ييجو 508 ام ستروين ds5

السلام عليكم
باختصار انا ف جدة معروض عليا ستروين ds5 اعلى فئه التوب لاين اللى بتنزل بكراسى حمرا مضلعه الفئه دى حتى اعلى من الهاى لاين اللى بتنزل مصر وسمعت انها مش بتنزل مصر اصلا المهم السياره دى سعرها زيرو هنا 138 الف ريال معروضه عليا ماشيه 29 الف استخدام سنه بحالة الوكاله وعليها ضمان 5 سنين وصيانه مجانيه لحد 60 الف كيلو صاحبها عايز فيها من الاخر 80 الف يعنى فى فرق حوالى 60 الف ريال واستخدام سنه واحده فقططط .... والاختيار التانى بيجو 508 ستاندرد زيرو سعرها 75 الف والسيارتين موديل 2013 بس فرق الاوبشنز طبببببعا لصالح الستروين بغباااااء فى كل حاجه ياريت تساعدونى فى الاختيار وسؤال اخير من اصحاب السيارتين هل الستروين ضيقه شويه؟؟ وبالتحديد السقف هل هو واطى من جوه انا طولى حوالى 190 هل هبقى مرتاح فيها؟؟؟
شكرا

http://www.nilemotors.net/Nile/434807-ds5.html
http://www.nilemotors.net/Nile/291613-508.html

ارجو ان التقارير تساعدك على الاختيار
وعن نفسي افضل ال ٥٠٨ لانتشارها الواضح عن ستروين
وتوكيلها ارحم نسبيا من عز العرب

اشكر حضرتك جدا على سرعة الرد بس ملحوظه انا عايش فى السعوديه مش فى مصر ومعتقدش هنزل العربيه قبل 5 سنين باذن الله وخصوصا انها عليها ضمان هنا 5 سنين يعنى التوكيل فى الوقت الحالى فى مصر ميفرقش معايا نهائيا وقصة انتشار العربيه حتى هنا اعربيتين مش منتشرين وبصفه عامه الفرنساوى هنا سوقه غير مصر هنا اليابانى واكل الجو بس انا زى ماقولت مش هجيبها وابيعها لانى عارف بتخسر كتير واكبر دليل اللى هشترى منه واخدها من سنه واحده 138 الف وتانى سنه هيبيع ب 80 الف يعنى تخيل خسر 58 الف ريال فى سنه واحده بس وعشان كده انا مش بفكر فى البيع نهائيا انا بفكر ف عربيه تكون محترمه تستاهل سنين الغربه وف نفس الوقت مصرفش عليها كتير فى مدة 5 سنين

غمض عينك . . . و هات ال ds5 . . . طبعا

ال d5 عرض افضل و اقيم .. و كاسر فيها مبلغ كبير ... يعنى اعاده البيع خسارتها معقوله ...
تحياتى ...

لو مش هتنزل بيها مصر هات الـ DS5
بس زى ماقلتلك مش هتعرف تقعد فيها ورا بالطول اللى إنت فيه ده ( ياراجل فى حد يبقى طوله 190 سم برده ) ... العيب فيك مش فى العربية ... ثم بدل إنت اللى هتسوق هتبقى مستريح فيها متخافش
على فكرة أنا طولى ( على آخر مرة قست فيها طولى ) كان 188 سم .. ومبرجعش الكرسى وأنا سايق للآخر وببقى مستريح جداً واللى ورايا مستريح .. بس لازم أنزل الكرسى شوية لتحت
بس إنسى إنى أعرف أركب ورا .. ولازم اللى هيركب ورا ميبقاش طويل علشان يقعد مستريح ... يعنى يفضل متخلفش عيال طويلة علشان متتعبهمش معاك
وإتفرج على الفيديو ده من الدقيقة الرابعة علشان تعرف إن إرتفاع العربية من الخلف هو أحد عيوب العربية اللى الناس كلها إتكلمت عنها .. وبأكد إرتفاع العربية من الخلف فقط وده بسبب تصميم السيارة الفريد والإنسيابى
إنما فى المجمل المساحة داخل السيارة واسعة ومريحه جداً
https://www.youtube.com/watch?v=uoBmXZsqc1g

