تقرير ممتاااااااااااااااااااااا ااااااااز
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
بسم الله الرحمن الرحيم
زملائي الاعزاء بنايل موتورز السلام عليكم ,,,,,,
بعد مرور 9 اشهر علي امتلاكي لكورولا 2014 مشيت فيهم حوالي 10,000 كم عملت فيهم صيانتين واحدة مجانية عند ال1000 كم و واحدة عند ال 5000 كم غيرت فيها زيت الفابريكة اقدر احكم عليها بعد ما اديتها فرصتها و زيادة عشان تظهرلي مزاياها و عيوبها و اقدر اشارككم فيها.
اولأ بالنسبة للميزات العربية و امكانياتها و فئاتها و اسعارها يرجي مراجعة الموضوع :
http://www.nilemotors.net/Nile/380276-2014.html
ملحوظة : التقيمات بالدرجات من وجهة نظري و التقييم ده بيفرق من شخص للتاني يعني اللي انا شايفه يستحق 8 ممكن يحد يشوفه يستحق 10 او 5 بس هي حاجة كدة استرشادية للسهولة ليس الا عشان ابين مدي رضائي عن كل نقطة .
نبدأ علي بركة الله :
1. الشكل الخارجي : (10/8)
طبعا الشكل ده حاجة نسبية جدا و بتفرق من واحد للتاني فمش هقدر اقول غير ان الشكل الامامي جيد جدا و لكن الخلفي مش قد كدة يعني القوة و الهجومية اللي موجودة في الفوانيس و الخطوط الحادة اللي في الاكصدام الامامي و الكبوت مش متماشية ابدا مع الشكل الخلفي و دي وجهة نظري .
2. الشكل الداخلي : (10/8)
برضو ده شئ نسبي و لكن انا معجب بشكل التابلوه اللي هو مش مسحوب و بيبقي نازل قدامك مرة واحدة او عمودي زي مبيقولو و شكله بيفكرني بال BMW القديم كخطوط تصميم فقط و ليس تفاصيل و في رأي مدي وسع غير طبيعي داخل الكابينة و مخلي الوصول للتكييف و الكاسيت و هوايات التكييف بسهولة فائقة و بدون بذل اي مجهود .
الانوار الزقاء اللي في التابلوه بتدي احساس بالاناقة و الشبابية شكل العدادات ظريف و ووحدة الكنترول او الكمبيوتر اللي مبين العدادات شكلها شيك و بتديك معلومات ممتازة عن العربية .
في لمسات صغيرة كدة تحسسك بالشياكة زي مثلا المفتاح خامته جيدة جدا و مطعم بالنيكل كروم .
3. الوسع الداخلي : (10/10)
بجد و بدون مبالغة خالص اوسع عربية ممكن تركبها في الفئة دي بلا منازع سواء في المساحة الامامية و ده راجع لتصميم التابلوه العمودي و الخلفية عندك براح ما شاء الله و لو رجعت الكرسي الامامي للاخر خالص هيبقي عندك ورا مسافة كبيرة لرجليك حوالي 26 سم و ده راجع لكبر قاعدة العجلات 2700 مم و اللي زادت 10 سم عن الموديل السابق.
لو انت طويل قوي و قعدت في الكنبة راسك هتبقي مستريحة و السقف بعيد عنك بمسافة كافية جدا و الاهم من كدا و اللي مدي وسع غير طبيعي و نادرا ما هتلاقيه في اي عربية هو عدم وجود البروز او الارتفاع اللي بيبقي في الارضية موجود قدام الكنبة الخلفية في المنتصف خلف مسند اليد الامامي و ده بيخلي لو 3 قاعدين ورا اللي في النص منزل رجله عادي و مش متشعلق .
4. حجم الشنطة : (10/9)
الشنطة 470 لتر مناسبة جدا جدا و فتحة الدخول واسعة قوي بتسهل عليك دخول اي حاجة مهما كان حجمها و لما بكون مسافر بملاها علي الاخر و ما شاء الله بتقولي هل من مزيد.
