الموضوع: تقرير عن مميزات وعيوب اللوجان الشكل الجديد 2015

المشاركة الأصلية كتبت بواسطة anas14

برجاء إفادتنا عن هذه الفتحة الصغيرة في سقف السيارة

فتحة لسنسور التكييف وفتحة المايك بتاع بلوتوث السيارة

المشاركة الأصلية كتبت بواسطة محمود العامري

مساء الخير يا أصدقائي، أنا تشرفت بالانضمام لهذا المنتدى المحترم الذي تعلمت منه الكثير بالفعل.
منذ فترة وأنا أسمع كلام جيد عن سيارات رينو، وبخاصة لوجان.
بداية أنا لم أجد أي شخص موضوعي ومنصف هاجم هذه السيارة.
الجميع أشاد بها كسيارة عملية واعتمادية ومناسبة للطرق المصرية.

هذا الكلام أنا استمديته من حديث عدد كبير من الناس سواء في الشارع أو في الفضاء الإلكتروني، واقتنعت بالسيارة تماما وهذا من منطلق ما تقدمه لي السيارة مقابل الفئة السعرية المعروضة بها.

لكن في "رحلة بحثي" عن الحقيقة الكاملة لرينو لوجان بتقابلني شوية حاجات بتقلقني- مش حاجات هم حاجتين فقط:
- مشكلتها مع الدورانات والملفات -- أتمنى من الأصدقاء يساعدوني على فهم أصل هذه المشكلة فين وما إذا كانت قابلة للحل؟
- مسألة الـ8 صبابات في السيارة المانيوال -- هل يكون له تأثير واضح على أداء السيارة مقابل الـ 16 صباب؟

أنا مقتنع تمام الاقتناع بأنه لا توجد سيارة خالية من العيوب، وهناك عيوب يمكن التأقلم معها ليست كارثية يعني.

أتمنى من أصدقائي هنا أن يمدوا إلي يدا-- إن شاء الله ناوي اشتريها خلال أسبوعين (أكمل ولا ارجع :e_braces[1]: ) وأفضل مكان ممكن أشتريها منه ياريت تقولولي أنا ساكن في الهرم وشغلي في المهندسين.

تحياتي ومحبتي،
محمود
صحفي

السيارة في المقام الاول عائلية من الدرجة الاولي بمعني انها مش بتاعت سباق وملفات علي سرعات عاليه بالنسبة لموضوع الملفات والثبات داخل الملف العربية مجهزة باستبليزر امامي ودنجل خلفي ولو حبيت تذورد نسبة الثبات اكتر هتهبط العربية وتعرض الكاوتش وبكدا اضمنلك ان العربية هتكلبش في الارض

بالنسبة لموضوع ان العربية 8 صبابات فعلا بيأثر علي السحب ولكن مش وحش يعني العربية تجيب من صفر ل 100 في حوالي 12 ثانية وموفر في استهلاك البنزين

حضرتك لو عايز عربية ثبات وجري مفيش قدامك غير البروتون جين 2 بس هتفقد اوبشن كتير متوفر في اللوجان ووسع وراحه في القيادة ولو السيارة عجباك ممكن تجيبها من سمير ريان او الطارق او الليثي وربنا يوفقك لما فيه الخير

المشاركة الأصلية كتبت بواسطة eng. Mostafa

ربنا يخليك يا رب, هي قطمة الدريكسيون ظهرت معاك امتي؟ يعني من اول ما استلمت العربية وانت عارف ان فيها قطمة؟ ولا ظهرت معاك بعد شوية؟

القطمه ظهرت معايا من ساعة ما اشتريت العربية بس مكنتش اعرف انه عيب فيها ولا اعرف انها قطمه ولما اشتكيت من تخبيط في الدركسيون اثناء الصيانة قالولي انها قطمه وهتتغير علي الضمان

تاني حاجة بقي عملت فرش العربية فين؟ والاحسن تفصيل ولا جهاز؟ وكلفك كام؟؟ وهل عملت الكراسي بس ولا الكراسي وفرشت الارضية كمان؟ الموضوع ده محيرني جدا ومش عارف اعمله فين وهل اعمل الكراسي بس واجيب دواسات للأرضية ولا اعمل الارضية كمان؟؟

طبعا احسن حاجه التفصيل بس انا معملتش فرش لعربيتي لسبب ان فرش العربية عجبني جدا وانا قولت اهلك فرش العربية وبعدين ابقي افصلها فرش علي مزاجي اصل انا من النوع اللي يحب يستفيد بكل حاجه مش اخلي غيري يستفيد لما ابيعها ولو عايز تعمل يبقي اولي تعمل فرش الارضيه جلد هتكلفك حوالي 350 جنيه في واحد اعرفه في شارع دمشق استاذ في تفصيل الارضيه وكمان بيراعي ان في اسلاك ممدوده تحت الكراسي علشان في ناس بتستهبل وتفصلها وفرش التفصيل بيبدء تقريبا من 700 جنيه وانتا طالع حسب الخامه والنقشه والفرش الجاهز بيبدء من 300 وانتا طالع بردك

المشاركة الأصلية كتبت بواسطة falak

السلام عليكم جميعاً
أنا بإذن الله نويت أشتري النيو لوجان
وكنت عاوز آخد راي حضراتكوا
أشتري منين ،، وأي فئة ؟
أنا عاوز أعلى فئة
وإيه حكاية الأوفر برايس
ومنين أقدر أشتريها فوري وبكام ؟
وكل عام وحضراتكوا طيبين جميعاً

وعليكم السلام ورحمة الله وبركاته حضرتك اعلي فئة بتعمل 116 الف وبالنسبة للاوفر برايس بيختلف من مكان لمكان وانتا وشطرتك في الفصال بس بيبقي حوالي 2000 او 3000 زيادة فوق تمن العربية وده علشان متنتظرش في التوكيل شهور لحد ما تجيلك العربية وعندك الليثي وسمير ريان والطارق اسئل فيهم وربنا يوفقك لما فيه الخير

المشاركة الأصلية كتبت بواسطة ahmed_anwar

أنا أشتريت الفئة الكاملة بلوتوث وجي بي اس وسنسور ركن خلفي اوتوماتيك ب 120 الف من الطارق باسكندرية

الف مبروك وربنا يديك خيرها ويكفيك شرها وشر طريقها