انا عاوزة اشترى تيجو/ ايه رأيكم: فى حد جربها؟؟؟

**Michael_Lanos** · 04-03-2009 07:32 PM

ماروتي حلوه برده

**noni67** · 04-03-2009 09:36 PM

يا جماعه ارجوكم علشان المنتدى دة يى فايدة حقيقية لازم اللى يقيم سيارة يكون جربها او ركبها على الاقل
مش برضو كلامى صح

**shamstec** · 05-03-2009 09:07 PM

المشاركة الأصلية كتبت بواسطة noni67

عن تجربة فى الصحراء وغير الصحراء اتكل على الله عربية ممتازة ممتازة ممتازة لأبعد الحدود وما اعتقدش ان فيه فى السوق فى مثل سعرها بكل الامكانيات والقوة دى
اتكلى على الله واشترى

بعد اذن حضرتك
واضح انك متاكد بطريقه نهائيه انها ممتازه
ممكن حضرتك توضح لنا
بلد صناعة قطع غيارها
سواء للمحرك او العفشه او الاجزاء الكهربائيه
وهل يوجد غير الصينى
لان العربيه فعلا تبدو جيده لكن ان قطع الغيار تكون صينى ده اساسا شيئ لم اقبله سابقا لاى سياره سابقه ( رغم توفر قطع غيار صينى لليابانى والكورى والكثير...)
تحياتى

**ahmad--ezzat** · 06-03-2009 12:54 AM

المشاركة الأصلية كتبت بواسطة noni67

عن تجربة فى الصحراء وغير الصحراء اتكل على الله عربية ممتازة ممتازة ممتازة لأبعد الحدود وما اعتقدش ان فيه فى السوق فى مثل سعرها بكل الامكانيات والقوة دى
اتكلى على الله واشترى

هو حضرتكو بتتكلمو عن اية
اعذرونى انا معرفش اية التيجو دى
ولو فعلا عربية صينى يبقى مينفعش صحراء وكلام من دة
امال الشيروكى والرانج روفر والهامر والنيفا والباترول والحجات دى تبقى اية
اعتقد انها ممكن تكون عربية كويسة جدا بس مش للعفرة والكلام دة

**egypt123456** · 06-03-2009 01:34 AM

السلام عليكم اخي العزير بصراحة انا بحترم منتجات شركة شيري الصينيه جدا وده عن تجربة في A11 واتفرجت علي التيجو بس انا شايف ان التقفيل مش حلو خالي زي الصيني اللي بيجي من الصين من شركة شيري مع العلم اني مجب جدا بالعربية ده وكنت متابع التيجو قبل ما تيجي وحتي في توكيل شيري التاني قبل ابو الفتوح كانوا عرضين بعض الصور ليها باسم T11 وانا شخصيا ممكن اجبها بس لما ينزل الموتور ال 1600 علشان هوه هيكون اقل في الاستهلاك وفي نفس الوقت مش هيكون مع 4*4 يعني هتكون زي الماتريكس مثلا وده سعة كويسه علي العربية مش وحشه وفي نفس الوقت هو نفس موتور الاسبرانزا 1600 وممكن تشوف ده علي موقع الشركة الام نفسه وربنا يوفقك والسلام

**shawkats** · 07-03-2009 02:55 AM

انا لسه شاري تيجو اتوماتيك من حوالي 10 ايام و كنت قلقان بصراحة منها قبل ماستلمها بس بصراحة و بعد تجربة 10 ايام - انا عارف انها فترة قصيرة - العربية اكتر من رائعة و جميلة جدا و مريحة كما انها ناعمة جدا و متزنة علي المنحنيات.

امكانياتها بالنسبة لسعرها احسن كتير من التيريوس و الفيتارا و موتورها قوي جدا و يتجاوب جدا في السحب علي الطريق و عفشتها جميلة جدا و بتاخد المطبات بنعومة و هدوء .

هي بس ناقصها شوية كماليات زي الباركينج سنسورز و الكروز كنترول و كانت تبقي عربية 100 ٪

**shawkats** · 09-03-2009 01:50 PM

بالمناسبة الضريبة بتاعة التيجو هي 1140 جنيه بالسنة

**Mohamedtayel** · 09-03-2009 11:52 PM

الساده الأفاضل أصحاب التيجو
الف الف شكر على معلوماتكم المفيده جدا
لو ممكن فى اى حد عنده اى معلومات عن ال 1600
انا سألت عند احد الموزعين قالى هتنزل على مايو 2009
حد عنده معلومات اكيده عن السعر

**mga747** · 08-04-2009 01:40 AM

فى ناس كتير أوى مستنيين 1600 سىسى ويوفر فى التراخيص اولا والبنزين ثانيا
ولكن :
ده رأيى الشخصى السطحى:

التيجو وزنها تقيل شوية
فلو 1600 سىسى هيكون يادوبك مظبوط عليها
فإن 2000 سىسىسيكون مريح للماكنه وللفتيس وللسيارة وخاصة مع التكييف والأوزان (الأفراد والشنطة الكبيرة) ...!!

فما هو رأيكم ...؟؟؟؟

**saloumi** · 14-04-2009 10:13 AM

انا اشتريت التيجو من ثلاث اسابيع وبصراحة شديدة العربية حكاية اما التيجو المزمع نزولها 1600 فهي مانيول وانا معك في ان سيارة بهذا الحجم قليل عليها ال 1600 وحسب علمي سعرها سيكون بين السبعين والثمانين وده معناه ان فيه فرق في الامكانيات وتقبل تحياتي