عندى مشكلة ﻷﻷ دى مشاكل هتجننى

**vet back lada** · 06-08-2014 02:35 PM

دلوقتى يا جماعة العربية لادا 2104 مو 94 ب
فولها 40 لتر مبيكملوش 250 كم
اناا مركب فلتر بنزين من سنة و مغيرتوش
مركب كاربيراتير زيرو من حمدى لادا بقالوا سنة
المشكلة دى من ساعة مبدأت اركب السيارة من سنة بردو
كنت فى مرة عايز ارصص العجل بتاع ظبط الزوايا قالى مش هينفع عشان الكاوتش عندك كلة بايظ و فى 2 جنط بايظين وو دا بيخلى العربية تهز جامد بعد ال 80
وأنا بنقل الغيارات من الاعلى للاقل يعنى من التالت للتانى أو لما بطلع بالعربية بعد وقوف تام بالفرملة بحس برجرجة جامدة الميكانيكى قالى المكنة خفيفة و راح كشف على البوجيهات و طلعلى بوجية مهبب و مسود و بيقولى دا بسبب المكنة خفيفة و الزيت دخل على البوجيهات و راح مغيرلى البوجية دا فالعربية ظبطت القصة دى ممكن لعملها كل اسبوع مرة و كل مرة يقولى عشان للمكنة خفيفة
الحاجة التالتة الزيت ال 3000 كم مبيكملش 1000 كيلو حطيت توتال و شيل مرة زودتة بتوتال برضة قعد 1000 كم و اللمبة نورت قولت مبدهاش المرة التانية غيرتة خالص و غيرت فلتر زيت و حطيت شيل احمر 3000 مقعدش وبرضو 1000 ككم بس روحت للميكانيكى قالى منا قولتلك المكنة خفيفة اخر مزهقت حطيت زيت تعاون و بقالوا 500 كم و مش عارف اية اللى هيحصل بعد كدا انا سمعت ان زيت التعاون دا 1000 كم بس بس المشكلة دى غالبا ظهرت بعد ما كلت حفرة جميلة و الكارتيرة بتاعت الزيت اتخرمت و روحت لحمتها لان قبلها كنت حاطط زيت فوكس المانى و قعد معايا كتيير اوى و معيرتوش غير بعد ييجى 5000 كم انى ساعتها الميكانيكى قالى حرام عليك لازم تحط زيت ساعتها زودت بزيت توتال و مفيش يومين و رحت لابس المطب و الزيت كلة وقع على الأرض و مكنتش كملت بية 200 كم بعدها بقا كل لما احط زيت ميكملش ألف كيلو زى مقولت لحضراتكوا
المهم الميكانيكى بيقولى موضوع البنزين و الزيت و الرجرجة بتاعت العربية كل دول بسبب ان المكنة خفيفة انا مش مقتنع اوى و مستنى رأيكم يا أهل الخبرة عشان انا اتخرب بيتى و الميزانية اتضربت و كمان معيش فلوس أعمل عمرة للماتور
اسف للاطالة و شكرا مقدما للاهتمام

**ايمن فهمى** · 06-08-2014 04:08 PM

يا استاذى الفاضل
كل اللى انت قولته انت جاوبت عليه
وفعلا الميكانيكى عندة مليون حق ( المكنه خفيفه ) وهى سبب كل المشاكل دى
وعيز اقولك نصيحتين من اخوك الصغير
1- اوعى تزود زيت بنوع غير النوع الى انت حطه فى الماتور ابدا ابدا
2- لو النهاردة ممعكش فلوس تعمل العمرة اركن العربية لان بكرة برضو مش هيبقا معاك فلوس تجيب ماتور للعربيه ( كلنا بنعمل كده ) وربنا يفرجها

**vet back lada** · 06-08-2014 05:29 PM

الحمد للة المرة الوحيدة اللى زودت فيها كان بنفس النوع طب مفيش اى حل مؤقت

**ايمن فهمى** · 06-08-2014 06:06 PM

للاسف مفيش

**Abo_Mazen** · 06-08-2014 06:35 PM

بص يا باشا ..حضرتك هتعمل اللي هقولك عليه ده بالحرف الواحد وبحذافيره ..ومتنقصش حاجه ولا تزود حاجه من عندك

حضرتك هتروح تجيب فلتر زيت ..وبعدين تجيب زيت إسمه ..تعاون سوبريكس 10000..أيوه عشر تلاف ..يعني مش تعاون الأزرق ولا الأحمر ..لأ... تعاون سوبريكس عشر تلاف جركن برتقالي ..وبعدين هتجيب علبة زيت شنبر ماركة إبرو ..وخلي بالك برضه ..زيت شنبر مش زيت ريسورس ..عشان حضرتك هتلاقي ناس بتتكلم على زيت مرمم أو ريسورس ..أنا بتكلم عن زيت شنببر ويكون إبرو وتمنه تقريبا بأربعتاشر أو خمستاشر جنيه ..لإن أنا كنت بجيبه في 2011 بإتناشر جنيه ..أكيد غلي طبعا دلوقتي ..فيه ماركات تانيه أنا مجرتهاش أنا بتكلمك عن تجربتي

