انا مقبل على شراء ميتسوبيشي أتراج هاى لاين بسعر 113 من المصريه
أيبها و الا فيه أختيارات افضل
انا عاوز عربيه أوتوماتك
عرض للطباعة
انا مقبل على شراء ميتسوبيشي أتراج هاى لاين بسعر 113 من المصريه
أيبها و الا فيه أختيارات افضل
انا عاوز عربيه أوتوماتك
بلاش اتراج
من الاخر
مش حتلاقي في السعر دا غير نيسان ودي نصيحة متفكرش فيها خالص
وفي سوزوكي ديزاير هنا يتوقف علي الاريح والانسب ليك منهم
يعني متسوبيشي شنطتها اكبر والكراسي الداخلية اوسع
انما سوزوكي موتور اكبر بفارق 10 حصان عن الاتراج
تركب متسوبيشي ولا تركب سوزوكي
الحاجة الاهم خالبالك من المصرية للسيارات
انا روحت شوفت العلربية عندهم لقيت مكتوب في الشنطة ورا دايمون موتورز
ولما روحت للطارق مالقيتش الكلمة دي
سألت بتاع المبيعات كالعادة معرفش يجاوب
انا اعتقد ان اللي عند الطارق موصفات خليجي واللي عند المصرية موصفات مصري
للتأكيد مكتوب علي قايم العربية السيارة موجهه لدولة .......
واستخير وانشاء اللة خير
ايه الفرق بين المواصفات الخليجى و المصرى و انهو احسن
خليك فى نيسان صنى الشكل القديم عربية زى الفل
حجيبلك من الاخر في موضوع 3 و 4 سلندر
في العموم لو انتا بتسافر كتير بمعدل اكثر من 5 مرات في الشهر مسافات طويلة
خليك في السوزوكي
لو انتا كل تعاملك داخل البلد خليك في متسوبيشي
بس الفرق مابين العربيتين بالضبط 10 حصان
دا مش فرق كبير اوي مابين الماتورين
تعالا من ناحية تانية
اظن اعادة بيع المتسوبيشي اقوي من السوزكي
التكنولوجيا المستخدمة في السيارات المتسوبيشي اقوي من السوزكي
بدليل ماتور 3 سلندر بيدي 78 حصان
وماتور 4 سلندر بيدي 87 حصان
فرق 10 حصان فقط
مع العلم زياده السلندر يقابلة زيادة في البنزين
لذلك للاحتياط لو بتسافر كتير اوي خليك في سوزوكي
لو استعمال محلي خليك في المتسوبيشي اقوي واحسن
وانتا برضوا جرب الاتنين واكيد ربنا حيهيديك للاصلح انشاء اللة
الاتراج انا شايف انها متسوبيشى يعنى مش هتنزل اى عربيه وخلاص اكيد عربيه محترمه جدا والهاى لاين كمان احسن واحسن وبعدين الاعضاء اللى اشترو الاتراج بيشكرو فيها جدا
انا العربية دي كانت معايا 2013 سيئة جدا
لدرجة اني كنت جليبها استعمال قسط من كونتكت
روحنا كشفنا عليها في التوكيل
العربية جديدة بمعني الكلمة قالي دي كانت مقلوبة
لغاية ماواحد بيفهم قلهم لا دا تقفيلها زاي الافيو
ممكن ماتلاقيش الفلتات موجودة عادي
من ناحية السحب بطة بلدي مع العلم انها اتوماتيك
العربية كبيرة اوي لكن صالونها ضيق متعب في السفر بشهادة ناس كتير
الكابوت كبير وفاضي جدا
عدم الاستغلال الامثل للمسحات
والاهم غووووووووووووووول بنزين
ودا كل النيسان
ياباشا انتا تأمر
هيا في السفر مش وحشة طيعا
بس لو انتا شغلك في محافظة تانية وبتسافر رايح جاي اكتر من مرة
وساعات مرتين في اليوم يفضل الماتور الاكبر
ببساطة واحد انتا مديلة 4 رجول والتاني 3
وبتقولهم اجري
