اختبار القيادة العملى

**Om Marem** · 07-08-2014 06:43 PM

[justify]بسم الله الرحمن الرحيم
انا الحمد لله خلصت كورس سواقه خاص وخلصت الكورس الخاص بمدرسه مرور بين السرايات وان شاء الله الامتحان العملى يوم السبت وهايكون على حرف اس
بصراحه انا خايفه جدا على الرغم وبامانه المدرب اللى كان بيدربنا فى مدرسه المرور من تانى يوم وهو بيدربنا على حرف اس والحمد لله عملته اكتر من مرة صح بس برضه خايفه جدا جدا
النظرى مش خايفه منه خالص لانهم بيسلمونا سى دى فيها تقريبا 280 سؤال الامتحان بيجى منهم ( دة كلام المدرب )
اللى مخوفنى ان العربيه اللى كنت بتدرب عليها شاهين والدركسيون بتاعها بصراحه روووعه والفتيس كمان عكس عربيتى تماما اللى الدريكسيون بتاعها محتاج ونش عشان احركه والفتيس محتاج عشرة يحركوة طبعا كل دة هاغيرة ان شاء الله
بس مشكلتى انى مش عايزة اتمرن على عربيتى قبل الامتحان عشان ما اتلخبطشى

محتاجه نصائحكم عشان الامتحان العملى

[/justify]

**Adnfalcon** · 07-08-2014 08:26 PM

لو اتعلمتي صح هتنجحي حتي لو سوقتي جرار .. بلاش قلق

**Om Marem** · 07-08-2014 08:35 PM

المشاركة الأصلية كتبت بواسطة adnfalcon

لو اتعلمتي صح هتنجحي حتي لو سوقتي جرار .. بلاش قلق

بصراحه المدربه الخاصه والمدرب الخاص بمدرسه المرور بيعلموا صح جدا بس هو فعلا القلق ربنا يستر
جزاك الله خيرا على ردك

**S O P H O S** · 08-08-2014 12:41 AM

ده اهم شئ بلاش قلق
الموضوع دقائق لو بثقة هيعدي

**J A G U A R** · 08-08-2014 04:05 AM

اللى بيسوق كويس يعرف يسوق اى حاجه ومتفرقش معاه وغالبا بيكون فى اختبارات القياده عربيه لادا وبرضه دريكسيونها رخم والدواسات تقيله بس بتسوقى صح مش هايفرق معاكى وحاولى وحضرتك طالعه بالعربيه تزودى دوسه البنزين شويه علشان هاتكونى مش متعوده على العربيه فى الطلعه علشان لو بطلت 3 مرات هاتسقطى وركزى على الناس اللى هاتدخل قبلك وشوفى بيعملو ايه وصححى من غلطاتهم والصعوبه كلها بتكون فى الرجوع وحضرتك راجعه مارشدير بيكون فى مكان معين بتكسرى فيه الدريكسيون ولو مظبطش بتخبطى فى القرطاس وبرضه لما تكسرى الدريكسون حاولى ترجعى بالراحه علشان ممكن متلحقيش تلمى العربيه وتخبطى فى القرطاس وحاولى تعتمدى على المرايات لو هاتساعدك وبالتوفيق ان شاء الله ومبروك مقدما .

**monamize4** · 12-08-2014 02:59 AM

المشاركة الأصلية كتبت بواسطة J A G U A R

اللى بيسوق كويس يعرف يسوق اى حاجه ومتفرقش معاه وغالبا بيكون فى اختبارات القياده عربيه لادا وبرضه دريكسيونها رخم والدواسات تقيله

تعرف يا باشا ,, اعجب حاجة شوفتها ف اختبار الرخصة
واحد كان بيعدى الاختبار بعربية لادا ستيشن 2104 و سبحان الله الراجل
عدى الاختبار زى الفل ,,

**J A G U A R** · 12-08-2014 03:50 AM

المشاركة الأصلية كتبت بواسطة monamize4

تعرف يا باشا ,, اعجب حاجة شوفتها ف اختبار الرخصة
واحد كان بيعدى الاختبار بعربية لادا ستيشن 2104 و سبحان الله الراجل
عدى الاختبار زى الفل ,,

هههههههه عادى جدا بس اهم حاجه يكون عنده عضلات :)
انا عديت والله الاختبار برضه بلادا 2105 او 2107 مش فاكر بس كانت عربيه مقرفه جدا :(

**J A G U A R** · 12-08-2014 03:56 AM

المشاركة الأصلية كتبت بواسطة om marem

الحمد لله بفضل ربنا نجحت فى الاختبار وخدت الرخصه فى نفس اليوم من غير اى واسطه ولا قرش رشوة
ربنا يكرمكم على نصائحكم ويبارك فى حضراتكم
الف مبروووك
بس الغريب انى من يوم ماطلعت الرخصه ماليش اى نفس اركب العربيه وبروح الشغل بالمواصلات والمدربه بتاعتى بتقولى كدة غلط لازم امشى بيها وانا مش عارفه ايه السبب

وكان لازمتها ايه الرخصه كده
اركبى عربيتك والمفروض قلبك جمد اكتر بعد الرخصه ولا ايه الاحساس دلوقتى ..

الموضوع: اختبار القيادة العملى

LinkBack

أدوات الموضوع

عرض

-

-

-

-

-

المواضيع المتشابهه

ياترى اذا سقطت فى اختبار القيادة

اختبار ذاتى.. هل أنت سائق تحترم قانون القيادة ؟

استفسار بخصوص اختبار الرخصة العملى

هل ممكن عمل اختبار رخصة القيادة بعربية اتوماتيك

اختبار القيادة بالمرور

الكلمات الدلالية لهذا الموضوع

المفضلات

المفضلات

ضوابط المشاركة