الموضوع: حلول غير تقليدية لتوليد الكهرباء منزليا-برجاء المشاركة

المشاركة الأصلية كتبت بواسطة land_cruiser

انا شايف ان الحكومه ممكن تعمل فكره كويسه قوي و هي بنك للكهرباء و هي موجوده في اوروبا. بنك الكهربا ده بيبقي زي اسمه عباره عن بنك الناس بتحط فيه الكهربا اللي هي بتولدها من الطاقه الشمسيه و يتخصم منها استهلاكها الشخصي و الباقي تاخده فلوس و علشان اي واحد يبقي مشترك فيه كل اللي عليه انه هيوفر المكان اللي هتتحط عليه الالواح الشمسيه و يشتري البطاريات و طبعا ثمن الكلام ده كان هيدفعه الاول في صوره فواتير كهربا لكن بالشكل الجديد هيبقي بيشتري به أصول ثابته و لو كان عنده مساحه كبيره هيقدر يولد كهربا اكتر و دخله يزيد و ممكن ناس تعملها نشاط تجاري او استثمار حتي انها تولد كهربا من الطاقه الشمسيه و تبيعها. طيب في مشكله ان الطاقه الشمسيه غاليه تتحل ازاي؟ الحل بسيط و هو تمويل من البنوك بضمان المعدات زيه زي اي مشروع تجاري. بالنسبه بقي للمزايا فهي كتير منها تقليل الاعتماد علي البنزين و السولار الملوثين للبيئة و اللي فيهم نقص أصلا - خلق فرص عمل جديده للمهندسين و الفنيين - تحسين دخل المشتركين عن طريق الفلوس اللي هتجيلهم من بيع الكهربا. الموضوع كمان حافز لترشيد الاستخدام بطريقه غير مباشره علشان الناس تقدر تبيع كميه اكبر - التقليل من الأمراض المرتبطه بالتنفس نتيجه العادم - نتيجه انتشار مولدات الطاقه الشمسيه أكيد سعرها هينزل و ممكن يتم تجميعها في مصر حتي

فعلا كلامك صح.. لكن أنا حاولت كتير مع هيئات ومؤسسات ولقيت عدم قبول لأفكار سواء إبتكار أو دعم لحلول طاقة بديلة.
أعتقد يا صديقي إننا في مصر لازم نعتمد علي نفسنا من الألف إلي الياء. :)

جميل جدا

ممكن حضرتك تحكيلنا تجربتك الكاملة مع الهيدروجين من الاول للاخر حتى لو في موضوع منفصل ، انا مهتم بالهيدروجين بس معنديش اي تجارب عملية وخطورته بتخلينى ابعد عنه مع انه لو تم استغلاله صح وبأمان هيبقى افضل وارخص وانظف وسيلة لتوليد الطاقة !

المشاركة الأصلية كتبت بواسطة mmolazem

تمام . .
بس مش تنسى ان المكونات دى تحتاج معها انفرتر و مستلزمات أخرى . .
و فوق ذلك ستكون كمية الطاقه المنتجه ضئيله نسبياً

المشاركة الأصلية كتبت بواسطة mmolazem

اعتقد الدينامو ليس به دائرة شحن و انما مجموعة ( طقم ) سليكونات لإخراج التيار dc فقط .

يا باشا الإنفيرتر دا كلام فاضي ممكن حسبة 500 جنيه ودا طبعا أساسي هو ودائرة الشحن. وممكن أي كهربائي يعملها أو أي مهندس كهرباء. وممكن تجيب التصميم بتاعها من علي الإنترنت وتعملها بنفسك علي دائرة بدائية.

الطاقة المنتجة من توربين هواء سواء ماركة جاهزة أي مصمم يدوي كافية جدا لشحن بطارية 100 أمبير في أقل من ساعة.

لأن ببساطة لو أدار دينامو بسرعة من 400 ألي 800 لفة في الدقيقة حيبقى زي دورة الشحن بالسيارة إلي هي بتشحن بطارية تصل إلي 100 أمبير في أقل من ساعة.

