صباح الخير
انا معايا لانوس 2006 كاملة اشتريتها من سنتين لاني ساكن في الرحاب و وجدت اني بصرف كتير علي التاكسيات و اتوبيس الرحاب مش بيسعفني ده غير عذاب الانتظار و الوقت اللي بيضيع
عربية كويسة بالنسبة لي من حيث سعرها و اقتصادية و اي حد يصلحها وبصراحة لما فكرت ابيعها ماعرفتش اجيب ايه بدلا منها بالفلوس اللي هاتيجي منها
لكن بشكل عام اشعر ان اختياري لها كان صح 100 % في المرحلة الحالية
ياتري انتوا ايه رأيكم ؟ وهل كنتم موفقين في اختياركم ؟:k2:
السلام عليكم
بالنسبة للعبد لله ( نظرة مبدئية لنظرية الشراء لدي )
أنا لما بأشتري أي حاجة لازم تكون إنتاج محلي ( مصري ) أو عربي و هذا نادر وجوده في سوقنا المصري أو إسلامي و ده موجود متمثل في منتجات أندونيسيا و ماليزيا
فوجدت أنني أفاضل ما بين النيسان الصني المصري ( سيارة رائعة بجد )
و البروتون جين 2 .......... و بروتون واجا
و في النهاية و بعد مداولات منزلية مع الزوجة
أستقرينا على البروتون جين 2 و أتكلنا على الله و تم الشراء
ليه أشتريتها
1- تنطبق عليها مواصفات بلد المنشأ حسب نظريتي
2 - كبيرة و عالية عن الأرض و مش بتحك في المطبات
3- موتور قوي و بيساعد في السفر ( طرقي كلها سريعة أو أغلبها )
4-شنطتها ذات مساحة معقولة جدا
5- سعر مناسب و إمكانيات عالية ( كماليات كثيرة )
6- شكلها أكثر من رائع و رياضي بحت
و الحمد لله أرى أن القرار مناسب جدا و السيارة مريحة جدا بالنسبة لي
أعتقد أن أغلب الناس هاتكون مبسوطة من عربياتها إلا اللي عندهم كارثة في أساسيات العربية
و ربنا يبارك للجميع
قبل ما أقرر شراء السيريون لفيت على شوية ماركات و كنت مركزة على الهاتشباك.. مش عارفة ليه مش شايفة نفسي في عربية سيدان خالص. ضمن الهاتش باك اللي حطيتهم في دماغي كانت الهيونداي أتوس و لما قريت عن مشاكل غبور صرفت نظر عنها و بعدين مريت بالسوزوكي الألتو، بس كنت عايزة اتوماتيك فصرفت نظر عنها و ظهرت بعد كده البيكانتو، بس كتير قالوا لي لو عايزة أوتوماتيك يستحسن بلاش كوري، فبعدها ركزت على الياباني و في حدود الفلوس اللي كنت عارفة اني هاقدر أدفعها لقيت السيريون هي أفضل اختيار و استقريت عليها بعد ما قريت عنها كتير في منتدى دايهاتسو و لقيت ان ملاكها بيعشقوها و ماحدش اشتكى منها زي ملاك العربيات التانية فاستخرت الله و فعلا فضلت شهور مش بافكر في عربية غيرها و بانصح الناس انهم يشتروها حتى من قبل ما اشتريها انا.
العربية لحد دلوقتي مريحاني و ملبية كل طلباتي.. يمكن التقييم الكامل ييجي بعد كام شهر لما أبدأ أمرمطها في مشاويري كلها، بس لحد دلوقتي ماليش عليها أي تحفظات إلا بس حتة انها أحيانا بتحك في المطبات لما تكون الشنطة مليانة و معايا ناس في العربية، انما غير كده العربية زي الفل.
