تقرير مبسط مني على النيو لوجان 2015 بعد اسبوعين

**ahmedeg1** · 18-09-2014 09:05 AM

اللوجان مش بتاعة تقفيل عدادات دى عربيه عائليه و بها مستويات امان عاليه و التكييف مش بأثر على السرعه او سحب العربيه طالما انتا مهتم بصيانتها انا عن نفسى كنت بقارن اللوجان بالنيو صنى و استقريت على اللوجان علشان افضل بكتيير

**cato240** · 18-09-2014 11:14 PM

المشاركة الأصلية كتبت بواسطة sempa1982

ياشباب ممكن اعرف يعنى ايه تكييف هواء تلقاتى او اتوماتك لان عند قرائتى للامكانيات رايت ان التكيف مش متعلم عليه والخانه الي تحنها تكيف هواء تلقائى متعلم عليها فا ايه الفرق

يعني تكيفها نظام اوتوماتيك بتظبط الحرارة وعند الوصول اليها بيتم فصل الكومبرويسور
والفئة التانية تكيفها نظام بكر بيتظبط يدوي

المشاركة الأصلية كتبت بواسطة assaf

الف مبروك ربنا يبارك لك فيها

المشاركة الأصلية كتبت بواسطة mody112

الف مبروك

الله يبارك فيك عقبال ماتجيب

المشاركة الأصلية كتبت بواسطة sarsossa

طيب يا جماعة موضوع السحب فى المطالع و الجرى .. مقارنة بماتور الفيرنا ايه النظام
قصدى الماتور كويس ف السحب و التكيف مقارنة بالفيرنا (الفرق مقبول يعنى علما بأن اللوجان 8 فالف 87 حصان) و الاوبشن الى فيها هيغطى ولا ايه؟

المشاركة الأصلية كتبت بواسطة sarsossa

طيب السؤال محتاج جواب .. التجميع و السحب مع التكيف مقارنةً بالفيرنا
الناس كلامها مقلقنى فى موضوع السحب ضعيف ع مطالع الكبارى .. ومضايقنى برضه حوار انها مبتقفلش عداد
اصلى بحب الجرى و كدة .. حد يفيدنى

أولا اللوجان 90 حصان بالنسبة لموضوع سحبها فهو متقبل كان باول 1500 كيلو كان ضعيف نسبيا حاليا انا وصلت 3000 ابتدى يتحسن كتير جدا وبالنسبة للطالع مع التكييف الحمدج لله مافهوش اي مشكلة بالنسبة للعداد مع التكيف اخر 175 كيلو لانها عربية عائلية وعالية عن الارض وبالنسبة تاني على الكباري مافيش ادنى مشكلة في طلعتها بتطلعها على سرعتها عادي جدا
ولو بتحب الجري مظنش يعني ان فيه طريق بمصر تقدر تجيب فيه سرعات عاليا ولو بتحب الجري حتدخل فئة تانية خالص ويفضل انها تكون واطية غير مرتفعة عن الارض ونصيحة بلاش الفيرنا لان العربية مافهاش اي امان ولا حتى ثبات انا اللوجان ثبتها معايا وصلت بيها 145 وكانت زي الفل مشاء الله الفيرنا فوق 120 اصبح وزنها خفيف جدااا واحتمالية انها تقلب عالية قووي

**وفاء** · 19-09-2014 03:59 AM

شكرا علي التوضيح

**ahmed.teawater** · 19-09-2014 06:20 AM

ربنا يبارك لحضرتك والف مبروك

**S O P H O S** · 22-09-2014 02:29 AM

ربنا يبارك
ان شاء الله تفضل راضي عن اداء العربية

**sempa1982** · 26-09-2014 04:53 AM

السلام عليكم ممكن اعرف هل باب التانك بيفتح من جوه ولا لأ و الشنطه كمان هل من جوه ولا لأ وياريت ياشباب كمان اعرف هل الديبرياج ويير ولا كبس زيت

**cato240** · 27-09-2014 11:40 PM

المشاركة الأصلية كتبت بواسطة sempa1982

السلام عليكم ممكن اعرف هل باب التانك بيفتح من جوه ولا لأ و الشنطه كمان هل من جوه ولا لأ وياريت ياشباب كمان اعرف هل الديبرياج ويير ولا كبس زيت

التانك للامان ولاجبارك على غلق المحرك بيفتح عن طريق المفتاح فقط
الشنطه مفتوحه طول مالسنتر مفتوح
الديبرياج على واير

**ahmed hosny** · 30-09-2014 11:48 PM

انا خلاص قررت اجيب اللوجان بس لحد دلوقتى مش عارف اجيب الفقه الاوله منين مع العلم انى لزم جدا يكون التسليم فورى وانا ها خلصها ان شاء الله كاش فا ياريت تفدونى اجيب الفائه الاوله منين