الموضوع: تحذير واجب من محل فورد حرفيين اسكندريه

والله ياجماعه الراجل قالى الموتور هايتعمل وكل حاجه بس هايتكلف مبلغ قريب من مبلغ تغيره تمام .. ومش هايدى نفس الكفاءه وهو ده اللى خلانى الجأ للحل ده .. شكراً لردودكم جداً وربنا يحفظنا جميعاً

المشاركة الأصلية كتبت بواسطة أحمدكونت

تحذير من محل فى حرفيين الاسكندريه فى مدخل المنطقه الثانيه اول طريق البامبى بتاع bmw اسمه اسلام فورد .. التحذير من واحد اسمه محمد صادق شغال فى المحل بتاع اسلام فورد اللى حصل كالاتى :

اولاً حسبى الله ونعم الوكيل .. ربنا ينتقم من الورشه دى .. حسبى الله ونعم الوكيل

:: العربيه كنت راجع بيها القاهره وعند الكارته بتاعه اسكندريه قطعت بنزين حاولت ادور بتجيب مارش لكن مابتدورش كلمت الميكانيكى بتاعى فى القاهره قولتله فيها ايه قالى ترمبه بنزين .. كلمت مليون واحد .. قالى ترمبه بنزين .. روحت للورشه دى علشان تشتغل فى العربيه واقدر اروح بيها وخصوصا انها اتسمرت فى مكانها لانها اتوماتيك " فورد فوكاس 2006 " وبعد كده جبت ونش شالنى للورشه بتاعته .. بص قالى ده مش عيب ترمبه ده سير الكاتينه اتقطع .. قولتله لا انا لسه مغيرلها سيرفيس والعربيه تمام .. قالى اه لا ماخدتش بالى هو مش مقطوع .. بس بيلف ترس و ترس لا انا خبرتى صفر فى الميكانيا ومافهمتش شويه ايه اللى بيعمله المهم عمل حاجه كده فك وش الموتور وقالى العربيه دى عايزه شغل يعد ليوم الاثنين .. المهم قلقت منه وكلمت الونش قولتله رجعنى القاهره .. الغباء انى ماعملتش كده من الاول لكن القدر .. " الحمد لله " .. ولما روحت للميكانيكى بتاعى قالى الموتور عايز يتغير بسبب شغل الورشه دى .. لعب فى حاجه خلف التقسيمه حاجه زى كده وبسبب الناس دى هاغير موتور للعربيه كامل .............................................. حسبى الله ونعم الوكيل والله هذا ماحدث .................................................. ..... ارجوكم ماحدش يروح الورشه دى وروح صلع عربيتك فى اى حد فى القاهره .. ربنا يحفظنا جميعاً .. الحمد لله

ربنا يعوض عليك و جزائك الله خيراً للتحذير ، انا شايف انك تروح بيها بميكانيكى فورد تانى يأكد المعلومة دى قبل ماتجيب ماتور جديد و توجع دماغك مع المرور فى أثابته على الرخصة .

المشاركة الأصلية كتبت بواسطة ahmedfikry

السلام عليكم ورحمة الله وبركات

اولاً : انت لم تذكر فى الموضوع يا استاذ احمد انك دورت محرك السيارة اثناء تغيير تقسيمة المحرك مما أدى الى تكسير الصبابات والسلندرات الخاصه بالمحرك وبكدة طبعاً تكلفه صيانته مقاربة لسعر محرك جديد ومع ذلك لن يعود لحالته الاصليه وعموماً ربنا يعوض عليك

ثانياً : موضوع اثبات المحرك الجديد على الرخصه مافيهوش مشكلة تخلص فى يوم ان شاء الله عن تجربة بما ان الورق دة شغلتنا كمحامين

بارك الله فيك لللتوضيح و الافادة و جزائك الله خيراً

مين الميكانيكي بتاعك في القاهرة ؟