كل اللي بيقول العربيه خساره فيها الفلوس ولا واحد ركبها اساسا
يا باشا الفيرنا عربيه محترمه وفيها مشاكل مننكرش بس هي اجمالااحسن عربيه في فئتها السعريه
شوف ردود ملاك العربيه وانت تعرف
عرض للطباعة
كل اللي بيقول العربيه خساره فيها الفلوس ولا واحد ركبها اساسا
يا باشا الفيرنا عربيه محترمه وفيها مشاكل مننكرش بس هي اجمالااحسن عربيه في فئتها السعريه
شوف ردود ملاك العربيه وانت تعرف
الكلام المفيد لو سواقتك بتجرى كتير وبتاخد غرز ابعد عن العربية لو سوقتك كويسة اتوكل على الله ومتفكرش واخر حاجه فى مصر تبصلها السعر مفيش حاجه بتتباع اقل من الضعف علشان الوكلاء الغلابة ياكلو عيش
حرام فيها الفلوس دى ليها وجهتين نظر :
كعربية نفسها مقابل سعر ، حرام الفلوس اه
اما كحاجة مؤقتة وتبيعها بدون ما تخسر فيها بعد فترة ، يبقى فلوسها حلال جدا جدا !
ملحوظة على جنب : قطع غيار الفيرنا ما بقتش رخيصة ! (عرض وطلب)
وانزل اسأل في السوق بنفسك ما تاخدش بالسمع
الفيرنا مثلا فيها حاجات اغلى من بتاعة الاوبترا مثلا !
يا جماعه مع احترامي للجميع
هل الفيرنا هي العربيه الوحيه في مصر اللي غليت ما كلو غلي
هل المرسيدس و البي ام في مصر مش غاليين بالنسبه لأمكانيتهم؟ انتا حضرتك تمن الفيرنا في مصر يركبك مرسيدس في دول خليجيه و أوروبيه
كل العربيات في مصر تمنها حرام و اسعارها مبالغ فيها
الناس اللي بتقول ان الفيرنا فيها مشاكل فراملها و ثباتها وحشين بتفكرني بواحد معاه 10 جنيه و مستغرب انه مش عارف يتعشى كباب
عاوز ثبات و فرامل و سرعه و حاجه أوستيك يبقى تدفع فوق ال 250 ألف
يعني عربيه 1600 ب 80 ألف و عربيه 1600 ب150 ألف و عربيه 1600 ب300 ألف أي منطق يقول أنهم نفس الأمكانيات
معلش انا مش عايز حد يفهم ان كلامي تحامل على العربية
بس انا لما اتكلمت كنت باقول في فئتها السعرية في مصر
اللانوس (و انا من عشاقها) و الفيرنا , سعرهم مبالغ فيه جدا جدا بالنسبة لامكانياتهم في وسط الفئة السعرية بتاعة الامجراند و اللوجان و الbyd , و لولا المشاكل اللي في الامجراند كنت قلت ان التلاتة افضل منهم , لكن نظرا للمشاكل دي فانا شايف ان فيه نفس الفئة السعرية دي , وهنا في مصر , اللوجان و الbyd امكانياتهم اعلى كتير
بص لو هتدفع فلوس الفيرنا و مش هيبقا معاك فلوس تاني في الوقت الحاضر هات فيرنا لان مصاريف تشغيل وصيانه الفيرنا بسيطه و استهلاك بنزين كويس لكن لو معاك 5 الاف على جنب مثلا و تقدر تصرف على عربيه بعد كده لو لا قدر الله حصل فيها مشكله يبقا هات الينترا او اوبترا اولانسر مستعمله ده رأي بعد ما ركبت فيرنا زيرو لمده سنه ونص لان مش ممكن تقارن عزل وفرامل ووسع صالون الفيرنا بالانترا
فكر كدا فالجيلي ايمي جراند ٧ عربيه كويسه جدا و منتشره فالخليج اللي بينزل في العربيات القويه و سعرها تحفه و مواصفاتها حلوه و منتشره دلوقتي جدا و ابعد عن الفيرنا
مع احترامى لكلام حضرتك انا حد محايد جدا واقرى تقاريرى عن الامجراند و شوف مقارنتى بينها و بين النوبيرا الى كانت معايا و مش معنى ان وجهه نظرى تختلف مع حضرتك يبقى انا الى بدافع عنها جدا .. مره تانيه نرجع نقول الفيرنا عربيه كويسه اه لكن تستاهل سعرها لأ ... دى وجهه نظرى بعيدا عن العربيه الى ارشحهالك كبديل