بلاش الصياد لقطع الغيار

**ayman20100** · 04-08-2014 01:25 PM

انا عارف انه موضوع مكرر ومليون واحد عضو هنا كتب عن تجاربه السيئه مع الصياد لقطع الغيار
انهارده بشتري حاجات من ابو الحسن في شارع المرور وكان من ضمنها شاكوش اسبراتير للاسف ما لقيتهوش عنده اضطريت اروح للصياد وانا عارف ومتأكد انه زفت ... اخدت منه شاكوش مجهول الهوية وصناعه تعبانة جداً روحت للميكانيكي في نفس الشارع طلع بايظ ومش بيركب صح في الاسبراتير قالي رجعه وانا هتصرفلك في واحد روحت ارجعه للبيه بتاع الصياد قالي لاء ده اتركب قولت هو اصلا ما ركبش ورفض يرجعه
اخر ما زهقت ولاني في حالة نفسية مش مستحملة قرف رميتله الشاكوش ومشيت

انا اكتر من مرة اخد حاجات من عند ابو الحسن وارجعها لو ما احتجتهاش او العيب طلع مش منها ومرة رجعت مروحة بعد اسبوعين من تركيبها وكمان الكهربائي بهدلها وقطع الاسلاك بتاعتها بس عشان فيها مشكلة ابو الحسن غيرهالي بعد ما اتاكد ان العيب منها .. فرق كبير جداً في المعاملة والاحترام ونضافة قطع الغيار

انا قولت انصحكوا تاني بلاش الصياد

**hi_nmr** · 04-08-2014 02:39 PM

شكلك متعصب وزعلان وبصراحه عندك حق اي حد مكانك لو اشتري حاجه وطلعت بايظه بيتعصب ما بالك بقي انت كمان معرفتش ترجعها
يعوض عليك ربنا

**ayman20100** · 04-08-2014 03:20 PM

الموضوع مش اني متعصب او زعلان
انا بتكلم على تجارب كتير مع الصياد كلها زفت
اسعاره اغلى من غيره خصوصاً ان ابو الحسن جنبه واسعاره بتبقى برضه اغلي
بيعمل اتفاقيات مع صنايعيه وبيعملوا شغل على حساب الزبون (( رمضان )) في شارع المرور
قطع غياره اغلبها مضروب
انا اصلا اشتريت حاجتي من ابو الحسن واشتريت منه بس شاكوش الاسبراتير
والموضوع كان بسيط والحمد لله مش حاجة كبيرة
بس بصراحة قولت مع ان التحذير متكرر بس اقوله عشان الناس الجديدة الى لسه ما تعرفهوش
بس اغلب الناس القديمة اتلسعت منه وعارفه انه نصاااب علني

**EngAhmedSayed** · 04-08-2014 03:42 PM

هو انتا قصدك على الصياد الموجود فى شارع التحرير امام سينما التحرير الدقى

**hamahomo** · 05-08-2014 01:17 AM

انا جربت الفرعين والاتنين اسعارهم غالية عن باقي المحلات الاخرى وبطلت اتعامل معاهم

**Magoda** · 05-08-2014 08:29 AM

مهو مصدق باع البيعه النصابيه بتاعته وهو عارف انه بايظ مستحيل يرجع
الصراحة المعاملة كويسة انا من فترة روحت لواحد جمبى اسمه الراعى وجبت من عنده جوز مساعدين وبعد تركيب ميكانيكى قالى دول فيهم مشكلة رجعهم روحتله فقالى هوديك عند واحد تبعى يكشف عليهم لو فيهم مشكلة اغيرهملك الصراحة احترمته وطلع ان المساعدين كويسين وساعتها اتخذت قرار ان الميكانيكى يتغير وبقيت بتعامل مع الراجل الجديد
أويدك فى هذه المقولة فرق كبير جداً في المعاملة والاحترام ونضافة قطع الغيار