حضرتك هتروح للميكانيكي ..أو بتاع الزيوت ..وتنزل الزيت القديم كله ..وتفك الفلتر وتركب الفلتر الجديد وتحط الأربعة كيلوا زيت الجديد وتحط عليه علبة زيت الشنبر كامله ..تحط العبوه كامله ..يعني مش نصها ولا تحط زيت التعاون ناقص بقدر الكمية اللي علبة زيت الشنبر ..لالالالا..تحط الأربعة كيلوا زيت وتحط علبة الشنبر كامله ..لإن عبوة زيت الشنبر على بعضها تقريبا ربع كيلو أو 200 جرام فمش هتبان أصلا على المقاس إنها زياده ....

نيجي بقى لمرحلة رصد الملاحظات ..

لو حضرتك لاحظت أي تغيير للأفضل ..أنا بقول أي تغيير مش لازم تغيير كامل أو إن المشكلة تتحل ..أي تغيير للأفضل حتى ولو بسيط ..يبقى المشكلة فعلا إن المكنة خفيفة وبتاكل زيت ..وفي الحاله دي يبقى حضرتك عرفت اللي فيها ..ويبقى قدامك خيارين ..إما إنك تعمر المكنة دي وقتي ..أو إنك تمشي بيها كده ..زيت شنبر على زيت التعاون لغاية ما المكنة تستوي خاااااااااااااالص ..وفي الحاله دي ..يبقى المكنه هتتفتح هتتفتح ..وإنت ورزقك بقى ..تتعمر أو تغير أجزاء كامله ..ما هي فاتوحه بالمره بقى

أما لو ملقتش أي تغيير يبقى المشكلة عند حضرتك في حاجه تانيه وموضوع المكنه الخفيفة دي مش هو اللي عامل المشكلة بالضخامه دي

إختبار كبس ممكن تعمله في أي بنزينه ..إختبار كبس محرك ..يقولك كفاءة المحرك بتاعك كام في المائة ..عشان تاخد القرار المناسب وتعرف بقى المكنه خفيفه ولا لأ ..بس جرب موضوع الزيت ده وقولي ..أهو برضه مش هيخسرك حاجه

جرب وقولي

**ايمن فهمى** · 07-08-2014 02:37 PM

مع كل الاحترام والتقدير لرأى العضو المحترم m_m_sh_a
بس انا بشبه الكلام دة بالمسكنات فى حالة مرض الانسان
فالمسكنات لا تعالج المرض وانما لاتشعرك بالام فقط
وفى نفس الوقت بترسب على الكليتين فاصبحت فى مشكلة اكبر

**Abo_Mazen** · 07-08-2014 04:36 PM

المشاركة الأصلية كتبت بواسطة ايمن فهمى

مع كل الاحترام والتقدير لرأى العضو المحترم m_m_sh_a
بس انا بشبه الكلام دة بالمسكنات فى حالة مرض الانسان
فالمسكنات لا تعالج المرض وانما لاتشعرك بالام فقط
وفى نفس الوقت بترسب على الكليتين فاصبحت فى مشكلة اكبر

كلام حضرتك صح ..أنا كلامي مش أشبه بالمسكنات ...لأ..بل دي مسكنات فعلا ..والدليل على كده إني قلت في وسط كلامي .. لغاية ما المكنة تستوي خاااااااااااااالص ..معني كلامي إن المكنه لو فيها 30 في المائه فاضلين هو هيجيب أجل ال 30 في المائة دول ..بس برضه أنا شايف إن ده حل أحسن من ركنة العربية ..وخصوصا إني قلت في كلامي برضه ..إن المكنه دي هتتفتح يعني هتتفتح ..سواء دلوقتي أو بعد المسكنات هتتفتح ...وتمامها معاه إما عمره كامله ..أو تغيير أجزاء كامله في المحرك ..