تويوتا ياريس 2008
من خمس سنين كان معايا هوندا سيفك موديل 99 خليجى ومش عاوزه اقولك العربيه دى اتمرمطت مشواير قد ايه بصراحه السيفك سياره تستحمل المشقه بجد
لما قررت اشترى حطيت فى دماغى اول شى <<<< اشترى يابانى تقفيل بلدها>>>
ومع اللف والتفكير حطيت الجراند تريوس وخوفونى من ثباتها خصوصا لانها مرتفعه عن الارض وكمان سعر اعلى فئه فيها مبالغ فيه بالنسبه لامكانيات العربيه فطنشتها
بعدها جات الهوندا سيتى وطلعت تايلاندى طنشتها ومرتاحتش لها
جاء دور التويوتا كرولا وخفت اشترى موديل جديد ويجربوها فيا طنشتها
لقيت اختها الصغيره عجبتنى شكلا ومضمونا خصوصا ان استهلاكى للعربيه يعتبر معدوم لقيت كل الامكانيات اللى محتاجها فى الفول اوبشن الاتوماتيك
واشتريتها وحاسه ان اختيارى صح بنسبه 100% ولو هرجع اشترى هتبقى الياريس او السيفك بس
سوبارو ليوني موديل 1982 جبناها سنة 1991 والعربية قعدت 10 سنين مافيهاش الهوا ياااااة فكرتوني بايام عزها كانت تسارع اية و ثبات لايوصف ومرونة واداء و.... اهى اهى:k14: هاتخلوني اعيط المهم انها دلوقتي عايزة موتور و عفشة وسمكرة و ....الخ وإن شاء الله ناوين جيب الامبريزا الجديدة
شاهين 1400 سىسى 2004 كانت اختيارى انا رغم معارضة الوالد بس انا بحب العربيات اللى تتحمل جرى ومطبات وفى نفس الوقت عاليه مش كل شويه اخد مطب بالجنب و قطع الغيار رخيصه جدا مقارنه باى عربيه جديده والاهم من ده كله انه بعد غلاء البنزين بحط بنزين 80 وبكده بقدر امشى بيها مش بشيل هم البنزين
فيرنا عربيه كويسه قطع الغيار معقوله شكل كويس منتشره جدا سهوله اعاده البيع قطع غيار متوفره و رخيصه الى حد ما و اعتماديه ( طظ فى التوكيل بعد كده )
أوبترا 2009
أنا الحمد لله أشتريتها بعد بعد أستمر سنة و شايف إنها عربية محترمة جدا و أنسب واحدة ليا
اعشق دايو لانوساقتباس:
المشاركة الأصلية كتبت بواسطة SE_coralsea
بصراحة يا Shanodaa ليك حق أنا اليومين دول معايا لانسر 1300 و رغم انها اتوماتيك و مريحاني الا اني مفتقد عربيتي الدايو لانوس اللي واقفة تحت البيت
بصراحة يا Shanodaa ليك حق أنا اليومين دول معايا لانسر 1300 و رغم انها اتوماتيك و مريحاني الا اني مفتقد عربيتي الدايو لانوس اللي واقفة تحت البيت
اوبل كورسا
- المانى "حدث ولا حرج" من القوة والمتانة
- الثبات والامان
- انا كنت معجب بتصميم وحجمها الملموم
وبعد الشراء فعلاً الحمد لله ربنا يبارك فيها
" من الجميل ان تجد ما تحب ومن الاجمل ان تحب ما تجد"
اسامه سليمان
كنت مشترك انا و والدي في الكليو .. بس كان وضع صعب بصراحة لأن والدي من النوع اللي بيتعكنن اما حد يعدل وضع الكرسي و المرايات :d كمان بعديها المحور باظ و بقي مشوار الجامعة مينفعش بالمواصلات .. و كنت بشتغل ساعتها في مكان قرب مدينة الإنتاج كدة و بتأخر و مليش مواعيد فا الوضع إتأزم .. فا قلنا هنجيب عربية تانية :d قعدت أدور و الرحلة بدأت عند فورد كا مستعملة لأني بحب العربية دي جداَ .. بعدين قلت هجيب مستعمل و أقف عالمحور بيها .. مش مضمون .. قلت أشوف زيرو .. مريت بالكليسا و السبارك و البيكانتو .. إستغليت البيكانتو فا قلت هجيب سبارك .. و كنت خلاص بخلص فيها (و كان معايا محمد عبد الله نايل ستورم :d) و كنا خلاص قلنا هنجيب سبارك .. بعد كدة إحنا الإتنين غيرنا رأينا انا جبت سيريون و هو جاب فيرنا .
جبت سيريون ليه ؟
أولا انا كنت بحب العربية دي جداَ أول ما نزلت قبل حتي ما أفكر أشتري عربية و كنت بحب أشوفها في الشارع و أتفرج عليها في التوكيل كان جنب النادي .. ثانياَ انا من محبي الهاتش باك مليش في السيدان بحب العربيات الميني .. المهم فضلت ورا العربية لحد ما حسيت إنها المناسبة ليا فعلا فا توكلت علي الله .. انا كنت شايف إنها أحسن سيارة في فئتها و مناسبة للي انا عايزه في عربية .
انا بقى كنت رايح اشترى افيو ودخلت المعرض لقيت قدامى الماتريكس لما ركبتها ارتحت جدا لقعدتها ولما رجعت ركبت فى الكنبة الى ورا لقتها واسعة ومريحة بالرغم ان انا طويل (على فكرة انا كنت معجب بشكلها من اول منزلت مصر بس مكنتش ركبتها من جوة) ودى أول عربية جبتها ... بجد الى بيركب ماتريكس بيعشقها مووووت ولعند دلوقتى الحمد لله عاملة معايا 20000 الف كيلو ومريحانى وكل يوم بحس ان اختيارى كان صح مليون المية لدرجة ان انا عاملها مرتب خاص بجيبلها اكسسوارات وشمبوهات للغسيل ومنظفات وكل الى هى محتجاة بحس انها جزئ من حياتى وبحب شكلها المبعجر بس نقول اية بقى (القرد فى عين امة غزال )