أرجو الإفادة مع العلم إن نمط السيارة مش محدد و كمان ممكن تكون زيرو أو كسر زيرو. لكن أهم شيء متعة القيادة والراحة و بعض الكماليات إحتراماً للسعر.
شكراً
عرض للطباعة
أرجو الإفادة مع العلم إن نمط السيارة مش محدد و كمان ممكن تكون زيرو أو كسر زيرو. لكن أهم شيء متعة القيادة والراحة و بعض الكماليات إحتراماً للسعر.
شكراً
أرجو الإفادة مع العلم إن نمط السيارة مش محدد و كمان ممكن تكون زيرو أو كسر زيرو. لكن أهم شيء متعة القيادة والراحة و بعض الكماليات إحتراماً للسعر.
شكراً
أرجو الإفادة مع العلم إن نمط السيارة مش محدد و كمان ممكن تكون زيرو أو كسر زيرو. لكن أهم شيء متعة القيادة والراحة و بعض الكماليات إحتراماً للسعر.
شكراً
زيرو انسيجنيا توب لاين ب 295 الف
مستعمل ممكن الفئه الثالثه 2010 او c180 2010
انسيجنيا توب لاين اختيار موفق فعلا
و ممكن تضيف بيجو 508 ... عربية فخمه
لو زيرو اختياراتك هتزيد و رأيي انك تجيب مرسيدس مستعمله خفيف
508
insignia for sure or Volvo s 60 2013 (used)
متعة القيادة والراحة يبقي اودي a3
مفيش قدامك غير البيجو ٥٠٨ او الانسجنيا
البيجو نازله بقالها ٣ سنين و كل اللي راكبها بيشكر فيها جدا
الانسجنيا المفروض انها رائعه بس لسه مش منتشره اوي و توكيلها قلق الصراحه
اما بقى مع احترامي اللي هيقول باسات هايلاين او اوكتافيا تربو يفتح الله بسبب الفتيس و حرام تدفع المبلغ ده في عربيه مش تربو
و بالنسبه للمرسيدس ال cla الجديده هيا صفقه معقوله و عليها طلب جامد بس اعمل حسابك لو حجزتها تبقى تركبها مع احفادك عقبال ما تستلمها
ستروين ds 5 وش
اوبل انسجنيا او فولفو s60 ده بالنسبة للزيرو
اما المستعمل فأفضل ال s80 او ال c200
BMW 316i زيرو احسن
انا شخصيا محتار نفس الحيره والمبلغ بصراحه كبير لكن الاختيار بالنسب الي ينحصر في الانسجنيا التوب لاين والبيجو ٥٠٨ بس دي كمان حيره الانسجنيا روعه انا شفتها كذا مره ومفيش فيها غير انها لسه ٢٠١٤ ومش عارف ٢٠١٥ هتنزل أمته وخايف أجيبها حاليا وكمان شهر او اتنين ينزل الموديل ٢٠١٥ اما البيجو فهي الان ٢٠١٥ لكن في اخبار ان في شكل جديد قرب ينزل خلال سنه ودي برضه تبقي ضربه وحش ان الواحد يحط مبلغ ذي ده في عربيه هيتغير شكلها قريب وكمان العربية الي نزله مصر متشال منها حاجات كتير ذي الآي. دريف اما بالنسبة لأي عربيه مستعمله فمع احترامي لكل الماركات حرام ثم حرام أني ادفع المبلغ ده في عربيه مستعمله
لو زيرو يبقي اوبل انسيجنيا
مستعمل يبقي فولفو s80 او مرسيدس c200
كمل 40ألف و هات 316 زيرو. و ممكن حتي تقسطهم. ما كانش يبقي 316 مو 2013.
الإنسجنيا ٢٠١٥ لسة مش هتنزل قبل ديسمبر و ده من كلام واحد قريبي مدير في منصور و مفيش أي تغيرات عن ٢٠١٤ بالنسبة للبيجو ٢٠١٥ face lift نازلة على سبتمبر من كلام التوكيل لكن معرفش نازلة كاملة ولا لأ بس لو أذكيا هينزلوها كاملة علشان تنافس مع كل العربيات إلي بقت تنزل I Drive فالفئة ده!
