الموضوع: عربية لادا 2107 ممكن الافاده

السلام عليكم

لو سمحتم انا كنت عاوزة اشترى عربية لادا2107 وجارنا كان عارض بتاعته للبيع هو عنده كذا عربية غيرها دى كان مخليها للمزرعه هى موديل1995 ماشية75 الف كيلو ومغيرلها كاوتشات جديده وبطاريه ورخصه لسه 3 سنين بس دواخل مش فبريكه بس لما سالناه قال السقف فبريكة وهو عارضها ب20 الف جنيه بصراحه انا بفكر اشتريها بس مبفهمش قوى فى العربيات هل تبقا كويسه ولا لا وبرضه هشوف ميكانيكى يشوفها ياريت رايكم

والله العربيه اللادا بستحمل الشغل الشاق وقطع غيارها رخيصه ومتوفره جدا فى كل حته بس هيه فيها عيب واحد هو ان الدركسيون بتاعها تقيل جدا عليكى انتى ممكن تجربيها وتجيبى واحد بيفهم جدا فى العربيات خصوصا سمكرى عشان موضوع انها رشه من جوه ده مقلق شويه وعلى فكره السعر ده مش غالى سعر كويس لو الربيه حالتها كويسه وانا عندى لادا وزى الفل ومش مزعلانى فى حاجه