نصيحة شراء جيب موديل 1996 و اقل

**mostafa araby** · 05-08-2014 11:47 PM

يا جماعة فى قدامى عربيتين موديل نفس السنة واحدة 4 سلندر مانوال وواحدة 6 سلندر اتوماتيك و ال2 فيهم مشكلة فى التكييف و عايز اعرف من الى مجرب العربيتين استهلاك البنزييييييين لان كل الناس مخوفانى من الموضوع ده و اعرف سعر الموتور كامل كام لو لقدر الله حصله حاجة و حبيت اغيره استيراد
و التاكيف لقيت ناس مركبة كباس تويوتا و ده يتكلف قد ايه ؟
و اسف على الاطاله

**ahmed_eng2001** · 06-08-2014 10:57 PM

متابع ....... :)

**megodahab** · 07-08-2014 07:18 PM

والله مهقدرش افتيك في الاسعار بس السته سلندر افضلك من ناحية توافر قطع الغيار ورخصها وكمان عزم العربيه بيكون افضل كتير وعندك نقطه مهمه انك بتقول السته سلندر اتوماتيك يبقي ايه اللي يخليك تروح للمانيوال اما بالنسبه للكمبرسر انا مركب واحد كامري قديم مويل ٩٨ وبيركب تمام التمام ومفيش اي مشكله

**kantofanto** · 08-08-2014 04:32 PM

متابع

**mostafa araby** · 13-08-2014 08:45 PM

المشاركة الأصلية كتبت بواسطة megodahab

والله مهقدرش افتيك في الاسعار بس السته سلندر افضلك من ناحية توافر قطع الغيار ورخصها وكمان عزم العربيه بيكون افضل كتير وعندك نقطه مهمه انك بتقول السته سلندر اتوماتيك يبقي ايه اللي يخليك تروح للمانيوال اما بالنسبه للكمبرسر انا مركب واحد كامري قديم مويل ٩٨ وبيركب تمام التمام ومفيش اي مشكله

الحمد لله اشتريت موديل 96 و حالتها كويسة بس التاكييف هو المشكلة
ممكن حضرتك تقولى ركبته فين و اتكلف كام على شان اركبه
و شكراا جدا على الرد

**ehab elmeniawy** · 13-08-2014 10:02 PM

هو ممكن تؤلي عيب التكيف اية اقولك حل للتكيف

**mostafa araby** · 14-08-2014 09:52 PM

المشاركة الأصلية كتبت بواسطة ehab elmeniawy

هو ممكن تؤلي عيب التكيف اية اقولك حل للتكيف

الى اشتريت منه العربية قالى انه بايظ بس ماقالش العيب ايه و انا كدة كدة بسمع عن مشاكل التكييف فى الجيب عموما فا قولت اغير الكباس

**Moataz Slaeh** · 14-08-2014 09:56 PM

روح لواحد اسمه الكابتن في الحرفين فاهمين كل حاجه عن التكييف وعندهم كل قطع الغيار وبلاش واوعي تروح لبتوع جسر السويس

**ehab elmeniawy** · 14-08-2014 10:21 PM

ياباشا ممكن تجبلي العربية وانا هعملهالك

**megodahab** · 16-08-2014 12:32 AM

ياباشا كمبرسر التويوتا سواء كامري او كورسيدا رخيص مش غالي بس بنفس الوقت كمبرسر الشيروكي ممتاز انا جربت الاتنيين والشيروكي عندي افضل بس لما عطل الكمبرسر عندي ملقتش ولا واحد بسوق المستعمل وكنت قريت علي موقع سعودي انه كمبرسر التويوتا بيركب عادي فرحت للكهربائي وخليته يركبه وحتي الان تمام التمام من ناحية المكيف امورك طيبه انت روح للمهندس ايهاب وخليه يشيك علي الكمبرسر يمكن شغال ويمكن فيه ليك بسيط ومبروك عليك العربيه