....
الموضوع عايز أجتهاد وعايز مصاريف أنا معاك بس وعايز النظر من أكثر من زاوية. سواء طاقة هواء أو غير ذلك.
بس أحتمال الفشل غير وارد إن شاء الله

المشاركة الأصلية كتبت بواسطة rotanamasoud

انا عملت دراسات لتجميع الخلايا الشمسيه وحتوفر كتير جدا لاكن المشكله الحقيقيه حتكون فى تكلفه البطاريات وتكلفه تغييير البطاريات وكانت الفكره المبدئيه تشغيل الاجهزه اون لاين يعنى مع وجود الشمس فقط وبالتدريج ادخال البطاريات فى المشروع لاكنى تراجعت بسبب تكلفه البطاريات 1600 جنيه لكل 100 امبير
ولو عايز نتناقش بتعمق انا معاك

أنا حسبت بدقة إحتياجي من الخلايا والبطاريات الشمسية لتشغيل الحد الأدنى من أجهزة ولمبات المنزل.
وأحب أصدم حضرتك بإني سوف لأحتاج إلي 20 لوح شمسي بقوة 250 وات.
و أكثر من 4 بطاريات 100 أمبير
وطبعا 2 إنفيرتر بقوة 2000 وات
و2 دائرة شحن
والتكلفة الإجمالية تصل إلي أكثر من 80000 جنيه
فطبعا تراجعت عن الفكرة لأني لا أملك التكلفة أو حتى المكان الذي أستطيع فيه نشر 20 لوح شمسي.

الأفضل من وجهة نظري طاقة الرياح والأبسط.
لأني في بحث لإستخدام الضغط المنخفط لغلي المياه لكن الموضوع لسه لم يكتمل في رأسي ومكلف ومعقد.

الطاقة المنتجة من توربين هواء سواء ماركة جاهزة أي مصمم يدوي كافية جدا لشحن بطارية 100 أمبير في أقل من ساعة.

لأن ببساطة لو أدار دينامو بسرعة من 400 ألي 800 لفة في الدقيقة حيبقى زي دورة الشحن بالسيارة إلي هي بتشحن بطارية تصل إلي 100 أمبير في أقل من ساعة.

طيب وهى 400 لفة في الدقيقة رقم قليل لتوربين بيتحرك بالهوا وعليه حمل ؟

المشاركة الأصلية كتبت بواسطة amrelsaqqa

جميل جدا

ممكن حضرتك تحكيلنا تجربتك الكاملة مع الهيدروجين من الاول للاخر حتى لو في موضوع منفصل ، انا مهتم بالهيدروجين بس معنديش اي تجارب عملية وخطورته بتخلينى ابعد عنه مع انه لو تم استغلاله صح وبأمان هيبقى افضل وارخص وانظف وسيلة لتوليد الطاقة !

بإختصار تجربتي مع الهيدروجين كانت إستخراج الهيدوجين من الماء بوسيلتين:
- التحليل الكهربائي: بإستخدام بطارية وقطبين حديد وإضافة بعض العوائق في الماء.
- التفاعل الكيميائي عن طريق تفاعل الألومينيوم مع حمض الهيدوليك (الصودا الكاوية) في الماء.

الكمية الخارجة من التفاعل لحظيا كافية جدا لإدارة محرك إحتراق داخلي صغير (موتور موتوسيكل)
المشكلة في حاجتين:

أولا: تبريد محيط التفاعل لأنه يسخن لدرجات حرارة عالية وقد تؤدي لحوادث فلابد من وضع محيط التفاعل في مياه باردة نسبيا للتخلص من الحرارة.

ثانيا: لو حيدخل الهيدروجين مباشرتا إلي المحرك لابد من وضع صمام لدخول الهيدوجين ويمنع رجوعه ثانيتا. ودا ألي أنا معملتوش وأنفجر الجهاز. (باك فاير)

الي عايز أعمله في المستقبل إني أشتري أسطوانات هيدوجين سائل جاهزة بحوالي 800 جنيه الإسطوانة. وتكون كافية جدا لتشغيل محرك لمدة تزيد عن الشهر.
لأن لتر الهيدوجين السائل يوازي حوالي 1000 لتر غاز.

لكن أيضا معدل الخطورة واردة جداااا فأنصحك بالحلول الأكثر أمانا

المشاركة الأصلية كتبت بواسطة amrelsaqqa

طيب وهى 400 لفة في الدقيقة رقم قليل لتوربين بيتحرك بالهوا وعليه حمل ؟

طبعا 400 لفة ممكن تكون كتير. لكن إحنا مش عايزين نشحن البطارية كلها في ساعة واحدة.
يعني لو 400 لفة علي 3 أو 4 ساعات مش وحش.
خصوصا إن لو شحنت بطارية في نصف يوم حتى ممكن بعد كده نزود عدد شفرات التوربين. أو نطول طول الشفرات .. أو نزود عدد من التوربينات.
وهي بتتحسب نسبة وتناسب.
يعني محتاجين كام توربين علشان نشحن مثلا 5 بطاريات خلال اليوم.