اكيد 4 رجول اريح عشان في السفر انتا بتستخدم الفول باور
لكن دا مش معناه انك 3 مش حتجري
لانة في الماتسوبيشي معوضها بماتور مايفك بيديلك 78 حصان
في الالتو موضوع مختلف نظرا لصغر حجمها
لانها نسبة وتناسب
لذلك في المتسوبيشي حجمها 850 كيلو
ودا متناسب مع ماتورها
حاجة تانية المتسوبيشي اعلا من الارض عن السوزكي
دي ميزة حلوه جدا داخل البلد للمطبات العملاقة
لكن في السفر مش كويسة
من الاخر العربية المتسوبيشي داخل البلد تحفة من غير كلام
سفرك كتير يبقي السوزكي
واي استفسار انا تحت امرك
انا كل مشاويرى تعتبر جوه البلد كل شهر كده لو هسافر بيها 150 كيلو يبقى اجيب الاتراج
طيب هوه فيه منها خليجي و مصري
شهاده لله و انا من ملاك الاتراج...اشتريها و اتكل على الله اقسم بالله من اجمل العربيات اللى نزلت مصر فى كل شيء..و هتشوف العربيه دى هتنجح قد ايه......انا ماباحبش انزل منها....سحب و سرعه و تسارع و تكييف و الاهم ماتور و فتيس من افضل ما يمكن.....عربيه تحفه و عمليه ......
انا باقولك اشتريها و هتيجى تشكرنى ان شاء الله
العربية فيها كام ايرباج؟؟
انا لسة عامل صيانة الالف كيلوا العربية ممتازة جدا مستمتع جدا بيها و خلى بالك اللى يسوقها وهو ميعرفش كام سي سي بيتخم فيها لان تسارع حلوا
نصيحة اشترى اتراج انا قبل ما اشتريها بحثت عنها سواء فى مصر او برة مصر و ترجمت مقالات عنها
طيب هوه فيه فرق كتير بين الهاى لاين و اول فئه اوتوماتك
انت ليه حاصر نفسك في الموديلات دي بس وانت معتك مبلغ كويس انا شوفت الاتراج وانبهرت بسعرها بس بعد ما شوفتهل لقيته عربيه فقيره جدا، انما السوزوكي عيبها طبعا في الريسيل وقطع الغيار انت ممطن تحيب بالفلوس اللي معاك دي عربي لانسر موديل سناتين فاتو او عربيه في فئتها احسنلك ميت مره انا باعمل كده بس بتأكد ان العربيه سليمه وجديده الاول
بص انا من ملاك العربية وعملت تقرير وف ناس تانى من ملاكها بتقول نفس الكلام ومحدش اشتكى خالص
صدقنى ممتازة وعملية وكل الناس اللى قابلتهم فى التوكيل حابينها قوى
ولو هتجيب هات اعلى فئة انا جبت الفئة الاولى اوتوماتيك ولما حبيت اركب بعض الحاجات اللى فى الفئة الاعلى التوكيل حسبلى من 20 الف ل 25 الف واصلا الفرق بين الفئتين 8 الاف
انصح حضرتك تروح للطارق وتشوف لوجان الجديدة وطالما حضرتك عندك استعداد تدفع في حدود 100 الف هات اعلي فئة في اللوجان ... بداية الموتور والعفشة هي القديمة ودي مفيهمش اي مشكلة ... اعلي فئة ب 97 الف فيها الاتي ... اتنين ايرباج ... جنوط سبور ... مالتي فانكشن تحكم في الكاسيت فيه بلوتوث ... شاشة بها gps navigation تاتش ... تكييف ديجيتال ... مثبت سرعة ... محدد سرعة ... جنوط سبور ... تعلية وتوطية الكرسي والتارة ... ... ضبط المرايات الجانبية كهربا والمرايات الجانبية فيها سخانات حرارية... حساسات ركن ... تقريبا مفيش حاجة مش موجودة فيها ... والصراحة انا ركبت الاتراج في الطارق واللوجان