بصراحه رائعه على الطريق واستهلاكها رائع واستجابتها احسن من توقعاتى بكتير فى عيبين فى السيارة اولا ان الوكيل اللى فى مصر مش بينزل كامليات كتير جدا فيها زى الكورى مثلا( كاميرا و مساعد للركن ) بس هى فيها كام حاجه كدا مش موجوده فى الكورى تمام بصراحه ( تير بيريشير و فرامل اليد و مسحات فوانيس ) تانى حاجه نظام الكوارتو بس هما دول
مبروك عليك يا فندم العربية .... انا مقولتش انها متمشيش ب ٩٢ انا بقول ان البنزين ال ٩٢ ده لو فيه.. مشكلة هيبوظ العربية....العربية ماشاء الله شكلها حلو جدا وتكنولوجيا عالية جدا .... وده اللي كان مخوفني
مبروك يا باشا علي العربية و ربنا يباركلك فيها و شكرا علي المعلومات و كان نفسي اعرف لو عملت صيانة بتدفع كام تقريبا ؟