جنان وعبط في absفيكترا 2001

**Ahmed_Gad** · 08-08-2014 04:59 PM

. ياجماعة الخير اغيثوني المشكلة بدأت معايا من اول ما اشتريت العربية لاقيت لمبة abs مطفية وكل ما اقول لحد انها مش منورة اصلا يقولي كدا دا بايظ ولازم تكشف كمبيوتر وعرفت ان جهاز abs بيعمل حوالي 800 جنيه قولت مش وقته وهعمله كمان حبة لكن من اسبوع كنت عالطريق الدولي وبجري حبة او حلتين واكلت مطب لاقيت لمبة absنورت استغربت وبعد ما وقفت لاقيت اللمبة بتنور لما احط المفتاح في الكونتاكت وتفضل حوالي 3ثواني وتطفي وعرفت انه كدا اشتغل لاني راجعت مواضيع منتي نايل موتورز وعرفت ان دا الطبيعي وروحت للميكانيكي وجربنا وقاللي انه فعلا شغال زي الفل وانا بقيت بحس بيه في التراب او المية بس بعدها ابتي يعمل حاجة غريبة ادور العربية يبقي شغال تمام بس لو اكلت مطب بسيط اوي او اي ارض مش مستوية تخلي اللمبة تنور علي طول وكأن فيه عطل ولما ابطل واوجع ادور برجع بشتغل تمام.... السؤال بقي ايه السبب وايه العلاج انا شاكك في حاجة بس عاوز اسمع منكم الاول.
وشكرا

**haisam ali** · 08-08-2014 05:06 PM

راجع فى المواضيع المثبتة هتلاقى موضوع للأستاذ أيمن حمدى ليتكلم فيه عن إصلاح الوحده بتاعت ال abs واعملها فى أسرع وقت لان الموضوع ده خطر جدا جدا ضرووووووووورى

**haisam ali** · 08-08-2014 05:30 PM

ماظنش انها سلك او حجات من دى ..... اعتقد انها الوحده لانها هيا دايما اللى بتعمل كده وبتقعد تهيس كده

**haisam ali** · 08-08-2014 05:48 PM

لازم تغامر ياستاذ احمد وفى أسرع وقت لان الوضع اللى انت فيه ده من اخطر مايكون اسمع كلامى عشان خاطرى .... بجد الوضع ده خطر

**Ahmed_Gad** · 08-08-2014 06:50 PM

مشكورين ياجماعه علي تعاونكم وان شاء الله انا هعمل اللي قولتولي عليه هشيك الاول عالفيش وانضفها ولو مافيش نتيجة هعيد عاللحامات بس ليا طلبين عاوز اعرف فين فيش الجهاز ثانيا عشان افك الجهاز ايه العه المذلوبة والطريقة اللي افكه بيها من العربية

**sherif_m72** · 09-08-2014 05:29 AM

بص بالنسبه للفيشه بتاعت الكنترول مش محتاج اكتر من مفك طويل وبتلاقى كلبس على الفيشه لونه بنفسجى بتزقها ناحية السيرفو وبتلاقى الفيشه تطلع لوحدها بس زقها للاخر وفى التركيب تكون دايس على الفيشه بالراحه وتزق الكلبس بالعكس وهو هيكمل الباقى
اما بالنسبه للوحده فمن الافضل انك تحلها بحالها وبعد كده تفك الكونترول لانه فى مسمارين فى الكونترول صعب الوصول ليهم اما لو فكيت الوحده بحالها هيكون فكهم سهل (انا جربت بنفسى)
نصيحه خلى متخصص هو اللى يفكها وانت عيد على اللحامات وبعدين خليه يركب تانى