تقرير عن مميزات وعيوب اللوجان الشكل الجديد 2015

**corsair** · 20-06-2015 02:27 PM

المشاركة الأصلية كتبت بواسطة eng_mina

عربية حلوة جدا و إن شاء الله ناوي اجبها بس كذا حد مخوفني من اسعار قطع الغيار و اسعار الصيانة انها غالية و مش ميكانيكية كتير بيفهموا فيها ياريت اعرف رائيكوا علشان انا الصراحة مليش خبره في العربيات

نصيحتي ليك يا بشمهندس مينا بلاش تسمع من حد علشان احنا اكبر بلد في العالم فيها نسبة فاتييين وكلامنجية العربية تعتبر في السوق من سنة 2009 لان الميكانيكا هيه هيه متغيرتش والميكانيكا بتعتها سهله لاي حد ومفيهاش اي تعقيدات الميكانيكيه بيهربو اه بس من الميجان والكليو علشان فعلا شغلهم مقرف ومش سهل والميكانيكي طبعا بيحب الحاجه السهله

بالنسبة لاسعار قطع الغيار والصيانة تعتبر اقل عربية في فئتها في اسعار قطع الغيار بالمقارنه بالنيسان الصني او الهيوانداي الاكسينت الار بي او السوزوكي ألسياز

**ginger** · 09-07-2015 02:02 AM

انا عاوزه نصيحتك , محتاره ما بين سوزوكى سياز (و طبعا متخوفه من انها 1400 cc و انها لسه متجربتش كفايه و شايفه ان خامات التابلوه و الخامات الداخليه ضعيفه و سيئه )و ما بين النيو لوجان اوتوماتك هاى لاين ( و طبعا بكل مشاكل اللوجان اللى سمعتها من تأخير الدواره , و ان التكييف كفاءته بتقل, و ان ضفيرة الكهرباء مش معزوله , قطمة الدريكسيون, سخونه عند الدواسات ) .... انا معايا فيرنا و طبعا التكييف بتاعها قوى جدا و ممتاز , و انا شغلى بيعتمد كليا على العربيه ... شكرا لحضرتك

**eng. mostafa** · 09-07-2015 09:55 AM

المشاركة الأصلية كتبت بواسطة ginger

انا عاوزه نصيحتك , محتاره ما بين سوزوكى سياز (و طبعا متخوفه من انها 1400 cc و انها لسه متجربتش كفايه و شايفه ان خامات التابلوه و الخامات الداخليه ضعيفه و سيئه )و ما بين النيو لوجان اوتوماتك هاى لاين ( و طبعا بكل مشاكل اللوجان اللى سمعتها من تأخير الدواره , و ان التكييف كفاءته بتقل, و ان ضفيرة الكهرباء مش معزوله , قطمة الدريكسيون, سخونه عند الدواسات ) .... انا معايا فيرنا و طبعا التكييف بتاعها قوى جدا و ممتاز , و انا شغلى بيعتمد كليا على العربيه ... شكرا لحضرتك

انا لسة مستلم النيو لوجان اهي, والحمد لله مفيش المشاكل اللي بتقولي عليها دي خالص, المشكلة اللي بتواجهني بس هي بسمع صوت في الفرامل لما اكون نازل كوبري مثلا واضغط مرة واحدة, وساعات بحس ان صوت الموتور عالي, بس كل الناس قالت انه بيهدي بعد كدة, لكن بعد 600 كيلو والحمد لله راضي جدا عنها

الحاجة الوحيدة اللي مضايقاني بقي كثرة الخدوش والخبطات اللي بتحصلها وربنا يسترها علينا يا رب :(

**ginger** · 10-07-2015 05:01 AM

المشاركة الأصلية كتبت بواسطة eng. mostafa

انا لسة مستلم النيو لوجان اهي, والحمد لله مفيش المشاكل اللي بتقولي عليها دي خالص, المشكلة اللي بتواجهني بس هي بسمع صوت في الفرامل لما اكون نازل كوبري مثلا واضغط مرة واحدة, وساعات بحس ان صوت الموتور عالي, بس كل الناس قالت انه بيهدي بعد كدة, لكن بعد 600 كيلو والحمد لله راضي جدا عنها

