هما مبدئيا ما عملوش الاويل سيلات صح و فيه شوية اهمال في تركيب الفيشة و الشغل ده
لكن انا ما فهمتش حكاية السعر , هي عربية حضرتك موديل كام ؟؟؟
رقم العضوية : 146737
تاريخ التسجيل : 30Jul2013
المشاركات : 149
النوع : ذكر
الاقامة : Egypt
السيارة: megan2
السيارة[2]: Sahen
الحالة :
بسم الله الرحمن الرحيمالموضوع دا من شهر 2014/05 العربيه كانت جايبا سلونايد فالف فتيس توكلت على الله ورحت على فرنش موتورز الشروق وقلت للبشمهندس الى استلم منى العربيه عاوز اغير سلونايد فالف قالى هنكشف كمبيوتر و نقول لحضرتك ايه المشكله وكشف كمبيوتر وفعلا طلع السلونايد بايظ وقالى تغيير السلونايد بياخد 5 ساعات و طلب منى استناه ف الويتانج ايريا بعد م طلعت بربع ساعه جالى البشمهندس تانى وقالى منفضلك تعالى معايا عاوز اوريك حاجه ف العربيه طبعا روحت معاة وقلبى بيدق خايف المهم كان رافع العربيه ومشعلقها ف الهوا و قالى بص العربيه مرشحه زيت من الفتيس و المكنه قلتلوا طب و الحل قالى لازم نغير اويسيلات قبل م نغير السلونايد علشان كدة السلونايد كل م هنغيروا هيبوظ تانى علشان الزيت هيرشح من الفتيس طبعا كدا العمليه باظت منى ومبقتش عارف اعمل ايه هو شافنى كدا راح بمنتهى الزوق قالى حضرت استريح فوق و هعمل لحضرتك مقايسه بكل الى مطلوب يتعمل و بالمصنعيات قلتله ماشى وكانت كالاتى
اويسلات مكنه عدد 2 اويسيل تقريبا ب 450 جنيه
اويسيل فتيس تقريبا ب 230 جنيه
سلونايد فتيس 495 جنيه
مصنعيات 1200 جنيه
الاجمالى تقريبا كان 2400 جنيه
طبعا انا مكنتش عارف المها من فين ولا من فين
فتناقشت معاة ف المصنعيات لانى شغال ف شركه تأمين ف عارف دخلتهم و عرفت أأثر عليه و خليته يعملى خصم على المصنعيات 10% و على قطع الغيار 5% دا غير انى قللت المصنعيات ل 900 جنيه شامله كل حاجه
و اتفقنا و قالى هسلمك العربيه بعد 4 ايام قلتله امين
وكان كل يوم يتصل بيا و يطمنى عمل ايه و ظبط ايه وكان عندى شويه رفايع عملهالى بدون مقابل
المهم استلمت العربيه وكل حاجه تمام ولاقيته منزلى ف الفتورة 100 جنيه تانى من غير م قله حاجه من المصناعيات وشكرته طبعا واخدت العربيه ومشيت
كل حاجه كانت تمام لغايه قبل العيد بكام يوم بدأت احس ان العربيه بتنتشفى نقل الغيارات فعرفت على طول ان الفتيس بينقط زيت و بصيت تحت العربيه و فعلا لاقيت فى تسريب زيت
كلمت البشمهندس قالى بعد العيد هتهالى و اكشفلك عليها
رحت يوم السبت الى فات سلمتهم العربيه وورونى العربيه من تحت طلعت فعلا بترشح زيت فتيح وكان ممكن السلونايد يضرب بس الحمد الله لحقته وقالى العربيه هتخلص يوم الخميسقلتله ماشى
النهردة وانا ف الشغل اتصل بيا و قالى العربيه جاهزة من امبارح بس كانت تحت التجربه علشان الموضوع ميتكررش
روحت استلم العربيه العربيه تمام طلعت و مشيت لغايه اول الشارع وهوب شيك اي بى اس و شيك جير بوكس رجعت وانا مدايق وقلتله قالى متقلقش ورف العربيه على الكوريك وورانى فيشه اي بى اس مفصوله وقالى هى دى المشكله ركبها وربطها كويس وكلوا بقى تمام
وانا بستلم العربيه النهردة دار بينى وبينه حوار وهو
انا : ايه رأيك يا بشمهندس ف العربيه
البشمهندس : جميله جدا ماشاء الله اول مرة من زمان اركب عربيه ميجان عفيه و سحبها كويس جدا ومكنتها ملهاش صوت خالص
انا : يعنى عجبتك العربيه , علشان متقلش انى محرمتكش من حاجه :]
البشمهندس : بيضحط وقالى شكرا يا استاذ محمد
انا : تديها كام العربيه ؟
البشمهندس : (صدمه مدويه ) 65000 جنيه
انا : وشى احمر و جاب الوان قلتله ليه كدا هيا فيها حاجه تعبها ولا ايه ؟
البشمهندس : لا خالص دا السعر دا علشان العربيه نضيفه وممتازة
انا : طب لو موديل 2006 كانت تعمل كام ؟
البشمهندس : 45000 جنيه دا لو زى بتاعت حضرتك نضيفه و مفهاش حاجه
انا : حرام عليك يا بشمهندش انتا خسفت بالعربيه الارض كدا ليه ؟
مردش عليا و بصراحه انا اتكدرت منه و مرضتش اكمل كلامى معاة ومشيت
ودى كانت حكايتى مع فرنش موتورز الشروق
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
هما مبدئيا ما عملوش الاويل سيلات صح و فيه شوية اهمال في تركيب الفيشة و الشغل ده
