الموضوع: كورولا 2015 خليجي والا فلوانس 2014 خليجي بالاسعار والمواصفات

المشاركة الأصلية كتبت بواسطة aiman0173

ربنا يكون في عونك ، انا حاسس بالحيرة اللي انت فيها لأن دا كان حالي من حوالي 8 شهور ، ووقتها قعدت ابحث واتقصى وكنت كتبت موضوعين هنا في المنتدي
http://www.nilemotors.net/Nile/394653-a.html
http://www.nilemotors.net/Nile/394660-a.html

وفي الآخر أخذت قرار بشراء الكرولا بعد ما وصلت لنتيجة ان الخلاف الاساسي في الجير وان الجير الخليجي هو نفس اللي كان بينزل في موديلات 2013 في مصر وبالتالي قطع الغيار مضمونه ، لكن المفاجآه حصلت بعد ما أشتريت وكان في زميل في المنتدى هنا مصور كل أجزاء سيارته الكرولا اللي استلمها في مصر لأني لقيت فيه خلافات كتير بين السيارتين على الرغم من التشابه الخارجي بينهم مثل طريقة تثبيت الفوانيس الامامية وصدر السيارة وقربة المياه كلها محتلفة تماماً دا غير صور العفشة مختلفة عن اللي موجودة في مصر

الخلاصة علشان موجعش دماغك وما زودش حيرتك هي:
1- حاول تشوف سيارة مستعملة بس بشرط تكون ضامن حالتها ويفضل تكون من واحد عارفه (لو مش ضامن حالتها تبقى تنسى شراء مستعمل) وتقضي بيها المدة اللي انت عايزها ولما تنزل مصر اشتري سيارة زيرو من الضمان ( وعلى فكرة الحل ده هو الأفضل وهو اللي عملته في سفري السابق)
2- لو مالقتش سيارة مستعملة حالتها كويسة يبقى تصلي استخارة وتتوكل على الله وتشتري الكرولا لأنها ماسكة سعرها في الخليج ومش هتنزل بنفس القدر اللي هتنزل بيه الرينو دا غير أن الكرولا بعد سنة أو اتنين هينزل الخليجي مصر وساعتها هتكون قطع الغيار متوفرة وفي نفس الوقت يكون معاك خيار البيع ، وحاجة تانية ما تنساش ان الرينو في الخليج هتكون مرتبط في صيانتها وقطع غيارها بالوكيل على عكس الكرولا أي ميكانيكي بيصلحها غير ان قطع غيارها متوافرة في كل الدنيا

أرجو اني اكون ما صعبتش الدنيا عليك ، وصدقني ما حدش عارف فيه ايه بكرة احنا بس بناخد بالأسباب وربك هو اللي بيسر الأمور أهم حاجه عليك بالاستخارة وان شاء الله ربنا هيوفقك لأتخاذ القرار المناسب

بالتوفيق ان شاء الله

افهم من كلام حضرتك ان كمان الكورولا طلع فيها اختلافات عن النسخة المصرية غير الفتيس والاوبشن والحل ان اشتريها فقيرة وعلى امل ان الخليجي ينزل مصر ويكون ليها قطع غيار شكرا انك عرفتني انها مختلفة كدة انا مبقتش عارف اجيب ايه ينفع لمصر بعد استخدامها اربع خمس سنين وبعدين انزلها والاقي ليها قطع غيار في مصر

في حاجة أحب اضيفها، مش متأكد قوي من صحتها بس برضه حضرتك ابحث فيها لأنها هتأثر على قرارك
أعتقد الفلوانس نازلة بمحرك تيربو في الخليج ولو نزلت بيها مصر هتتعب العربية لو حطيت بنزين 92 وهتتعب محفظتك لو حطيت 95 :)

المشاركة الأصلية كتبت بواسطة ophthalmia

في حاجة أحب اضيفها، مش متأكد قوي من صحتها بس برضه حضرتك ابحث فيها لأنها هتأثر على قرارك
أعتقد الفلوانس نازلة بمحرك تيربو في الخليج ولو نزلت بيها مصر هتتعب العربية لو حطيت بنزين 92 وهتتعب محفظتك لو حطيت 95 :)

لا الفلوانس اللي في الخليج موتور عادي من نيسان 112 حصان وفتيس نيسان cvt ومتجمعة في كوريا شركة سامسونج فهل نفس اللي في مصر انا عارف ان اللي في مصر تركي بس هل نفس العفشة والاجزاء الميكانيكية

انا مع ان حاجة الكويت للكويت ( اللى ماشى فى الكويت و الاحسن كسر الزيرو ) و استمتع بانك تشترى عربية موتورها كبير و راحه و لما تنزل اشترى حاجه لمصر وقتها لان احضرتك مش عارف حتقعد اد ايه و العربية اللى انت حتشتريها كتبقى حالتها ايه ساعتها و بناء على مشاهدتى لكثير من التجارب السابقة
نصيحة من مغترب

طيب في بدايل كتير كويسة زي اللانسر و المازدا 3 و الفوكاس و السيراتو و الإلنترا و البيجو 508 لو الميزاية تسمح.
العربيات دي نفس بلد المنشأ في مصر و الخليج و المواصفات أعتقد واحدة.

الأفضل إنك تجيب في الكويت حاجة تستعمها هناك و تبيعها قبل ماتنزل نهائي سواء تجيب عربية جديدة أو مستعملة مضمونة
في الحالة دي يبقي سوق العربيات في الكويت يحكم بأنك تشوف عربية منتشرة و سهلة الصيانة و إعادة بيع كويس.

طب رايكم ايه انا استبعدت الفلوانس ودخلت الهوندا سيتي الجديدة مكانها شاشة ومثبت سرعة وبلتوث وااقل بردو من كورولا في السعر و118 هورس باور و17 كيلو متر لكل لتر

عن تجربة كنت في نفس الحيرة من سنه وانا في نفس ظروفك اعمل في الكويت واشتريت هوندا سيتي من سنة موديل 2013 فل اوبشن بدون فتحة سقف كانت عاملة 4150 دينار السيارة الحمد لله بسم الله ما شاء الله سحب وتكييف وعزل وعفشة والشكل ده أذواق
صحيح الهوندا غير