**vet back lada** · 07-08-2014 07:48 PM

هو تكلفة العمرة حاجة و تغيير اجزاء دى حاجة و لو عداد الار بى ام انا معلية سنة بيأثر فى سحب البنزين و لية المكنة لما تكون خفيفة البنزين بيقعد كتير مع ان الكاريكاتير زيرو

**ايمن فهمى** · 07-08-2014 10:43 PM

طبعا فى اختلاف فى السعر ما بين نصف العمرة والعمرة الكاملة دى شغل فى الماتور فوق بس والتانية فوق وتحت والمصنعيه كمان الدبل والبنزين بيقعد كتير فى المكنه الخفيفه لعدم احكام البساتم مما يجعل حركتها خفيفه
وعادى تلاقى عربيه مكنتها خفيفه وماشية على سرعه 150 - 160

**Zing0** · 08-08-2014 09:59 PM

المشاركة الأصلية كتبت بواسطة vet back lada

دلوقتى يا جماعة العربية لادا 2104 مو 94 ب
فولها 40 لتر مبيكملوش 250 كم
اناا مركب فلتر بنزين من سنة و مغيرتوش
مركب كاربيراتير زيرو من حمدى لادا بقالوا سنة
المشكلة دى من ساعة مبدأت اركب السيارة من سنة بردو
كنت فى مرة عايز ارصص العجل بتاع ظبط الزوايا قالى مش هينفع عشان الكاوتش عندك كلة بايظ و فى 2 جنط بايظين وو دا بيخلى العربية تهز جامد بعد ال 80
وأنا بنقل الغيارات من الاعلى للاقل يعنى من التالت للتانى أو لما بطلع بالعربية بعد وقوف تام بالفرملة بحس برجرجة جامدة الميكانيكى قالى المكنة خفيفة و راح كشف على البوجيهات و طلعلى بوجية مهبب و مسود و بيقولى دا بسبب المكنة خفيفة و الزيت دخل على البوجيهات و راح مغيرلى البوجية دا فالعربية ظبطت القصة دى ممكن لعملها كل اسبوع مرة و كل مرة يقولى عشان للمكنة خفيفة
الحاجة التالتة الزيت ال 3000 كم مبيكملش 1000 كيلو حطيت توتال و شيل مرة زودتة بتوتال برضة قعد 1000 كم و اللمبة نورت قولت مبدهاش المرة التانية غيرتة خالص و غيرت فلتر زيت و حطيت شيل احمر 3000 مقعدش وبرضو 1000 ككم بس روحت للميكانيكى قالى منا قولتلك المكنة خفيفة اخر مزهقت حطيت زيت تعاون و بقالوا 500 كم و مش عارف اية اللى هيحصل بعد كدا انا سمعت ان زيت التعاون دا 1000 كم بس بس المشكلة دى غالبا ظهرت بعد ما كلت حفرة جميلة و الكارتيرة بتاعت الزيت اتخرمت و روحت لحمتها لان قبلها كنت حاطط زيت فوكس المانى و قعد معايا كتيير اوى و معيرتوش غير بعد ييجى 5000 كم انى ساعتها الميكانيكى قالى حرام عليك لازم تحط زيت ساعتها زودت بزيت توتال و مفيش يومين و رحت لابس المطب و الزيت كلة وقع على الأرض و مكنتش كملت بية 200 كم بعدها بقا كل لما احط زيت ميكملش ألف كيلو زى مقولت لحضراتكوا
المهم الميكانيكى بيقولى موضوع البنزين و الزيت و الرجرجة بتاعت العربية كل دول بسبب ان المكنة خفيفة انا مش مقتنع اوى و مستنى رأيكم يا أهل الخبرة عشان انا اتخرب بيتى و الميزانية اتضربت و كمان معيش فلوس أعمل عمرة للماتور
اسف للاطالة و شكرا مقدما للاهتمام

عاوز نصيحنى
حضرتك تطلع عالوراق - امبابة
تروح لمحمد طلبه, قوله على كل إللى عندك
موضوع الرجه بعد ال80 هيقولك تعمل إيه بالضبط و ايه اللى محتاجاه
و هيقولك المكنه بتاكل زيت ليه, هل الزيت بيتسرب و لا جوان ضارب و لا فعلاً خفيفة و يضبطلك الكربراتير صح علشان بتقول بتاكل بنزين
و خليه يضبطلك رجلاش الدبرياج ....

هو هيطلع معاك لفه و يقولك محتاجه ايه,و اسعارها ايه و نحب تعمل او متعملش دى براحتك بس الراجل عنده أمانه و هيقولك الصح ايه, لو فيه حاجه بتتعالج بيعالجها و لو هتتغير بيغرهالك على ضمانته, و عنده مكنة لحام لو كارتيرة الزيت محتاجه لحام.....

محمد طلبة (كان هو و الده فى توكيل لادا) منخصص لادا فقط (ميكانيكا - كهربا - عفشة)
الدائرى - نزلة الوراق - شركة الغاز
شركة الغاز و انت رايح ع الدائري هايبقى على يمينك و لو انت جاى من الدائري هاتلف من عند الغاز و ترجع تانى و تخش تالت شارع شمال
او كلمه بالتليفون و انت عند الغاز احسن
01111966816
محمد طلبة :- 11966816 - 011

أعانك الله