فرق رهيب في التقفيل والخامات الداخلية بصراحة الاتراج فقيرة جدا بالنسبة لها ... جربت حاجة تانية جرب اقعد في الاتراج شوف العربية هتنزل ازاي خلي حد يبص من بره عليها وانت بتركب ويقولك ... شووف اللوجان اركب فيها العربية ولا بتتحرك مما يدل علي قوة العفشة ... الموتور هو تفس الموتو القديم بس متغير بعض الاماكن في الكبوت هو 1600 سي سي كامة واحدة موفر جدا في البنزين بيدي 90 حصان ... عفشة قوية عن الاتراج كتير جدا والشكل الخارجي احلي كتير جدا وشنطة افضل ... انا بقول لحضرتك راي خاص .. بس نصيحة روح اركب العربيتين وهتعرف الفرق كبير جدا ... ودي افضل قيمة مقابل المال ... واتمني لحضرتك التوفيق
كلامك جميل وانا من عشاق اللوجان بس كانت قدامى وكانت اختيارى الاول واترددت كتير فيها
اوبش كتير قوى فكرتنى بالصينى اكيد الاوبشن دا على حساب حاجة ومع الوقت اشتريت الاتراج
وبعد صيانة الالف ليا وللوجان لناس اعرفهم :
الصاج للاتراج افضل نسبيا مش كتير
السحب والقوة للاتراج وجرب الاتنين على مطلع بالذات يمكن لان الاتراج اخف و2 كامة
موتور الاتراج تكنولوجيا جديدة لكن اللوجان يبقى الوضع كما هو عليه لان الزبون مقتنع بيه
الاوبشن فى اللوجان ممتازة جدا وتكتسح الاتراج اوبشن عصرية جدا
الاتراج اوتو ودا مريح جدا جدا
البنزين للاتراج
الاهم على المدى البعيد : اللوجان القديمة بدات حلو ومعشتش وفى اعادة بيعها سئ للغاية وتسال اى معرض يوزد يقولك مشتغلش فيها ملهاش زبون ويشتم عليها
الاتراج ليها مستقبل محدش بيشتكى منها وتعتبر حدوتة جديدة وفكر جديد ومعارض السيارات المستعملة عجباهم قوى
1200 سىسى تكنولوجيا متسوبيشى مع وزن السيارة خفيف يديك اداء ممتاز
1600 متور قديم مع عربية وزن اتقل مع الوقت سلحفة مع المطالع
يبقى المقارنة عربية اداء اعلى الاتراج مقابل عربية اوبشنز اعلى اللوجان
تقرير 1000 كيلو لوجان
http://www.nilemotors.net/Nile/433897-2015.html
تقرير 1000 كيلو اتراج
http://www.nilemotors.net/Nile/435032-1000.html
مفيش شكاوي بتظهر في العربيات الزيرو وانا قرات التقرير بتاعك كان يبقي ممتاز لو كانت العربيه ماشيه 20000 كيلو مش 1400
ياراجل حد يفكر في الاتراج بشكلها ده ويسيب السوزوكي سويفت الجديدة؟
على الاقل دي ب 113 ودي ب 99 فرق السعر انت اولى بيه وكمان معاك كماليات احسن وامان اكتر وشكل اجمل وموتور 4 سلندر مش 3 زي الاتراج
ونصيحتي الاخيرة حرام ادفع المبلغ ده كله في عربيات متستاهلش سعرها .. بالمبلغ ده اشتري مستعمل نضيف وركوبة مش مجرد اسم "ميستسوبيشي"
بص حضرتك انا مش متحيز للوجان ولا اتراج ... بس بدور علي الحكم بموضوعية ... اوبشنز كتير زي الصيني ... انت كده ظلمت العربية اللوجان اللي مفيهاش قطعة واحدة من قطع العربية صيني ... والناس دي بتحط اوبشن يبقي اوبشن لان بيديك ضمان ... ووكيل رينو مميز بصراحة ... فاكيد مش هيحط حاجة ييجي له الزبون بيها كل شوية يقوله غيرلي دي في الضمان ... الناس دي مش بتفكر كده خالص