يعيبها فقط زي معظم العربيات انها علي دراعين او مفصلتين مش علي مساعد و ده ممكن يضايق شوية لو انت مالي الشنطة علي الاخر في القفل عشان لما بتقفل الدراع ده بياخد جزء من مساحة الشنطة .
و اجمل ما في الشنطة ان فيها الاستبن نفس المقاس و جنط سبور زي الاصلي بالمللي.
5. العزل : (10/8)
طبعا مفيش حاجة اسمها عربية عزلها 100% و الشركات بتحاول تخلي العزل افضل ما يمكن ولكن لازم يسمحو بشوية تسريب للاصوات الخارجية عشان يبقي في احساس بالطريق لمنع الحوادث و عشان لو في عربية اسعاف تسمعها و تفتح الطريق .
حاسس ان العزل مش بقوة الموديل السابق مش عارف بقي ده بسبب ان العفشة مختلفة او بسبب نوع الكاوتش , يعني لو ارض مش ممهدة بتسمع صوت الكاوتش بوضوح اما لو عربية في الشارع معدية جنبك فبتسمعها ضعيف قوي و لو حد زمر برضو بيبقي الصوت ضعيف .
صوت الهوا بيبان قوي بعد ال 180 كم/س و بيبقي ملحوظ .
6. ارتفاع العربية عن الارض : (10/9.5)
طبعا الرقم ده بعد تعديل ارتفاع العربية , و الحمد لله و بلا مبالغة بعد معدلت الارتفاع محكتش في اي مطب خالص حتي و انا محمل العربية علي الاخر و الشنطة مليانة و مع اصعب المطبات .
في رأي بس ان الشكل الخلفي للعربية بقي مرفوع شوية للي يركز فيه و اعتقد لو العربية كانت نزلت كدة من الاول محدش كان هيعلق عليه و لكن ده حصل عشان شفنا الغير معدلة و قارنا مبينهم . الصورة دي بعد التعديل .
7. قوة الموتور : (10/9)
العربية تجميعها اكتر من رائع سواء من الثبات او لو كبست بنزين في اي لحظة ,
مش بتتأثر بالتكيف خالص و العزم مش بيضيع بفضل الفتيس العبقري CVT اللي بيديك اقصي عزم و تسارع في اي لحظة دوست فيها علي البنزين .
انا جبت بالعربية من 0-100 في 9.5 ثانية و كنت مشغل التكييف و اقصي سرعة جبتها 200 و في بعض الزملاء جابو 210 و 220 .
طبعا في زرار سبورت موود لو شغلته العربية بتتحول و بتبقي حاجة رهيبة في التجميع و طبعا في استهلاك البنزين .
الموتور صوته هادي جدا و لكن لما بتكبس بتسمع صوت ممتع بيحسسك بالقوة
8. الفتيس : (10/9.5)
اقل كلمة تتقال عن الفتيس ده تحديدا مش اي فتيس CVT انا اقصد الفتيس ال CVT الخاص و المطور من تويوتا انه رهيب .
افصل استهلاك بنزين , افضل تجميع للنقلات و استجايه غريبة لدوسة البنزين و النقطة الاهم انه مطور عشان يديك احساس وهمي غير حقيقي ان فيه نقلات و ده مش هتلاقيه في اي فتيس CVT عشان كدة لو اي حد جرب العربية مش هياخد باله انه CVT خالص و هيحس انه فتيس فيه نقلات عادي جدا و ده بيدي متعة في القيادة و طبعا النقلات سلسة جدا و تكاد تكون مش محسوسة.
الفتيس فيه ستيب ترونيك و فيه عدد 8 نقلات مبرمجة .