لكن انا ما فهمتش حكاية السعر , هي عربية حضرتك موديل كام ؟؟؟
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 59979
تاريخ التسجيل : 25Jan2010
المشاركات : 487
النوع : ذكر
الاقامة : المنصوره
السيارة: ميجان
السيارة[2]: تيريوس
دراجة بخارية: مفيش
الحالة :
2008 على ما افتكر
استغفر الله العظيم واتوب اليه
رقم العضوية : 156880
تاريخ التسجيل : 04Mar2014
المشاركات : 840
النوع : ذكر
الاقامة : مصر
السيارة: لا يوجد
السيارة[2]: ميجان 2006
الحالة :
الناس دى معندهاش زمه ولا ضمير زى كنت عند قدوره بعمل شغل سمكره بيقولى عاوز تبيع عربيتك قولتله تجبلها كام قالي 50 الف ميجان 2006 قلتله دا انا شاريها من 4 شهور بـ 65000 قالى مهي بتعمل من 50 - 60 الف حسب الحاله بصراحه سد نفسي
"الله ينصر الدولة العادلة وإن كانت كافرة، ولا ينصر الدولة الظالمة وإن كانت مؤمنة"
رقم العضوية : 59979
تاريخ التسجيل : 25Jan2010
المشاركات : 487
النوع : ذكر
الاقامة : المنصوره
السيارة: ميجان
السيارة[2]: تيريوس
دراجة بخارية: مفيش
الحالة :
عادي يا باشا ماهو تاجر ... ياخدها على منك لو شديت عليه على 55 ويبيعها ب 63 او 65 ... بيصطاد ف الميه العكره!
استغفر الله العظيم واتوب اليه
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
عادي ما هو ده شغل التجار , يموت العربية عشان يشتريها و بعدين يهول فيها و مكسبه في النص ما بين التمويت و التهويل
اللي عايز يعرف قيمة عربيته يتصل بالتوكيل و لو عندهم يشوف بيبيعوا العربيات بكام
رقم العضوية : 156880
تاريخ التسجيل : 04Mar2014
المشاركات : 840
النوع : ذكر
الاقامة : مصر
السيارة: لا يوجد
السيارة[2]: ميجان 2006
الحالة :
دا اليهود ما يعملوش كدا شغل نصب - ما يدوا كل حاجه حقها والى عاوز يكسب ما يكسب بما يرضي الله مش بالغش يعنى يقولى والله عربيتك ممكن اجبلك فيها كذا وهاخد منك عموله كذا
"الله ينصر الدولة العادلة وإن كانت كافرة، ولا ينصر الدولة الظالمة وإن كانت مؤمنة"
رقم العضوية : 29487
تاريخ التسجيل : 08Jan2009
المشاركات : 62
النوع : ذكر
الاقامة : Tanta
السيارة: ان شاء الله
السيارة[2]: Megane
دراجة بخارية: لا يوجد
الحالة :
أنا برضه اتعاملت معاهم وهما فعلاً ناس كويسين بس حاسس ان أسعارهم أغلى من مراكز تانية زى العدوى اللى ف طنطا والمنصورة
بس حتة سعر العربية دى حاجة صعبة أوى على كدة لو 2005 هيقول 30 أو 40على أقصى تقدير ,
فى البلد دى مبقاش فى حاجة ولا حد تقدر تثق فيهم بنسبة كبيرة
ربنا يتوب علينا يا رب
رقم العضوية : 146737
تاريخ التسجيل : 30Jul2013
المشاركات : 149
النوع : ذكر
الاقامة : Egypt
السيارة: megan2
السيارة[2]: Sahen
الحالة :
عربيتى موديل 2008 كامله ماعدا فتحه السقف و بعدين انا نفضتله وسبته ومشيت زى م قلت فوق
بس همه محترمين ف موضوع تغيير الاويلسيل اول م عرفوا ان العيب منه قالى هو ف الضمان وعلينا تصليحه مجانا
و كمان كشفلى على التكييف علشان كان فصل مرة وحده من غير سبب وكبسهولى ساعه كامله وعرف ان الابرةبتاعت الشحن كانت بايظه والتسريب كان منها وغيرهالى ب 150 جنيه وعليها ضمان سنه و
الغريب ف التوكيل دا ان عندهم قطع غيار استيراد
يعنى قالى عندهم ساعه الزيت و ماكينه الاستوب وكام حاجه كدا استيراد مش فاكرهم كلهم بس لما افتكر هقلهالكم و عليها ضمان سنه كأنها جديدة
والغريب اكتر انى سألت على الكويلات ف التوكيل بتاع العبور لاقيتها تقريبا ب 500 جنيه لقتها عندهم ب 319 و عليها الضمان بردو وكمان مش كل قطع الغيار الى عندهم اصليه يعنى سألتهم على جوز طنابير و علبه الدريكسون قالى فى الاصلى و فى الاوروبى و الاتنين عليهم نفس الضمان
من الاخر هما كويسين وفى شفافيه عندهم و حلو موضوع التنوع فى قطع الغيار
بس هما ضايعين فى تسعير العربيات و منصحش حد يسعر عندهم عربيه اكشف صلح وأجرى :]
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
جديدة عليا حتة ان عندهم قطع مش اصلية و قطع استيراد دي
اما عن السعر اللي قاله فده بيستهبل
المفضلات