... نقطة تاني انا قولت لصاحب الموضوع مقارنة بسيطة من حيث قوة العفشة روح اقعد في المعرض في اللوجان وخلي حد يقولك ايه اللي بيحصل في العربية ... وروح اقعد في الاتراج ... انا جربت الاتنين الاتراج قعدت ونزلت بمجرد ان واحد بس ركب فيها العربية عفشتها ضعيفة جداااااا انما اللوجان العربية ولا اتحركت ... ما ينفعش نقول سحب وقوة للاتراج ... منطقيا ما ينفعش في عالم السيارات ان موتور 3 سلندر ... اقوي من موتور 4 سلندر مستحيل حد في عالم العربيات علميا يقول كده لان لا الهور باور اعلي ولا اي شئ يقول ان موتور الاتراج اقوي ... اللوجان القديمة علي فكرة انا كنت بدور عليها لواحد صاحبي وطلع عيننا علي ما لقينا واحدة للعلم ... لوجان موديل 2010 بتتباع حاليا في رنج من 58 ل 60 ... لوجان 2012 في رنج من 65 ل 68 ده سعر السوق العربية ماسكة سعر جدا في السوق ... طبعا دليل علي الكلام ده حضرتك هتدخل دوبيزل او كونتاكت كارز وتشوف اصلا لو لقيت لوجان للبيع الا عربيات قليلة برضو ... اما قصة سلحفة في المطالع ... دي حاجة مش موجودة اصلا ... حضرتك ركبت العربية ؟؟؟ ... انا بنصح حضرتك تجرب كل حاجة بنفسك ما تنقلش خبرة سيئة لحد ... انما احكم بالارقام والتجربة ... تقبل مروري ... ونقاشانا ما هو الا افادة لصاحب الموضوع ... وموفق في الاختيار ايا كان
بص حضرتك انا مش متحيز للوجان ولا اتراج ... بس بدور علي الحكم بموضوعية ... اوبشنز كتير زي الصيني ... انت كده ظلمت العربية اللوجان اللي مفيهاش قطعة واحدة من قطع العربية صيني ... والناس دي بتحط اوبشن يبقي اوبشن لان بيديك ضمان ... ووكيل رينو مميز بصراحة ... فاكيد مش هيحط حاجة ييجي له الزبون بيها كل شوية يقوله غيرلي دي في الضمان ... الناس دي مش بتفكر كده خالص
... نقطة تاني انا قولت لصاحب الموضوع مقارنة بسيطة من حيث قوة العفشة روح اقعد في المعرض في اللوجان وخلي حد يقولك ايه اللي بيحصل في العربية ... وروح اقعد في الاتراج ... انا جربت الاتنين الاتراج قعدت ونزلت بمجرد ان واحد بس ركب فيها العربية عفشتها ضعيفة جداااااا انما اللوجان العربية ولا اتحركت ... ما ينفعش نقول سحب وقوة للاتراج ... منطقيا ما ينفعش في عالم السيارات ان موتور 3 سلندر 78حصان ... اقوي من موتور 4 سلندر90 حصان والعزم في اللوجان اكبر مستحيل حد في عالم العربيات علميا يقول كده لان لا الهور باور اعلي ولا اي شئ يقول ان موتور الاتراج اقوي ... اللوجان القديمة علي فكرة انا كنت بدور عليها لواحد صاحبي وطلع عيننا علي ما لقينا واحدة للعلم ... لوجان موديل 2010 بتتباع حاليا في رنج من 58 ل 60 ... لوجان 2012 في رنج من 65 ل 68 ده سعر السوق العربية ماسكة سعر جدا في السوق ... طبعا دليل علي الكلام ده حضرتك هتدخل دوبيزل او كونتاكت كارز وتشوف اصلا لو لقيت لوجان للبيع الا عربيات قليلة برضو ... اما قصة سلحفة في المطالع ... دي حاجة مش موجودة اصلا ... حضرتك ركبت العربية ؟؟؟ ... الاحلي بقي حضرتك ادخل علي العربيتين هتلاقي قطع غيار اللوجان في التوكيل ارخص من الاتراج ... كمان في ميزة تتمتع بيها اللوجان الجديدة ... وهي ان العفشة والموتور هو نفس موتور وعفشة الشكل القديم ... اللي موجود منه حاليا قطع غيار جديدة وكمان استعمال خارج ... انا بنصح حضرتك تجرب كل حاجة بنفسك ما تنقلش خبرة سيئة لحد ... انما احكم بالارقام والتجربة ... تقبل مروري ... ونقاشانا ما هو الا افادة لصاحب الموضوع ... وموفق في الاختيار ايا كان
انا هاتكلم على اللوجان و الفرنساوى بشكل عام مشاكله كتير قوى سواء صيانه او قطع غيار ...ثانيا اعادة البيع كارثى و هتخسر مبلغ كبير جدا جدا فى اعادة البيع ده لو لقيت حد يشتريها اصلا...ثالثا حرام ادفع 100 الف جنيه فى عربيه مانيوال و انا قادر ادفعهم فى عربيه يابانى اوتوماتيك....
غير ان الميتسوبيشى موتور و فتيس على اعلى مستوى و عفشه سوبر ..انا راجل كنت عايش فى اسيا سنين.العربيات اليابانى هوندا ميتسوبيشى و تويوتا لا يضاهيهم فى قوة و كفاءة موتورهم الا الالمانى فقط لا غير و بعده الامريكى.......
الاتراج اكثر من رائعه عربيه من افضل العربيات اللى نزلت مصر...تكنولوجيا عاليه جدا فى الموتور و الفتيس و اداء عالى جدا يضاهى اى عربية 1600 و لو اللى ركبها ماعرفش انها 1200 عمره ما هيعرف يفرق لو هو مين....
المشكلة اصلا ان المقارنة متنفعش كل عربية فيهم ليها مميزاتها الخاصة بيها انا معايا ااتاراج و كنت هجيب سانديرو وتراجعت لما لقيت عربية فيها احتياجى من سحب بنزين قليل و تكييف كويس و اتوماتيك و اعادة بيع متخسرش كتير للعلم انى مش بسافر ومش بتجاوز 120 فى السرعة يبقى هعمل ايه بالاوبشن و النافجيشن و موتور 1600 يسحب بنزين ضعف اللى بستهلكه دلوقتى
اللوجان عربية جميلة بس مش مناسبة ليا فى حاجات معينة
و بشكرجدا ا/مؤمن و ا/هانى لانهم سبب فى شرائى اتاراج :)
DR-AHMED HELAL
مبروك عليك العربيه و ربنا يحافظ لك عليها و يكفيك شرها....ياريت بقى تقولنا و انت من ملاك العربيه الحاليين...هل الكلام اللى احنا كتبناه عنها كان صحيح و لا لا..و ماهو تقييمك الفعلى بعد شرائها؟
الله يبارك فيك :)
انا كنت شفتها قبل ما ادخل المنتدى ادور عليها لما لقيت كلام حضراتكم ... بس انا مش بحب اسيب حاجة كده الا لما اهرس التفاصيل بتاعتها كل معلومة قولتوها دورت عليها فعلا الملاحظ ان كل اللى شكك فيها مجربهاش فى سواقة فعلية ... و اللى جربها اتفاجئ بيها اصلا يعنى حتى مكنش يعرف انها كده
بالنسبة للسحب فعلا العربية ملهاش حل و علو العربية فى المطبات برده ماشاء الله
التكييف ولا حاسس بيه فى الموتور لا صوت و لا حركة الموتور متأثرين بيه و التكييف معقول منقدرش نقول انه مميز اوى بيأدى الغرض منه بس بالنسبة للموتور ده كويس جدا
العربية واسعة بمعنى الكلمة ...