الميزة في الفتيس انك لو بتحرق و بتجري و جيت مرة واحدة شيلت رجلك من علي البنزين لحظيا ال RPM مش بينزل بيفضل متعلق عند النقطة اللي سيبت بنزين فيها و كأن العربية بتقولك انا فاهماك انت بس بتهدي عشان موقف معين و لكن عاوز تحتفظ بقوة الطلعة لما تيجي تدوس بنزين تاني و متهدرش عزم العربية و ده بيبقي في حالة انك بتحرق و بتشد.
9. العفشة : (10/8.5)
العفشة مش بنعومية الشكل السابق و ده طبعا عشان الاختلاف اللي مبينهم في السيتب و لكن هما في النهاية Torsion Beam و ده طبعا راجع لأن العفشة بقت Rigid او Sport tuning و ده اللي مخلي الثبات بتاعها اعلي نسبيا عن الشكل السابق .
مش هقول انها ناشفة زي الاوروبي و لا هقول انها ناعمة زي الكوري هيا حاجة بين البينين.
10. الثبات : (10/9)
افضل نسبيا من الشكل السابق و ده راجع لانهم زودو قاعدة العجلات 2700 مم , غيرو في سيتب العفشة و بقي المساعد خارج السوستة و محطوط بميل لبرة .
غير طبعا وزن العربية 1300 كج و معامل ال CD اللي يعتبر الافضل في هذه الفئة 0.27 .
غير طبعا الانظمة الاليكترونية الي بتتدخل في حالة الخطر عشان تزود التحكم في العربية زي ال ESP وال TRC و اللي بأكد انهم بيساعدو علي التحكم في العربية في المواقف الصعبة مش بيزودو الثبات .
11. الفرامل : (10/9)
جيدة جدا و استجابتها سريعة و لو مش متعود علي الحساسية بتاعتها ممكن تتسبب في حادث للي جاي وراك .
المشوار بتاعها قريب جدا و لكن يعيبها زي كل العربيات الجديدة ان التيل بيخلص بسرعة عشان منزوع منه مواد معينة ضارة للبيئة .
ظهرت عند بعض الناس اصوات مع الفرامل لكن بتروح مع تنضيف التيل بالهوا .
12. استهلاك البنزين : (10/9)
بفضل الفتيس ال CVT و ال CD 0.27 ممكن توصل لمعدل 4.5 لتر كل 100 كم لو ماشي بمثبت السرعة علي سرعة 100 كم/س و ده رقم هايل , اما في وسط البلد و مع الزحمة الاستهلاك بيوصل ل 10 او 11 لتر لكل 100 كم و في النهاية المتوسط بتاعي بيبقي من 7 الي 8 لتر كل 100 كم .
13. التكييف : (10/9)
قوي و تبريده سريع جدا و الديوال زوون بيفيدني جدا لو حد راكب معايا .
اماكن قتحات التكييف موزعة بدقة و بتوصل الهوا للركاب الخلفيين بسهولة و عن نفسي انا بظبط درجة الحرارة علي 22 و بتبقي النتيجة مرضية جدا .
كان نفسي يبقي في فتحات تكييف خلفية شكل فقط بس هي مش محتاجة لأن فعلا التكييف ثلاجة و بيوصل بسرعة قوي للكنبة الخلفية .
14. التقفيل و الخامات : (10/8)
كله كويس قوي بالنسبة لي ماعدا الجزء اللي فيه مسند اليد و الجزء الي فيه حامل الاكواب بحسه بلاستيك مش قوي و ممكن لو واحد حمل عليه بقوة يتكسر هو مجرد احساس ولكن التابلوه و الكاسيت و التكييف خاماتهم جيدة جدا
15. النظام الصوتي : (10/9.5)
نقاء و قوة و جودة للصوت مكنتش متوقعها بصراحة خصوصا لما قارنتها بالموديل السابق و لكن ينقصه فقط ان يبقي فيه Sub مش اكتر لكن في المجمل اقدر اقول اني اول مرة اشوف جودة صوت بالشكل ده في ستوك العربية ولو سمعته هتحس ان العربية متركب فيها طقم صوت نضيف قوي.
