شكرا للمجهود و المعلومات
عرض للطباعة
شكرا للمجهود و المعلومات
تامر باشا , ازيك :) , بالظبط اللزوجه الاساسيه المنصح بها للميجان موديل 2004 و حتى الفلوينس 2013 مش الفيس ليفت 5w40 مناسب للموتور ده جدا و حتى لو دخلت على مواقع شركات الزيوت العالميه و كتبت عربيتك و موديلها هايطلعلك اللزوجه دى فقط المنصح بها .
من اول الفلوينس فيس ليفت 2014 اللزوجه المنصح بها 5w30 او اللى انا كتبتهم قبل كده و دى لزوجات مواتير نيسان , لا ينصح فيها ب 5w40 و فعلا الاداء بيختلف تماما ما بين الاتنين و مش معنى انه ده اوحش او احسن و لكن الاكتر مناسبه للموتور .
انا بالنسبه لى فرق جدا ال 5w30
والله خطوة جريئة من حضرتك
ولكن الحمد الله افضل
ياسر باشا تسلم إيدك على الشغل الجامد ده، طب الوقت لو مثلا عايز أغير الزيت على 1500 ك فى التوكيل وقولتلهم عايز أغير الزيت الوقت ومش هاستنى ل 10 آلاف وهاجيب زيت 5w 30 هايوافقوا؟؟؟
فى كمان حاجة هو الزيت الموبيل ون اللى حضرتك غيرته ده كام لتر؟؟ يعنى مثلا 4 ؟ طب لو 4 ، بتكمل بقى وللا أيه ، لأن العربية بتاخد 4.3 بتغيير الفلتر، والجركن اللى غيرته ده لون أيه ؟؟؟
شوف يا ريس . التوكيل ما فبيش عنده اى مانع فنى انك تغير بعد ال 1000 كم و ده انا شخصيا اتصلت بهم و حولونى على مهندس و قال ما فيش اى مشكله انك تغيره بعد ال 1000 بس هايكون على حسابك بالكامل . قلت له ما فيش مشكله عندى انه يكون على حسابى المهم ما يكنش فيه سبب فنى انه ﻻزم اوصل ب ا 10000 كم . قال ﻻ ما فيش اسباب فنيه .
التوكيل بيستخدم توتال 5w40 . و الموتور بياخد 4.3 لتر بالظبط بالفلتر . انا ما حاولتش معاهم بصراحه انه اخد نوع تانى بس فيه ملاك اخدوا انواع تانيه و التوكيل وافق لهم . انا اتعاملت مع مركز صيانه معتمد و الفلتر الاصلى برضه من عندهم . خللى بالك فلتر الفيس ليفت مختلف تماما عن الفلوينس اللى قبلها و مكتوب عليه نيسان و سعره 130 . التانى سعره 60 و حجمه اصغر .
انا استخدمت موبيل فورميولا 5w30 لون الاستيكر اخضر مش هاتلاقيه بسهوله و عموما اللزوجه دى مش سهل تلاقيها شويه لانه اغلب التوكيلات سحباها للسيارات الحديثه . توتال فيها 5w30 اسمه توتال انيو بس ما بينزلش مصر و اعتقد انه التوكيل هايغير للزوجه دى قريب لانها شغاله كويس جدا مع موتور الفيس ليفت فرق كبير بصراحه .
هاتشترى جركن 4 لتر و جركن تانى لتر واحد . هاتحط منه 300 مللى و ها تحتفظ بالباقى . لو اتصلت بالتوكيل اطلب انك تكلم مهندس كبير شويه فى الصيانه بيكون اكتر تفهما للمواضيع و قول له انا عايز استخدم الزيت الفلانى و التغيير و الفلتر عندكم .
بالتوفيق
ايه هو اللى مضر على المدى البعيد يا تامر باشا ؟ لو قصدك 5w40 مع الفلوينس الفيس ليفت ؟ اه هايكون فيه ضرر نسبى على المدى البعيد . خلوصات البساتم هاتوسع و على 100000 كم تقريبا او ازيد شويه هاتحتاج ترفع اللزوجه .
5w30 ما فيش منه اة اضرار . دايما خللى الاساس عندك صوت الموتور . لو صوت الموتور عالى معاك على لزوجه معينه سواء كانت اللزوجه عاليه او منخفضه تعرف على طول انه لزوجة الزيت مناسبه . هو صوت الموتور اللى بنقول عليه عالى بيكون جاى منين ؟؟ جاى من احتكاك زائد داخل اجزاء الموتور و ده معناه انه التزييت فيه حاجه غلط . يا لزوجه عاليه و مش قادره تعمل تزييت كويس فى خلوص بساتم قليله يا لزوجه منخفضه على خلوص البساتم و بالتالى برضه الاحتكاك عالى و صوت الموتور برضه عالى . ناس كتيره حطت لزوجه 5w30 فى عربياتهم موديلات تانيه غير رينو و لقت صوت الموتور بقا عالى
الميجان عندك يا 5w40 او 5w30 الفلوينس فيس ليفت 5w40 ﻻ
تصحيح
ما عليش يا تامر فى البوست السابق اقصد لما يكون صوت الموتور عالى ده معناه انه لزوجة الزيت غير مناسبه
انا فاهمك فيما يخص الفلوينس الفيس ليفت
انا قصدي فيما يخص الميجان2 , و بالتبعية طبعا الفلوينس الاولانية , ال5w30 كان اداؤه كويس , صوت اهدى و سحب احسن
فانا مخضوض من حتة انك لقيت مكتوب انه ما ياكلش معاهم