أولا ... بأشكر مشاركتك ودخولك شرف ليا يا كبير
ثانيا .... كلام حضرتك ده معناه أن الطرق المختلفة لتركيب العدادات بيحكمها حاجة ... ياريت نعرفها علشان الكل يستفاد
شكرا جزيلا
عرض للطباعة
أولا ... بأشكر مشاركتك ودخولك شرف ليا يا كبير
ثانيا .... كلام حضرتك ده معناه أن الطرق المختلفة لتركيب العدادات بيحكمها حاجة ... ياريت نعرفها علشان الكل يستفاد
شكرا جزيلا
انا نفسى مش فاهم... انا الوحيد اللى عندة كنترول KV و منفعتش الطريقة دى معاه
MMamdouh
انا ليا استفسار .. الحوار ده كله ليه وليه الغلب ده؟؟
وتلعبوا في كنترول العربيه ويمكن يجي واحد صانيعي من اياهم يضيع العربيه
انا عندي في النوبيرا عداد ال rpm ما افتكرش اني بصيت عليه مره وانا سايق
ماحدش يقولي الRPM مهم انك تعرف امتي ها تنقل النقله
هاقول له اي سواق باحساسه بيعرف ان العربيه ها تقبل النقله الاعلي
متهيالي تركيب تكييف في اللانوس الهاف اجدي وانفع ويستاهل المجهود والتعب
تاني حاجه لو الموضوع اخره حته سلكه بنص فرنك (2 قرش صاغ) دي تبقي شركه
دايو دي معفنه لامؤاخذه انها متعملوش من الاول واهو كانت تاخد بتاع 3 الاف جنيه
فرق اوبشن...
متهيالي عدم وجوده في الهاف اوبشن مرتبط بميكانزم معين في الحركه مش موجود
في الهاف اوبشن
لكن ماش الحال ربنا يوفق اهو محاوله ربما تكون مفيده
نقطه اخيره
انت دلوقتي عملت كوبري بسلكه وركبت العداد لما ها تيجي تبيع العربيه
ها تقول للمشتري انها هاف اوبشن ولا فول ؟؟؟؟؟؟
متهيالي الموضوع محتاج فتوي علشان الحرمانيه
مجهود رائع مع تحياتي للمبدعين في المنتدي الكريم
تقصد ايه يا استاذ محمد !!!!!؟؟؟؟؟؟؟؟؟
لما قريت كلامك ده معرفش ليه انا افتكرت حسن حسني في فيلم الناظر صلاح الدين
لما علاء ولي الدين قال له بس انا مامعيش الا ثانويه عامه
قام قال له ومين بس معاه ......
حاحكي ليك حاجه حصلت وانا في الجيش فيها المعني اللي انا عايز اقوله
خدونا في يوم التبه بتاعه ضرب النار في نهايه السنه وانا فاكر في اليوم ده كان
قائد السريه طبيب اسنان مقدم كان اسمه المقدم ناشد ومعاه الشويش وامباشه ..
الشاويش يحط ايدنا علي البندقيه وهو الي بيضرب ويقول طبق قاعده النشان
بتاعه سن نمله الدبانه وعقبال ما لسه تبربش بعينك يكون هو فرغ الخازنه في الهوا
وكانو بيحطوا كرتونه الي فيها الدايره السودا بعد كل واحد الامباشه يجيبها ويلم الطلقات
ويقول صفر من خمسه ...
ويحط كرتونه جديده علشان التالي في ضرب النار وبرضه الامباشه يجي يقول صفر من خمسه
بعد ما المجموعه كلها خلصت ضرب النار المقدم ناشد طلبت معاه يضرب نار هو راخر
راح الشويش قال للامباشه روح حط كرتونه للباشا وخلي بالك الباشا هو اللي ها يضرب
الامباشه جاب طلقه وخرم الكرتونه وراح حطها بعد المقدم ما خلص الامباشه
راح جاب الكرتونه وقال له برافوا شرفتنا يا فندم 4 من خمسه
كبررر يا كبير ....
وعملت ايه ياباشمهندس م.ممدوح
رجعت كل حاجه مكانها وفكيت العدادات الجديده ورجعت القديمه ؟
هو الكنترول الى عندك نوعه ايه؟.
يمكن انت ميفرقش معاك وجود الRPM بس فيه ناس بيفرق معاها
و القصة مش فى توقيت النقل و بس... دا بيفيد كتير فى متابعة حالة المكنة و التاكد انها مضبوطة
هى فيها تكييف اصلااقتباس:
متهيالي تركيب تكييف في اللانوس الهاف اجدي وانفع ويستاهل المجهود والتعب
هو الفرق بين اللانوس الهاف و الفول فى الRPM بس؟؟؟اقتباس:
تاني حاجه لو الموضوع اخره حته سلكه بنص فرنك (2 قرش صاغ) دي تبقي شركه
دايو دي معفنه لامؤاخذه انها متعملوش من الاول واهو كانت تاخد بتاع 3 الاف جنيه
فرق اوبشن...
الفروق اكتر من كدة بكتير... يكفى الزجاج الكهرباء و السنتر لو بنتكلم على الفلوس
لا خالص... كل القصة هى عدم وجود العداد نفسة... الكونترول بيطلع اشارة لفات الموتور بالفعلاقتباس:
متهيالي عدم وجوده في الهاف اوبشن مرتبط بميكانزم معين في الحركه مش موجود
في الهاف اوبشن
الفرق بين اللانوس الهاف و الفول حاجات كتير جدا جد اكتر من مجرد عداد RPM و اى واحد له خبرة فى الدايو يعرف يفرق بين الهاف و الفول فى 3 ثوانى حتى من غير ما يركب العربيةاقتباس:
انت دلوقتي عملت كوبري بسلكه وركبت العداد لما ها تيجي تبيع العربيه
ها تقول للمشتري انها هاف اوبشن ولا فول ؟؟؟؟؟؟
متهيالي الموضوع محتاج فتوي علشان الحرمانيه
MMamdouh