محتاج قطع غيار ضرورى ل بيجو 301 هاى لاين

**Mohamed.gaber** · 06-08-2014 10:04 AM

عملت حادثة بالعربية و صلحتها بره بس واقفة على رفرف يمين ورا و فانوس يمين ورا و ظهر شنطة (القايم اللى فيه القفل) و مش لاقيهم فى التوكيل يا ريت حد يدلنى اعمل ايه العربية طولت قوى و بدأت اقفل منهاز

**HOSSAM99** · 06-08-2014 10:22 AM

حضرتك أطلبهم من التوكيل حتي لو هاتدفع لهم عربون ... و ازاي الفانوس مش موجود.. العربيه تجار الإستيراد مش عارفين يجبوها منين لأنها مبتنزلش فرنسا و لا إنجلترا ... لكن كان فيه كام واحد بيحاولو ينزلوها في الحرفيين ممكن تسألهم .. علي العموم أنزل أسأل في الحرفيين (أسأل أبو رامي هاينصحك .. و يقولك تعمل أيه)

**Mohamed.gaber** · 06-08-2014 10:30 AM

شكرا يا باشا على الأهتمام بس فعلا التوكيل قرفنى على الحاجات دى بقاله شهر تقريبا. يمكن علشان ما صلحتش عنده بس انا هسال فى الحرفيين وربنا يسهل.

**HOSSAM99** · 06-08-2014 10:55 AM

كان الله في العون .. خليك ورا التوكيل ماتسبوش إلا اما يوفر الحاجه و ما تكلمش بتوع قطع الغيار لأ أطلع علي اللي ماسك الفرع (يا ريت غمرة) و بالسياسه أطلب منه يوفر الحاجه ... علي فكرة ممكن يكون عندهم بس مش عايزين يطلعو القطع دي بره

و وصف حضرتك للخبطه أنا أمبارح بالليل لسه شايف 301 في الزمالك نفس خبطة حضرتك من الوصف إلا إن الرفرف عنده سليم تقريبا ... فالتوكيل لازم يكون ملزم بتوفير قطع الغيار للناس دي
معلش قدر الله و ما شاء فعل ..
بالتوفيق