انا ليا راى تانى خالص
المبلغ دة ميتركبش بية عربية سيدان تتبهدل وتتخبط فى شوارعنا
انا ممكن ارشح bmw x1, audi q3
عربيات عالية عن الارض وهى دية العربيات المناسبة لبنيتنا التحتية
ماركات محترمة بمعدلات امان كافية
هورس بور عالى مع ثبات وهاندلنج رائع
توكيلات غالية شوية بس محترمة
ب ٣٤٨ الف على فكره الهايلاين
و بالمناسبه كماليتها اقل من كماليات البيجو البيز لاين
يعني فرق اكتر من ١٠٠ الف عشان اسم البي ام
طبعا بي ام احسن من بيجو في المطلق من ناحية ثبات و امان بس مش لدرجة فرق الفلوس دي و خصوصا لما نقارن اقل موديل في اقل فئه بي ام باءعلى عربيه في البيجو كلها
انا هقولك المفيد انا كنت زيك كده
الاستاذ خالد بيقول كلام صح جداً انا عملت كده ومعايا دلوقتي X1 Sport بس هي غالية شويه هي دلوقتي بـ368 الف جنية يعني فرق كبير بين سعرك وبينها بصراحة
بس لو هتشتري الـX1 متركبش الا الـSport - احساس تاني وعربية تاني خالص خالص !!!!!!
انت جبت المفيد - بيجو لا ترتقي نهائياً مع BMW وان المقارنة هنا تعتمد على الفئة السعرية بغض النظر عن ميكانيكية السيارة نفسها !!!!!!!!! وده غلط اوي طبعاً
ولو هنعمل كده يبقى الصيني بكمالياته من افضل العربيات !!!!!!!! :facebowling:
علشان كده طبعاً انت بتقارن اقل فئة في BMW و هي 316 بأعلى فئة في بيجو ودي لوحدها "فضيحة" http://www.nilemotors.net/Nile/image...un1%5B1%5D.gif
يا سيدي البي ام احسن من الفيراري و الامبورجيني و البورش كمان
انا قصدت اقول ان اللي عايز يركب بي ام و يستمتع لازم اقل حاجه 320 عشان ال 316 من ساعة ما نزلت ما ناس كتير من ملاكها مش بيعتبروها بي ام اصلا و ده هيبقى رقم محترم
و معلش كل ماركه فيها و فيها
يعني فيات اللي عامله البرافو و عامله ال ١٢٨
تقدر تقول ان ال ١٢٨ برقبة السيراتو
ارجو ان تكون فكرتي وصلت بدون تعصب للماركه
على فكرة يا باشا بيجو ده ماركة من أكبر الماركات العالمية و أكيد إنت عارف و كمان على حد علمي و ممكن تأكد من كلامي كل مواتير ال-١٦٠٠ الجديدة بتاعت بيجو هي هي مواتير الميني كوبر الس إلي هي أصلاً كمان من تصنيع bmw :)
بس الفكرة إن bmw و مرسيدس بيستهبلو في اسعارهم بزيادة في مصر علشان كدة بنقع احنا فالمقارنة ده للاسف!!!
انا محتاج لنصحتك بما انك جربت ال x1
انا محتار ما بين x1, audi q3
وهل الموتور ال 2000 صوتة عالى وسحبة مش قوى لانة مش تربو
ارجو الافادة للاهمية
انسيجنيا بدون نقاش او تفكير اعلي فئه 295 وكماليات اعلي من كل المرفق وشكل جديد والاهم انها زيرو تختار لونك المفضل وتكةن اول مالك ومعك ضمان .. كل المستعمل له مشاكل حتي لو هتشتري عربيه عامله 40 الف كيلو وتدفع فيها 300 الف هتوقفك عند صيانه وكاوتش واشياء غير معروفه وموديلات اوبل الجديده كويسه فى اعادة البيع غير القديم والفرنساوي والبي ام
انت عايز تركب ماركة ولا عربية؟
للاسف المقارنة مليانة كلام غلط
لاني باي شكل مينفعش احط 316 وهي اقل فئات بي ام في مقارنة مع عربية سيدان جر امامي
الدفع الخلفي يا سادة وثبات البي ام ميدخلوش في اي مقارنة مع اي عربية
خلو البي ام برة المقارنة تماما وقارنو زي مانتو عايزين
لان اللي بيركب بيم بيركبها عشان احساس الثبات والدفع الخلفي وكمية انظمة الامان الغير طبيعية مش عشان اي حاجة تانية
للاسف المقارنة مليانة كلام غلط
لاني باي شكل مينفعش احط 316 وهي اقل فئات بي ام في مقارنة مع عربية سيدان جر امامي
الدفع الخلفي يا سادة وثبات البي ام ميدخلوش في اي مقارنة مع اي عربية
خلو البي ام برة المقارنة تماما وقارنو زي مانتو عايزين
لان اللي بيركب بيم بيركبها عشان احساس الثبات والدفع الخلفي وكمية انظمة الامان الغير طبيعية مش عشان اي حاجة تانية
يا باشا أنا كاتب أحسن إختيار كمجمل في حدود السعر مش أحسن عربية، و بعدين اشمعنى متكلمتش عن المرسيدس ماهي دفع خلفي زي ال-bmw و نفس وسائل الأمان تقريباً!
