فيات بونتو 2000

**M.A** · 07-08-2014 02:33 AM

السلام عليكم ورحمة الله وبركاته
يا جماعة انا كنت عاوزة اكتب الموضوع ده في رابطة فيات بونتو بس معرفتش فياريت ح يقول لي أكتبه هناك ازاي أو ينقله ويجيبلي اللينك
.
.
أنا قدامي فيات بونتو 2000 عاملة 97000 كم وفابريكة بره وجوه بس للأسف مفيهاش باور ومش عارفة آخدها ولا لأ محتااااااارة جا ما بين إنها مفيهاش باور وف نفس الوقت مش عاوزة اسيبها لانها حالتها كويسة ونضيفة وال كم بتاعه قليل
يا ريت ال معاهم نفس الموديل من غير باور(ال بيسموه هاف باور) يفيدوني
شكرا مقدما

**abou-yahia** · 07-08-2014 11:19 AM

في الركنات والزحمه حتكون مش لطيفه

العربيه حاله

توكلي علي الله

**macdiv** · 07-08-2014 02:32 PM

مش محتاجه حيره ولا حاجه ،،، جربيها سواقه في الزحمه لمده نصف ساعه و قرري

**J A G U A R** · 07-08-2014 03:34 PM

الباور ده نعمه مش هايحس بقيمته غير اللى كان راكب عربيه باور وركب عربيه مفيهاش باور

**popsasa** · 20-08-2014 07:22 PM

الى معايا لانوس 2001 عربية جميلة لكن يكفى ان البونتو ايطالى بالكامل طبعا اللانوس اوسع سحب افضل بعد سرعة 100 لان سحب البونتو لحد 100 حلو جدا الى معايا فتحة سقف لكن مشفتش لانوس بفتحة سقف فى السفر الثبات ممتاز لكن انا مجبتش غير 160 بالانوس وكانت محملة والبونتو جبت 140 وكنت لوحدى الاتنين لو محملين يبقى لازم يكون فى حرص مع المطبات الغريبة لو فاضيين مفيش مشاكل باور البونتو كهربا وافضل من اللانوس شغل الميكانيكا والكهربا سهل فى اللانوس لكن شايف ان شغل الكهربا فى البونتو يكون حد بيفهم وفلتر البنزين فى البونتو داخل الطلمبة فلو محتاج يتغير صعب ان اجيبه لوحده عامة لو فى مشوار بهدلة انا اكيد هاخد اللانوس لانها عربية بتستحمل لو فى اى استفسار هرد عليه لو اقدر خاصة ان انا مبفهمش اوى العربيات