شكرا جزيلا على الرد
فى اقرب فرصة هنزل القاهرة هعمل الموضوع ده واقولكم اية الاخبار
طبعا الأول عاوز اشكر حضرتك على الشرح الوافي ده وعلى الموضوع المهم.
تاني حاجة عندي استفسار أنا كنت قريت قبل كده في موضوع الكركرة ده- على قدي يعني :D- لقيت إن سببها انفجار بدري في جزء من الخليط قبل شرارة البوجيه وإن ده بيضرب في بيستون وهو طالع وممكن يأثر على الماتور, بس حضرتك لقيتك كاتب إنه مش هيأثر لأن فيه Knocking Sensor, بس اللي مافهمتوش, هو لو فيه حساس, أُمال العربية بتكركر ليه؟ ما كنت المفروض هي تظبط اشتعال الخليط من نفسها؟
انا مقلتش ان الصفع بالعموم مبياثرش
والصفع الناتج عن اشتعال ذاتي للمخلوط قبل الشراره اصلا ده ناتج عن اوكتان قليل
بص الاوكتان كل ما قل كل نالبنزين يشتعل مع ضغط اقل زي مواتير الديزل مثلا مفيش بوجيهات الاشتعال بيحدث ذاتيا مع الانضغاط
يعني بنزين 80 مثلا في مواتير ذات نسب انضغاط عاليه لازم يعمل صفع عشان المحرك بيضغط بنسب عاليه فلازم يتحطله اوكتان عالي عشان ميحصلش اشتعال ذاتي مع ارتفاع الضغط
انا فالموضوع مش بتكلم عن السبب ده خالص اللي هوا الاوكتان لكن بتكلم عن الصفع الناتج عن التقديم الزائد لتوقيت الشراره اللي لما حساس الصفع بيبلغ كنترول الموتور بالصفع بياخر توقيت الاشتعال عشان ميحصلش صفع
لكن لو حطيت بنزين 80 الكنترول مش هيعرف يعملك حاجه حتى لو اخر التوقيت لاقصى توقيت مسموح هيحصل اشتعال ذاتي نع الانضغاط بردو
اللي اقصده انك بتحط بنزين 92 زي مانتا .. والكنترول هيقدم توقيت الاشتعال لكن انت فالامان عشان لو حصل صفع هيظبط التوقيت اللي بيه تاخد اقصى تقديم مع عدم حدوث صفع
استاذ عاشور انا وصلت op-com ومشيت بالعربيه لقيت الحساس قريته بتقل توصل ٤٨ وسعات ٥٠ وبلاحظ انها مبتزدش الا لما اقف بالعربيه ٥٥/٦٠
بس لاحظت ان حساس الشكمان بيقلب بين rich و lean لاكن علي طول closed loop مبيقلبش open الا لما العربيه تقف هل كده مظبوط وحساس الاير ماس بيقرا ١١ كجم
السلام عليكم
الحمد لله ركبت مقاومة توالي مع الحساس
حرارة الهوا وصلت حوالي 53 بعد مشوار 20 دقيقة تقريبا في حين ان حرارة الهوا الخارجي كانت 34
بعد تركيب مقاومة 1.5 كيلو بقت حرارة الهوا 29
الحمد لله فيه فرق للاحسن بس طفيف مش كبير
وبرده ها اتابعها لما اسافر ان شاء الله
انا وصلت المقاومه النهارده لاحظت ان الانتيك ايير مديني قرايه ٢١ هل كده قليل ولا تمام مع العلم اني موصل المقاومه قيمته
١.٨ هل دي قيمتها كبيره لاني ملقيتش ١.٥ عند بتاع الاليكترونيات والسحب مفيش تحسن ملموس
من الواضح ان الموضوع اتردم عليه
فعلا انا روحت لمحمد هاشم فى بنزينة وطنية
عمل تاتش بوينت ليرن وغير سوفت وير وفعلا النقلة من الاول للتاني والتانى للاول بقت احسن بكتير
وكمان مع الفرملة مفيش رجرجة
استهلاك البنزين قل حاجة بسيطة
الف شكر ليكم جميعا
على فكرة محمد هاشم هسيب مكانة فى وطنية وهيشوف مكان تانى قريب منها خلال شهر