دايماً المشكلة عندنا في مصر بتكون منافسات سعريه بغض النظر عن الفئة إلي بتنتمي لها العربية وانا عارف إن ده غلط بس المشكلة انك بيكون عجبك حاجة من كل عربية بتخترها وانا حاولت أنقي اختياراتي على قد ماقدر علشان مظلمش عربية وسط باقي العربيات فاهمني؟!
عشان مرسيدس حاجة وبي ام حاجة تانية خالص
زي ماينفعش تقارن هوندا بتويتا رغم ان تويوتا اقوي وبتعمل عربيات سبور
لكن هوندا عربيات ادا فائق زي بي ام كدة
وعشان غلط ان المقارنة تكون سعرية وده اللي بحاربه من سنين في نايل موتورز :-)
لازم تدرس احتياجاتك كويس قوي مش تشتري علي حسب السعر وبس
لان ممكن حاجة واحدة تطلع كل العربيات من المنافسة
السلام عليكم
مع كامل إحترامي لكل واحد رد على البوست ده. سيادتك أصلا ما ينفعشي السؤال بالكشل اللي إنت حاطه ده.
سيادتك فعلا لو عايز تشتري ومحتاج النصيحة مش بتسأل وخلاص، يبقى المفروض تقولنا معلومات عنك وعن إحتياجك للسيارة في إيه
يعني مثلا لو سيادتك في رينج العشرينات أو التلاتينات حنرشح لك عربية غير لما تكون عندك مثلا 50 سنة
سيادتك عايزها ليك بس ولا عندك أسرة؟
مشاوريك فين؟ في القاهرة ولا في الأقاليم؟ الطرق اللي بتتحرك عليها كتير طبيعتها إيه؟
حتركبها كام مرة في الأسبوع؟ محتاجها عربية للإستخدام اليومي ولا عربية للمشاوير المهمة؟
وهكذا
أنا رأيي الشخصي يا فندم إنك تسيبك من كل الإقتراحات دي. مش لأنها غلط لا سمح الله (كل الناس هنا عايزين يساعدوا بصفو نية).
ولكن محدش حيعرف إنت عايز إيه غيرك إنت.
أنا مثلا الحمد لله مرتاح مع الإكس وان وماكانشي حينفع معايا خالص ال316. واستغنيت عن حلم حياتي اللي هي السي كلاس لما لقيتها مش حتوفي متطلبات حياتي اليومية.
القصد من الآخر حدد الفئة بتاعتك اللي إنت عايزها وإحنا نساعدك.
يعني مثلا ممكن نساعدك تختار بين سي كلاس و316. أو مثلا إكس وان قصاد كيو ثري.
أو مثلا إس 60 قصاد أودي إيه 4
ويارب نقدر نساعدك.
والسلام ختام
طب بعد اذن سياتك يا دكترة
اية رايك ال اكس وان ولا الكيو ثرى ؟
وهل صوت موتور الاكس وان عالى, واخبار سحبها اية مع غياب التربو؟
وهل يمشى مع الاكس وان بنزين 92 ولا لازم 95 ؟
وكمان اخبار ضريبة التجديد اية غالية ولا معقولة؟
ارجو الافادة للاهمية لجدية الشراء.
م. خالد
رأيي مرسيدس c 180 أفضل اختيار في المستعمل ( ولست مقتنعا إطلاقا أن تكون البي إم أفضل من المرسيدس )
وفي حالة الزيرو أُفضّل الأوبل إنسجنيا عن البيجو 508
والله أعلى وأعلم