المذاكرة للأبناء

**OlaOsman** · 20-10-2008 09:09 AM

زميلتي في الشغل ابنها في أولى ابتدائي، طبعا دي أول سنة تتعرض معاه لحتة المذاكرة و التركيز و لازم نعمل الهوم ورك و نحفظ و الولد مش بيحب يقعد يركز و لا يعمل الواجب و هي مش عايزة تضغط عليه و لا تزعق له و هي بتذاكر له عشان ما يتعقدش من المذاكرة خالص و المدرسة و في نفس الوقت مش عايزة ترخي له الحبل ع الآخر عشان ما يستهترش و يبقى متأخر دراسيا.

حد يعرف حد متخصص ممكن يفيد في حتة المذاكرة دي و الأم تقدر تعمل ايه و ما تعملش ايه عشان الولد يبقى مستواه الدراسي معقول؟ هي زميلتي مش عايزاه يكون متفوق و لا بيطلع الأول دايما، بس مش عايزاه لا مستواه يبقى نازل اوي عن زمايله و لا يتعقد من الدراسة.

**elassar2010** · 20-10-2008 10:38 AM

سياسة الترغيب هى الحل كل الاطفال بيبقوا كدة
يعنى الطفل دة اكيد بيحب نوع شيكولاتة معين الام توعدة انة لما يذاكر هتديلة الشيكولاتة
لو ذاكر الاسبوع دة وخلص الهوم ورك كلة تودية النادى يلعب مثلا تكافوة بلى هو بيحبة
وطبعا العكس اذا مذاكرش دى الطريقة الى الناس كلها اتعلمت بيها

**polo61** · 20-10-2008 10:39 AM

علا اولا صباح الخير
انتى بتسألى عن متخصص يعنى دروس خصوصية ولا متخصص فى ابدا ملاحظات تعملها زميلتك
اصل لو درس خصوصى من اولى ابتدائى صعب جدا وهوه ده بقى اللى هايعقد الولد حرام
السن ده مش عايز ضغط ابدا يعنى شوية مذاكرة وشوية لعب وكده
وفعلا اسلوب الثواب والعقاب الايجابى هوه الحل ( الشيكولاتة - النادى )
صدقينى هوه ده الحل وبسيط والصبر كمان

**OlaOsman** · 20-10-2008 10:50 AM

المشاركة الأصلية كتبت بواسطة elassar2010

سياسة الترغيب هى الحل كل الاطفال بيبقوا كدة
يعنى الطفل دة اكيد بيحب نوع شيكولاتة معين الام توعدة انة لما يذاكر هتديلة الشيكولاتة
لو ذاكر الاسبوع دة وخلص الهوم ورك كلة تودية النادى يلعب مثلا تكافوة بلى هو بيحبة
وطبعا العكس اذا مذاكرش دى الطريقة الى الناس كلها اتعلمت بيها

جزاك الله خيرا على النصيحة. فعلا طريقة فعالة جدا في رأيي.

هو بس مشكلته انه مش بيركز حتى و هو بيذاكر.. يعني بيسرح كتير و "بيستغبى" كمان كتير :D

**Noha.M** · 20-10-2008 10:53 AM

علااااااااا

صباح الخير يا قمر :)

بصي موضوع المذاكرة دة انا شرباه مع ابن اختى على من زماااااااااان اوى من اول

ما على كان فى kg و الموضوع بدأ صدفة لان انا كنت على طول قاعدة مع اختى و

كنت بلاقيها بتتعصب اوى على على و معندهاش صبر و تضربه و يعيط و اتعقد منها و

والله حوشت الولد منها عشان كانت هتاكله .. من يومها و انا قولتلها حسك عيييينك تقربي

لعلي خلاص هو بقا مسؤليتي و دبست نفسي التدبيسة التماااااااااااااااام من يومها:D

و على اصلا مدارس فرنساوى هو و اخته و انا فى الاول الموضوع كان صعب شوية

لان انا English أصلا بس عندي background حلوة عن الفرنساوى و من هنا

لهنا بقيت انا بذاكرله كل حاجة زي ال math و science و العربي و الدين و

english .. مريم اخته بقا عشان سها هى اللى بتذاكرلها فالبنت و الحمد لله هتعيد :kg 2

**elassar2010** · 20-10-2008 11:22 AM

المشاركة الأصلية كتبت بواسطة OlaOsman

جزاك الله خيرا على النصيحة. فعلا طريقة فعالة جدا في رأيي.

هو بس مشكلته انه مش بيركز حتى و هو بيذاكر.. يعني بيسرح كتير و "بيستغبى" كمان كتير :D

عادى كل الاطفال كدة فى السن دة مافيش حد هيركز من اول مرة او تانى مرة بالتعود وبالاغراءات هيركز وهيذاكر ويتفوق كمان

**وائل عطية** · 20-10-2008 11:47 AM

عن تجربة ..الترغيب والثناء وقليل جداً من الترهيب :
الترغيب:
مثلاً تقولي لو خلصت واجباتك بسرعة هانخرج نتفسح (لسه يوم الخميس اللي فات كنت مدبس نفسي في خروجة سريعة للملاهي)
كمان الترغيب بالكمبيوتر ، يعني مثلاً تقولي نحل التدريبات دي وهاسيبك تشتغل على الكمبيوتر ساعة، وهاجيبلك ألعاب جديدة وتلوين وتجيبي بالفعل ، لأن خطر جداً الكذب على الأطفال أو عدم الوفاء بوعودك لهم .
الثناء:
طريقة سحرية بتدي للطفل في السن دا دافع وحماس غير طبيعي
الترهيب:
في أضيق الحدود، لأنه ممكن يجيب نتيجة عكسية خصوصاً لو صوحب بالضرب (مخ العيل بيتخن) ، يعني مثلاً مفيش كمبيوتر الأسبوع دا، مفيش فسحة ، هاخد أختك معايا المسجد وهاسيبك، هانروح عند تيتة وانت لأ..
وهكذا