بس طول مانت مش هتقعد ورا ولا يهمك

لا أظن أن هناك منافسه من الأساس . . . . . سيتروين DS5 هى الأفضل :Bravo:

سيتروين

سيتروين طبعاً

بس .. هل هيا بتنزل بموتور 2000 سي سي ولا 1600 زي اللي في مصر!؟؟ لان ال 2000 سي سي awd مش جر امامي زي اللي هنا

لا بتنزل بموتور 1600

سيتروين مميزة اكتر
البيجو لو فمصر كأنتشار افضل
والله اعلم

اقتباس:

---

المشاركة الأصلية كتبت بواسطة kingrab

لو مش هتنزل بيها مصر هات الـ DS5
بس زى ماقلتلك مش هتعرف تقعد فيها ورا بالطول اللى إنت فيه ده ( ياراجل فى حد يبقى طوله 190 سم برده ) ... العيب فيك مش فى العربية ... ثم بدل إنت اللى هتسوق هتبقى مستريح فيها متخافش
على فكرة أنا طولى ( على آخر مرة قست فيها طولى ) كان 188 سم .. ومبرجعش الكرسى وأنا سايق للآخر وببقى مستريح جداً واللى ورايا مستريح .. بس لازم أنزل الكرسى شوية لتحت
بس إنسى إنى أعرف أركب ورا .. ولازم اللى هيركب ورا ميبقاش طويل علشان يقعد مستريح ... يعنى يفضل متخلفش عيال طويلة علشان متتعبهمش معاك
وإتفرج على الفيديو ده من الدقيقة الرابعة علشان تعرف إن إرتفاع العربية من الخلف هو أحد عيوب العربية اللى الناس كلها إتكلمت عنها .. وبأكد إرتفاع العربية من الخلف فقط وده بسبب تصميم السيارة الفريد والإنسيابى
إنما فى المجمل المساحة داخل السيارة واسعة ومريحه جداً
https://www.youtube.com/watch?v=uoBmXZsqc1g

بس طول مانت مش هتقعد ورا ولا يهمك

---

هههههههههههههه على فكره انا كمان اخر مره قست نفسي كان 188 بس قولت ازد 2 من عندى يمكن طولت تانى والا حاجه ههههههههههههه وعلى فكره المشكله بتاع وطى السقف دى موجوده برضه فى ستروين c5 نفس الارتفاع برضه واضح انه تصميم من الشركه بقى ومعرفش مفيش ناس طويله يعنى هتركب فيها؟ وعلى فكره المشكله مش ف انى اخلف عيال طويله هههههه المشكله ان اصلا اصحابى اللى بيركبوا معايا اصلا فى نفس طولى وده اللى مخلينى متردد انى اخدها عموما انا النهارده لقيت 508 فل كامل وسعرها اقل من الستروين شكلى هتوكل على الله واخلينى ف البيجو بسبب ارتفاع السقف وكمان انتشار العربيه هنا وف مصر وربنا يعمل اللى فيه الخير ومتشكر جدا على ردودك الجميله هنا وف موضوعك عن السياره وربنا يباركلك فيها يارب

اقتباس:

---

المشاركة الأصلية كتبت بواسطة s o p h o s

سيتروين مميزة اكتر
البيجو لو فمصر كأنتشار افضل
والله اعلم

---

متشكر ياغالى وانا فعلا هعمل بالنصيحه حتى هنا البيجو منتشره اكتر بكتير وبشوفها كتير عكس الستروين وكمان وكيل بيجو هنا كل الناس بتشكر فيه

DS5 for sure with this price abd these options