الحاجة الوحيدة اللي مضايقاني بقي كثرة الخدوش والخبطات اللي بتحصلها وربنا يسترها علينا يا رب :(

مبروك عليك , و ربنا يباركلك فيها , و حوار الموتور صوته عالى فعلا سمعت انه بيقل بعد كده بس ال rpm مش يعلى عن 3 تقريبا و اسأل برضه حد
و التكييف كويس ؟؟؟

**eng. mostafa** · 14-07-2015 11:40 AM

المشاركة الأصلية كتبت بواسطة ginger

مبروك عليك , و ربنا يباركلك فيها , و حوار الموتور صوته عالى فعلا سمعت انه بيقل بعد كده بس ال rpm مش يعلى عن 3 تقريبا و اسأل برضه حد
و التكييف كويس ؟؟؟

التكييف بالنسبالي كويس جدا, وعمري ما شغلته علي 4, انا ببدأ اشغله علي 1 والازاز مفتوح لمدة دقيقة كدة, وبعدين اقفل الازاز واشغله علي 2 لمدة دقيقة, وابعدين اعمله علي 3, وبعد شوية احس اني سقعت وايدي نشفت وارجعه علي 2 تاني, بس انا من النوع اللي بسقع بسرعة ومش بستحمل التكييف اوي, فهو بالنسبالي مرضي جدا وعمري ما شغلته علي 4 دي

**corsair** · 11-07-2015 03:04 PM

المشاركة الأصلية كتبت بواسطة ginger

انا عاوزه نصيحتك , محتاره ما بين سوزوكى سياز (و طبعا متخوفه من انها 1400 cc و انها لسه متجربتش كفايه و شايفه ان خامات التابلوه و الخامات الداخليه ضعيفه و سيئه )و ما بين النيو لوجان اوتوماتك هاى لاين ( و طبعا بكل مشاكل اللوجان اللى سمعتها من تأخير الدواره , و ان التكييف كفاءته بتقل, و ان ضفيرة الكهرباء مش معزوله , قطمة الدريكسيون, سخونه عند الدواسات ) .... انا معايا فيرنا و طبعا التكييف بتاعها قوى جدا و ممتاز , و انا شغلى بيعتمد كليا على العربيه ... شكرا لحضرتك

زي ما قولت لحضرتك علي الخاص وقالك البشمهندس مصطفي دي حالات فردية انا عن نفسي غيرت قطمة الدركسيون علي الضمان في التوكيل من يومين من غير ما ادفع جنيه وبالنسبة لموضوع الضفيرة معتقدش ان شركة رينو مش هتكون مأمنه الضفيره وهيه عارفه انها بكدا ممكن تأذي العربية لانهم اول من هيخسروا في القصه دي ومفيش اي سخونه عند الدواسات نهائي الحمد لله وانا كان معايا فيرنا بردك قبلها وبقولك هتحسي بفرق رهيب بينها وبين الفيرنا

المشاركة الأصلية كتبت بواسطة eng. Mostafa

ازيك يا استاذ احمد عامل ايه؟ الحمد لله استلمت العربية من اسبوعين والحمد لله ماشي الحال, بس كنت عايز اسألك في حاجتين:

الله يعزك يا بشمهندس مصطفي الف مليون مبروك وربنا يديك خيرها ويكفيك شرها وشر طريقها

1- العربية اتخبطت كدة من فوق العجلة اللي ورا والصاج اتطبق ومحتاج يترد, الخبطة مش كبيرة اوي يعني حوالي شبر كدة وانت قافل ايدك, فهل لما اعمل صيانة الالف في التوكيل هيعملهالي علطول لانه محتاج يفك الكارتيرة ولا هيقولي سبهالي شوية بقي؟

