الموضوع: اشتريت عربية وها ابيع اللانوس

السلام عليكم
ان شاء الله ها اخلص فى عربية النهار ده وها ابيع اللانوس

معلومات عامة عن العربية
لانوس ٢ كاملة مانيوال
الرخصة باسمى وتنتهى فى ٢٦-١٢-٢٠١٥
اللون اسود مرور العاشر من رمضان
راشة برة ماعدا السقف والدواخل كلها فبريكة
حالة الدهان الخارجى اكتر من ٨٠٪

نبدا بالعيوب قبل المميزات:
فرش الفبريكة حالته تمام وكنت ركبت عليه كسوة من سنة تقريبا الكسوة دى فيها خياطة اتفكت فمحتاجة تتفك وتتغسل غسلة نضيفة وتتركب تانى او تتغير.

صدر العربية كان فيه خبطة بسيطة واتردت على البارد بدون اى بويا.

فى مفتاح زجاج او اتنين ببعلقوا مش عارف عيب فيش ولا عيب مفاتيح.

والله ما اعرف فيها اى عيوب تانى ههههه

المميزات:
العربية لا تحتاج الى جنيه واحد مصروف وال هاباخدها قبل مايدفع ملليم يوديها لاحسن ميكانيكى وعفشجى ولو فيها اى حة تتعمل على حسابى

كاوتش ماكملش ١٠ الاف كيلو وليس به اى للحام الا فردة واحدة فيها للحام واحد
بطارية جديدة
الموتور وادوات التغذية والفتيس ودورة التبريد بحالة اكتر من ممتازة لسة مسقطهم من ٣ شهور تقريبا وحالتهم ماشاء الله،العرببة كنت مجهزها لنفسى وماكانش فى بالى بيع خالص.

اخر صيانة دورية كانت من عشر ايام وتم فيها تغيير كوبلن وتيل امامى وخلفى وفلتر وبلية عجل امامى وطنابير امامى.

طبعا التكييف زى الفل

بجد ال ها ياخدها مش هايحتاج يصرف عليها حاجة لمدة سنتين حتى مش هايحتاج يغير سيور والزيت جه ميعاده وها اغيره النهار ده ان شاء الله.

وكمان هدية منى. لل هايشترى فتيس وللردياتير ومارش ودينمو وكمبروسر تكييف وطقم حساسات كامل كلهم شغالين زى الفل ها ياخدهم مع العربية والسبب انى غيرتهم سير الكاتينة كان اتقطع والموتور القديم كانت حالته مش اوى فروحت استرى شورت بلوك لقيت الحاجات دى كلها فى نص وحالتهم اكتر من ممتازة فجبتهم مع بعض وشيلت القديم وركبت الجديد
وكمان قطمة دريكسيون كاملة كنت غيرتها بسبب ان دراع الاشارة ماكانش بيفصل لوحده وكل حاجة فيها شغالة

السعر
العربية تستاهل اكتر من ٥١٠٠٠ جنيه بس انا ربنا كرمنى بعربية نضيفة وسعرها مرتاح فها ابيع عربيتى ب ٤٩ الف والسعر طبعا نهائى ومفيش فصال ولا حتى فى ربع جنيه
المعاينة طول ايام الاسبوع فى العاشر والجمعة والسبت فى السويس
رقمى ٠١٠٦٥٢٨٩٩٨٨

المشاركة الأصلية كتبت بواسطة mmamdouh

موديل كام و ماشية كام الف؟

mmamdouh

موديل ٢٠٠٧
العداد ١٧٠ الف
لكن الموتور عامل تقريبا ١٤٠ الف،لانى كنت شارى الموتور والعداد عاندى ١٤٥ والنص ال فكيت الماكينة من عليه كان عامل ١٠٥ الف