-
أستاذ مسلم
انا بعت العربية ب 59000 جنية
وانا كنت شاريها من 5/2007 ب 72400 جنية بس للأسف عشان الوكيل رخص تمنها الى 70000 فطبعا سعر المستعمل رخص معاة
انا فعلا كنت ناوى اشترى جين تو بس لاقيت بعض الشكاوى من التقفيل ...وسوء معاملة الوكيل وبعدين صرفت نظر تماما لما كنت مسافر واحتجت احط حاجات كتير فى الشنطة ...فقلت مش معقولة انى اشترى الجين تو بشنطة اصغر ...اركب انا وعيلتى فى العربية وابعت باقى الشنط بالسوبر جيت
فبدأت افكر فى حاجة نفس الحجم وفى نفس الوقت نفس الكماليات ونفس قوة الموتور ..دا لو ماكنش اكبر ...وتكون برضة اوفر فى البنزين ويكون سعرها فيها وقطع غيارها برة كمان
فلاقيت ان الهوندا سئيتى 1500 افضل اقتراح ..خصوصا ان العربية يادوبك عاملة 16000كم وفيها كل كماليات ال gli وكمان اتوماتيك وفابريقة وشنطة بحر وبعدين تكنولوجيا موتور رائعة (نفس الموجود فى السيفيك الجديدة) موتور 1500 ولكن 110حصان واستهلاك بنزين اكثر من رائع يعنى انا اخدت من الاسكندرية للقاهرة بالتكييف 14-15 ليتر على الصحراوى
-
السلام عليكم
لو مفهاش رزاله الهوندا سئيتى 1500استعمال عامله فلوس كام
-
استاذ محمد
الهوندا سيتى النظيفة موديل 2007 ودا اخر سنة لل1500 يعنى مفيش منها 2008
تعمل من 80-90 على حسب الحالة والكيلوميترى ...لانها فى سنة 2007 كانت زيرو ب 109900 جنية
يعنى انا بقالى اكتر من شهر بدور على سيتى كويسة
لاقيت واحدة 2006 فابريقة وعاملة 30000كم اتباعت على 92000جنية
وواحدة تانية 2006 وعاملة 5000 فقط الراجل كان ماسك على 95000 نهائى
انا اخدت بتاعتى 2007 وعاملة تقريبا 16200كم وفابريقة تماما بالفرش الجلد الاصلى وغطاء جلد وارضيات تفصيل جلد ب 85000جنية
الصراحة العربية دى اكتر من رائعة ...انا سوقت عربيات كتير جدا فى حياتى لكن بامانة دى احلى عربية ممكن تتساق ...
كمان تجميع الاوتوماتيك بتاعها خرافى ...والتسارع مدهش ...يعنى لو حبيت تتسابق مع اى عربية مهما كانت اكيد انت هتغلب خصوصا لو حطيت دراع الاوتوماتيك على الوضع الرياضى...عزل عن الاصوات الخارجية ممتاز ..نعومة ممتازة...النظام الصوتى اكثر من رائع
-
شكرا علي سرعة ردك
وألف مبروك وربنا يعطيك خيرها ويكفيك شرها
-
شكرا يا دكتور ميشيل على الرد بخصوص سعر العربية
Content Relevant URLs by
vBSEO 3.6.0 PL2