الحمد لله خدت العين متزعلش نفسك ونصيحة متعملش اي شغل سمكره في التوكيل دي اي سمكري برا هيعملهالك مش هتكلفك 50 جنيه التوكيل هيقرفك وهيقولك سيبهالي ويلطش بتاع 500 جنيه فيها علي ايه وعلي فكرة شغل السمكره في التوكيل تعبان جدا

2- تاني حاجة بقي عربية لونها سيلفر وبيحصل خدوش في الاكصدام اللي ورا وبيتقشر كدة واللون الاسود اللي تحت بيظهر, فهل ده مالهوش علاج؟؟ مفيش اي دهان او مادة تعالج ده, بس تكون مجربة وأكيدة وتداري الخدوش دي اللي في الاكصدام؟

مفيش اي حاجه تعالج خدش قشر اللون الا بالرش ونصيحه انا عايزك تسيبها شوية اهي تاخد العين وبعدين ابقي رش الاكصدام لكن لو اللون الاساسي مطلعش والخدوش سطحيه هتجيب من اي محل اكسسوارات اسبراي wd40 وترش علي مكان الخدش وبقطنه نضيفه امسح علطول هتلاقي الخدش اختفي واللون رجع لطبيعته وبعد ما تمسح بالقطنه هتغسل بالمايه والصابون مكان الرش

وتحت امرك في اي استفسار اخر

**eng. mostafa** · 14-07-2015 11:44 AM

المشاركة الأصلية كتبت بواسطة corsair

زي ما قولت لحضرتك علي الخاص وقالك البشمهندس مصطفي دي حالات فردية انا عن نفسي غيرت قطمة الدركسيون علي الضمان في التوكيل من يومين من غير ما ادفع جنيه وبالنسبة لموضوع الضفيرة معتقدش ان شركة رينو مش هتكون مأمنه الضفيره وهيه عارفه انها بكدا ممكن تأذي العربية لانهم اول من هيخسروا في القصه دي ومفيش اي سخونه عند الدواسات نهائي الحمد لله وانا كان معايا فيرنا بردك قبلها وبقولك هتحسي بفرق رهيب بينها وبين الفيرنا

مفيش اي حاجه تعالج خدش قشر اللون الا بالرش ونصيحه انا عايزك تسيبها شوية اهي تاخد العين وبعدين ابقي رش الاكصدام لكن لو اللون الاساسي مطلعش والخدوش سطحيه هتجيب من اي محل اكسسوارات اسبراي wd40 وترش علي مكان الخدش وبقطنه نضيفه امسح علطول هتلاقي الخدش اختفي واللون رجع لطبيعته وبعد ما تمسح بالقطنه هتغسل بالمايه والصابون مكان الرش

وتحت امرك في اي استفسار اخر

ربنا يخليك يا رب, هي قطمة الدريكسيون ظهرت معاك امتي؟ يعني من اول ما استلمت العربية وانت عارف ان فيها قطمة؟ ولا ظهرت معاك بعد شوية؟

تاني حاجة بقي عملت فرش العربية فين؟ والاحسن تفصيل ولا جهاز؟ وكلفك كام؟؟ وهل عملت الكراسي بس ولا الكراسي وفرشت الارضية كمان؟ الموضوع ده محيرني جدا ومش عارف اعمله فين وهل اعمل الكراسي بس واجيب دواسات للأرضية ولا اعمل الارضية كمان؟؟

**corsair** · 16-07-2015 04:17 PM

المشاركة الأصلية كتبت بواسطة eng. Mostafa

ربنا يخليك يا رب, هي قطمة الدريكسيون ظهرت معاك امتي؟ يعني من اول ما استلمت العربية وانت عارف ان فيها قطمة؟ ولا ظهرت معاك بعد شوية؟

القطمه ظهرت معايا من ساعة ما اشتريت العربية بس مكنتش اعرف انه عيب فيها ولا اعرف انها قطمه ولما اشتكيت من تخبيط في الدركسيون اثناء الصيانة قالولي انها قطمه وهتتغير علي الضمان