16. عوامل الامان : (10/9)
كل ما تتخيله من ESP ,TRC , LED , ABS , HAC , BAS , EBL , EBD , 7 Air Bags
العربية واخدة 5 نجوم في اختبارات السلامة و الامان الاوروبية .
المساحة في الحوض جيدة جدا في حالة التصادم لا قدر الله , المسافة من الاكصدام الي الموتور 46 سم بسم الله ما شاء الله
ما كان ينقصها هو ال Lane Assist و ال TPMS
17. الاوبشنز : (10/9)
كان نفسي يبقي فيها فتحة سقف و سبويلر فقط لا غير , ولكن في كمية رفاهية غريبة زي ال Auto Park مثلا و حساسات الركن الامامية مريحة جدا في المناورة و الركنة , مثبت السرعة , التكييف التاتش , المالتي فنكشن , البلوتوث , حساسات النور و المطر والسمارت كي في الهاي لاين .
بيعجبني اوي ال HAC لما اكون واقف علي مطلع و نظام ال TRC لو واقف علي رملة و اجي ادوس بنزين العربية مش بتفوت في الارض و بتطلع بكل قوة بدون اي هدر في العزم .
حساسات الركن دقيقة جدا و بقيت اعتمد عليها بشكل غريب خصوصا الحساسات الامامية و العربية فيها 10 حساسات 6 امامي و جانبي و 4 خلفي بيغطو العربية كويس قوي و حاسس اني لو غيرت العربية بعد كدة و ملقيتش الاوبشن ده هبقي متكدر جدا .
18. القيمة مقابل سعر: (10/8)
و ده عشان حاسس ان العربيات كلها بقي سعرها مبالغ فيه جدا
19. العيوب من وجهة نظري :
مفيش لمبة في درج التابلوه
ضعف شدة اضاءة نور الفوج لايت
عدم غلق السنتر اوتوماتيكيا مع الحركة لازم اقفله بنفسي
20. اسعار قطع الغيار : (10/8)
حتي الان غالية بس اخر معلومة وصلت لي ان تويوتا ايجبت بتعمل اكبر مخزن لقطع الغيار في الشرق الاوسط و ده هيقلل من سعرها جامد و اخر اسعار وصلت لي :
فانوس امامي 3450 جنيه
فانوس خلفي خارجي 850 جنيه
اكصدام امامي 1200 جنيه
اكصدام خلفي 1800 جنيه
تيل فرامل امامي 680 جنيه
تيل فرامل خلفي 420 جنيه
21. مصاريف التشغيل : (10/9)
العربية مفيهاش صيانة كبيرة يعني مش بيتغيرلها سر كاتينة عشان هو جنزير مش كاوتش.
البوجيهات مش بتتغير قبل 100 الف كم و سعرها 400 جنيه بس
زيت الفتيس مش بيتغير قبل 100 الف كم
العيب الوحيد هو تيل الفرامل اللي عمره الافتراضي 20 الف كم حسب الاستخدام .
22. التوكيل : (10/8)
حتي الان مقبول ولكن عيبه الزحمة و صعوبة حجز ميعاد و عندهم ضغط جامد و ده موضوع مضايقني و بقيت اطب عليهم علي طول عشان مش بعرف اوصلهم بالتليفون و اشتكيت كذا مرة.
23. التقييم النهائي: (10/8)
في رأي العربية دي تستحق الاقتناء و عيوبها تعتبر مش كتير مقابل مميزاتها و انا محستش بندم لما اشتريتها بس حاسس ان سعرها المفروض يكون اقل من كدة حبيتين تلاتة .