انا لسه مستلم امبارح بالليل و عملت بيها حوالى 100 كيلو .... تقريبا البنزين نزل شرطة واحدة مع تشغيل دائم للتكييف عشان اجيب اخرها ... مزودتش عن 100 فى السرعة لانى فى طريق متساعدش على اكتر من كده الثبات بتاعها كويس بالنسبة لوزنها لانها فعلا خفيفة .... العربية دى هتسمع كلامها هتريحك اوى... لو حبيت تستهبل عليها وتحملها حاجات ملهاش لازمة هتزعلك ....
اجمالا لحد دلوقتى عربية مميزة ف النقاط الاساسية اللى انا اشتريتها عشانها
ان شاء الله فى اقرب فرصة هكتب تقرير مفصل عنها
احلى كلمه انت قلتها انها عربيه مفاجأه ...اللى يسمع 3 سلندر و 1200 بما اننا شعب عاشق للفشخره الكذابه يقلق لكن لو دور العربيه دى و طلع بيها بيجيله صدمه عصبيه بتنسف له كل افكاره الباليه..لان العربيه فعلا قويه و سريعه و واسعه و كل المميزات اللى يحتاجها الانسان موجوده فيها...بعيدا طبعا عن الاوبشنز الزياده اللى عمر ميتسوبيشى مابتهتم بيه اصلا....اهتمام ميتسوبيشى الاول موتور فتيس عفشه...و دول اتحدى حد يشتكى منهم فى اى عربيه ميتسوبيشى....
بالنسبة للاوبشن انا معايا الهاى لاين ... بصراحة فارقة كتير عن الفئة التانية فى شكل التابلوه بسبب الكاسيت بتاعها التانية فقيرة شوية ... بس لو قارنتها بتابلوه السنديرو ستيب واى 2014 بما انى كنت هشتريها هناك فرق لصالح الاتراج ... ستيب واى بتعمل 200 كيلو فى الصفيحة وهنا بنتكلم عن 500كيلو تقريبا فى الصفيحة هناك فرق سيدى الفاضل ... مانويال مقابل اتوماتيك ... انا كنت حاجز ستيب واى و غيرت فى لحظة لما شفت الاتراج ... لانى لقيت اللى كنت عاوزه و تايه عنى ماتور اقتصادى بأداء قوى .. . تكييف كويس ... عالية عن الارض ... اتوماتيك و فى الاخر يابانى متسوبيشى مش اى حاجة اسيبها ازاى دى مش فاهم انا :)
الله يبارك فيك
السعر 113 من المصرية للسيارات فرع دمياط
اللون فضى .... فى اقرب وقت ان شاء الله هصورها و انزل صورتها مع التقرير
انا مراتى كانت هتموت على الستيب واى برضه و بصراحه عربيه جميله..بس الرينو مخيفه جدا فى الصيانه و فى قطع الغيار ده غير انها مانيوال و ب103 الف!!!!!!!!!!!!! لكن الاتراج رائعه بصراحه و لو قارنتها باللى فى فئتها تكسب بكتير قوى ..سواء الافيو و لا الصنى الجديده و لا الستيب واى و اللوجان...الاتراج افضل بكثير جدا جدا جدا.......انا حاولت انزل صور العربيه و اعمل موضوع بس المنتدى فيه مشكله فى تحميل الصور ..انا عربيتى سيلفر برضه..احلى لون فيها تقريبا..
لو عاوز الحق احلى لون الاسود بس تراب بقى هيبقى فظيع ....
النهاردة لقيتها معدية قدامى فى الشارع بس لون احمر فرحت جدا بصراحة :)
الاسود مش عاجبنى خالص لان التراب هنا مشكله..ده السيلفر التراب مجننى و قرفنى مابالك بالاسود...الاحمر فيها تحفه برضه..... كان نفسى الهوايات الاماميه كانت تبقى نيكل زى العربيه اللى بتنزل بره كان هيغير شكل العربيه...متضايق قوى من الهوايات الحاليه