هو صعب الاهلى يحصل منو مشاكل او سرقه ﻷنو حكومه وحنى البنوك التانيه اللى بتتعامل معاه عن طريق مكن الصرف الخاص بهم يخافو يعملو معاه اي حركه فلا تقلق بس الموضوع هياخد وقت ده لو بنك خاص كنت اقولق هينصبو عليك وده عن تجربه ان شاء الله خير
عرض للطباعة
هو صعب الاهلى يحصل منو مشاكل او سرقه ﻷنو حكومه وحنى البنوك التانيه اللى بتتعامل معاه عن طريق مكن الصرف الخاص بهم يخافو يعملو معاه اي حركه فلا تقلق بس الموضوع هياخد وقت ده لو بنك خاص كنت اقولق هينصبو عليك وده عن تجربه ان شاء الله خير
ربنا يسهل الامور بامره.المبلغ مش كبير والحمد لله ولكن اللى يجنن انهم مش عارفين هو ليه وبتاع ايه وكل واحد بيرد بكلام مختلف كل ما اتصل بيهم.
قلة الخبرة واللامبالاة والغباء احياناً سمة من سمات موظفين البنوك وخدمة العملاء في البنوك وفي معظم الشركات في مصر
فلا تتعب اعصابك وترهق نفسك في محاولة انك تشرح مشكلتك فهم لايسمعونك ولا يهتمون لما تطلبه فهم كالالات يرددون كلام محفوظ بلا فهم "الا من رحم ربي"
ولكن مشكلتك مشكلة متكررة وسيتم ارجاع الفلوس بعد فترة ان شاء الله فلا تشغل بالك
هي خدمة الاهلي نت والخدمة الصوتية ببلاش ولا ليها رسوم
بما ان حضرتك عميل للبنك الأهلي. هل خدمة الانترنت ممكن تسدد منها الفيزا و تحول لحسابات تانية والا لازم تروح الفرع؟
للاسف بحسهم موظفين روتينين جدا فعلا وحافظين يقولوا ايه مش مستعدين يغيروا القواعد الثابتة فى الشغل.
فعلا اللى حارق دمى ان الموظف بيسالنى كعميل عنده مشكلة طب هو ليه زميلى معملش كدة..هههههه.ومرة موظف تحسه متاخر على ميعاد وانا اتصلت فى الوقت غير مناسب ومرة تحس موظف عاوز يتنرفز ومش عارف.
الخدمتين مجانا وبتروح تقدم طلب فى فرع حسابك.
لازم تروح للفرع .خدمة الانترنت ما هى الا تسهيل لمعرفة حساباتك ودائن ومدين.
نفس المشكلة بالظبط حصلت معايا بس فى بنك المصرف المتحد ونفس الكلام ٤٥ يوم والفلوس ترجع فى الرصيد اتصلت بالمركز الرئيسى وقلت لهم عايز قسم البطاقات وكلمت موظفة هناك قالتلى ادينى رقم الكارت ورقم موبايلك بعد ربع ساعة كلمتنى وقالتلى الرصيد رجعلك فى على الكارت - جرب كلم مركز البطاقات بالمركز الرئيسى
مبدئيا احب اعرف حضراتكم ان موضوع ال 45 يوم دي procedure عادية جدا في اي بنك في العالم و دة عشان البنك يتاكد ان فعلا المبلغ الى اتخصم دة اتخصم من غير وجه حق و الا كان كل واحد راح اشتري حاجة و دفع فلوسها بالفيزا يقوم مكلم البنك و قايلة لا انا مشترتش تقوم الفلوس راجعالة بمنتهي البساطة و يولع بقي اصحاب الحقوق
و كمان الموضوع دة لوائح من شركات البطاقات الائتمان زي فيزا و ماستر كارد يعنى مش افتكاسة
ثانيا احب اشكر الاخ العضو المحترم الى اتهم موظفي البنوك بالغباء و عدم الخبرة و اللامبالاة و بشكرة على التعميم و دة بس من زوق و ادب حضرتك
اخوكم موظف بنك
الجزء الاول من كلامك متفق معاه تماما ومش معترض على المدة ابدا ولكن اعتراضى من الاول انهم مش عارفين امتى وازاى وكل مرة رد مختلف.اخرها لسة حالا.الاعتراض اتقدم وماشى يا افندم طيب وصل لفين .للادارة وردت وهيكون فيه رد كمان كام يوم على الموقف.طيب وبخصوص الفلوس اللى اتخصمت من ماكينة البنك الاهلى اللى المفروض بعد 3 ايام يرجعوا الحساب.لا برده كمان كام يوم.
نيجى بقى للحساب المجنب.لا ده من الفرع التابع ليك.طب هو مش ظاهر على السيستم عند حضرتك.لا من الفرع.طيب ما هو الفرع قاللى تابع مع الاهلى فون.لا يا افندم ازاى روح الفرع واعرف التفاصيل.
ولما العميل يبقى معاه ايصالات الشراء اللى تثبت ان العملية مرفوضة وبرده تجنب من الحساب ومفيش رد مفيد هل ده يبقى عادى ولا تقصير ولا تريح ولا لا مبالاة.؟
وعلى فكرة الكارت اللى عملت بيه المشتريات مش كارت فيزا ده كارت حساب شخصى.
وبالنسبة للجزء التانى الزميل معممش لانه قال الا من رحم ربى.
ومشكور على اضافة وتوضيح حضرتك.