اتمني اكون جمعت كل النقاط اللي في بالي و تحت امركم في اي سؤال .
psycholain سابقا
رقم العضوية : 94305
تاريخ التسجيل : 12Apr2011
المشاركات : 1,538
النوع : ذكر
الاقامة : tanta
السيارة: a4 اوكتفيا
السيارة[2]: 504
دراجة بخارية: مفعرفش اسوقها
الحالة :
تقرير ممتاااااااااااااااااااااا ااااااااز
amazing car
رقم العضوية : 151297
تاريخ التسجيل : 08Nov2013
المشاركات : 444
النوع : ذكر
الاقامة : ...
السيارة: octavia - A7 ambtion
السيارة[2]: ...
الحالة :
تقرير ممتاااااااااااااااااااااا اااااااااااااز جدا وربنا يباركلك فيها وعقبال لما تعملنا تقرير ال 100 الف
رقم العضوية : 150948
تاريخ التسجيل : 01Nov2013
المشاركات : 1,317
النوع : ذكر
الاقامة : الأسكندرية
السيارة: بيجو 301 MT
السيارة[2]: بيجو 206
الحالة :
ربنا يبارك لك فيها
الغريبة أن البيجو 301 فيها موضوع غلق السنتر بعد وصول السرعة ل10 كم\ساعة
بس طبعا مفيهاش حاجات كتيييييير فالكورولا
لي بعض الأستفسارات
فيها child lock في الأبواب الخلفية بحيث الأطفال بالمقصورة الخلفية ميقدروش يفتحوا الأبواب غير لو أنت فتحت السنتر؟؟
هل ممكن تلغي التحكم بالزجاج الخلفي من الخلف (عشان الأطفال برضه)؟؟
فيها وحدة رفع؟؟
فيها إنذار صوتي ضد السرقة؟؟
فيها إنذار في حالة نسيان المفتاح بالكونتاك؟؟
فيها إنذار صوتي في حالة نسيان فرامل اليد مرفوعة و التحرك بالسيارة؟؟؟
فيها إنذار صوتي بعد تخطي سرعة معينة؟؟و إن وجد هل قابل للضبط و لا محدد بسرعة مسبقاً؟؟
شكراً لمجهودك
رقم العضوية : 159290
تاريخ التسجيل : 24Apr2014
المشاركات : 1,938
النوع : ذكر
الاقامة : luxor
السيارة: لا يوجد
السيارة[2]: Octavia A5
الحالة :
كلام منظم و تحفه
ربنا يحفظهالك من العين
D R . A D N F A L C O N
رقم العضوية : 37309
تاريخ التسجيل : 05Apr2009
المشاركات : 4,099
النوع : ذكر
الاقامة : New Cairo
السيارة: Geely Emgrand7
السيارة[2]: Daewoo Nubira06 II SX
دراجة بخارية: no
الحالة :
ياباشا ماتحببناش فيها اكتر مانا حاببها .. تقرير ممتاز و اختلف مع حضرتك فقط فنقطه القيمه مقابل السعر عشان عربيه زى السيراتو مفيهاش الامكانيات ديه و بنفس السعر تقريبا .. ربنا يباركلك فيها
[img3]http://im77.gulfup.com/mVDw3c.png[/img3]
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
رقم العضوية : 20516
تاريخ التسجيل : 29Sep2008
المشاركات : 1,378
النوع : ذكر
الاقامة : مصر
السيارة: Terious GX Plus 2012
السيارة[2]: Kia Rio HB 2013
دراجة بخارية: no
الحالة :
ربنا يبارك لك فيها ويكفيك شرها يارب
العربية دى والله لو كانت فضلت بسعرها القديم ايام ما كانت ب 185 كنت نزلت جبتها
ومن كتر حبى فيها نزلت ركبتها فى سمير ريان من اسبوع و قالى الفئة التانية ب 196 الف ... فطبعا الاحلام راحت بعد ارتفاع السعر كده
[sor2]http://s24.postimg.org/48vqezkw5/1405119604784.jpg[/sor2]
Eng/Mohab Elnahas
Aviation Engineer
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
المفضلات