تاني حاجة بقي عملت فرش العربية فين؟ والاحسن تفصيل ولا جهاز؟ وكلفك كام؟؟ وهل عملت الكراسي بس ولا الكراسي وفرشت الارضية كمان؟ الموضوع ده محيرني جدا ومش عارف اعمله فين وهل اعمل الكراسي بس واجيب دواسات للأرضية ولا اعمل الارضية كمان؟؟

طبعا احسن حاجه التفصيل بس انا معملتش فرش لعربيتي لسبب ان فرش العربية عجبني جدا وانا قولت اهلك فرش العربية وبعدين ابقي افصلها فرش علي مزاجي اصل انا من النوع اللي يحب يستفيد بكل حاجه مش اخلي غيري يستفيد لما ابيعها ولو عايز تعمل يبقي اولي تعمل فرش الارضيه جلد هتكلفك حوالي 350 جنيه في واحد اعرفه في شارع دمشق استاذ في تفصيل الارضيه وكمان بيراعي ان في اسلاك ممدوده تحت الكراسي علشان في ناس بتستهبل وتفصلها وفرش التفصيل بيبدء تقريبا من 700 جنيه وانتا طالع حسب الخامه والنقشه والفرش الجاهز بيبدء من 300 وانتا طالع بردك

**kimo_2000_eg** · 28-11-2015 11:08 PM

المشاركة الأصلية كتبت بواسطة corsair

طبعا احسن حاجه التفصيل بس انا معملتش فرش لعربيتي لسبب ان فرش العربية عجبني جدا وانا قولت اهلك فرش العربية وبعدين ابقي افصلها فرش علي مزاجي اصل انا من النوع اللي يحب يستفيد بكل حاجه مش اخلي غيري يستفيد لما ابيعها ولو عايز تعمل يبقي اولي تعمل فرش الارضيه جلد هتكلفك حوالي 350 جنيه في واحد اعرفه في شارع دمشق استاذ في تفصيل الارضيه وكمان بيراعي ان في اسلاك ممدوده تحت الكراسي علشان في ناس بتستهبل وتفصلها وفرش التفصيل بيبدء تقريبا من 700 جنيه وانتا طالع حسب الخامه والنقشه والفرش الجاهز بيبدء من 300 وانتا طالع بردك

يا باشا ربنا يقدرك على فعل الخير لانك بتفيد الناس بإجاباتك وانا اتشرف بمعرفتك والله
انا قرأت اجاباتك في الموضوع بتاع اللوجان وكنت قلت ان انت تعرف واحد في شارع دمشق كويس جدا في فرش العربيات بيعمل فرش للكراسي و الدواسات ممكن تقولي هو مين و فين بالظبط لاني مش من سكان القاهرة؟
وكذلك انا سمعت عن المادة اللي بتترش على البودي كله بما فيها الفوانيس عشان تحميها من الخدوش بس بيقولو انها بكذا الف, انت تعرف مين بيعملها وبكام بالظبط؟
انا مرة شوفت حد بيحط زي ورق شفاف على البودي كله برده على ما اعتقد عشان نفس الفكرة بس معرفش بكام.
بما انك خبرة تنصحني بايه؟

**falak** · 14-07-2015 10:51 PM

السلام عليكم جميعاً
أنا بإذن الله نويت أشتري النيو لوجان
وكنت عاوز آخد راي حضراتكوا
أشتري منين ،، وأي فئة ؟
أنا عاوز أعلى فئة
وإيه حكاية الأوفر برايس
ومنين أقدر أشتريها فوري وبكام ؟
وكل عام وحضراتكوا طيبين جميعاً

الموضوع: تقرير عن مميزات وعيوب اللوجان الشكل الجديد 2015

LinkBack

أدوات الموضوع

عرض

العرض المتطور

- انشر الموضوع فى :

-

-

المواضيع المتشابهه

مميزات وعيوب i 30

مميزات وعيوب

مميزات وعيوب

تقرير صيانة ال1000 لبروتون واجا مميزات وعيوب

مميزات وعيوب اللوجان

الكلمات الدلالية لهذا الموضوع

المفضلات

المفضلات

ضوابط المشاركة