الموضوع: انا حجزت الf3 و الحمد لله

المشاركة الأصلية كتبت بواسطة hatemali

انا قريت كل اللي اتكتب عنن الbyd f3في المنتدي ده و غيره بعناية و حرص شديد جدا قبل ما اخد الخطوة دي
و احب اشكر شكر خاص للاستاذ (مسلم) علي فعليته في المنتديو لا سيما في ردوده علي الناس اللي متشككه في الbyd
و احب اذكر اني تابعت موضوعاتة من ايام ما كان بيفكر بشتريها حواي كده من 4-2007
و احب اقول حاجة للناس انا شوفتهاا بعيني من مجرد كلام بتقال من ناس و انا انقله
انا لماا روحت الامل لاقيت ناس كتير بتقلب في العربية - انا وقفت اسمع و ابص هما بتسائلوا علي ايه المهم انا قررت اشتريها و فعلا حجزت ب 1000 جنيه
و قولت يا واد فكر تاني و تالتت ورابع لحد مالا نهاية دي برضة صيني و حكاية جيلي و الفرسان مش بعيده .
المهم ربنا الهمني الثبات و مشيت في اجراءات البنك و امبارح بس البهوات اهتموا بيا و قالولي ان البيه مندبوبهم السامي حيتكرم و يتعطف و يروح الامل
المهم مليت الاستمارة و قعد يتقالط علي شوية
خلال فترة انتظاري للباشاا شوف بتاع حوالي خمس عربيات بتتسلم و بجد حسيت ان المعرض انتعش عن ايام اللادا - انا كل يوم بعدي من عليه اصله قريب اوي من الشغل- حتي المدام بتاعتي لاحظت الموضوع ده - اصل احنا من سكان م. الجديدة من حوالي 26 سنه كده - و الله ده االي شفته بعيني و مالوش دعوة بمسألة اقتناعي بالعربية ولا لأ.
و انا ماشي لاقيت عربية مرخصة راكنة ورايا - يعني عدد المستلمين كمان زاد واحد .
و احب اطمن الناس المتردده سواء علشان قطع الغيار او التوكيل
فاطمن حضراتكم بان المتور متسوبسشي زي مانتوا عارفين وفيه مليار واحد بيتشغل في قطع غيار المتسوبيشي من ايام سيدنا حتحوت ده غير مراكز الصيانة و الخدمة المنتشرة بخلاف توكيل متسوبيشي. يعني لو الامل ماتت فانت مش حتدوخ علي قطع غيار المتور ولا الفتيس.
اما عن البودي و العفشة في تيوتا زي مانتوا عارفين و نفس الحكاية
اما عن بعبع الbyd f3 الفوانيس فدي سهله جدا
فيه مليون ورشة متخصصة في صناعة الفوانيس و وششها في مصر
و ممكن يصنع لك فانوس بالوش بالكامل و ارخص من الصيني كمان - ده في حاله ان التوكيل اتحرق و خرب و مات موته بنت..... اما عن تجميعها في مصر فده طبعا حيوفر قطع الغيار و الفوانيس للي عايز - ودي اجمل حاجة فيها الكولكتش بتاع من كل عربية حتة.
يعني مافيش قلق من اي حاجة
اما عن عربيتي فانا لسه مستني رضا البنك علي و يديني الفلوس
اما عن الالوان فالوانها شيك و كتير علشان تنايب معظم الاذواق - انا اخترت الذهبي الشامبين علشان من منتشر اوي

بس هي دى حكاية الbyd f3
و لنا لقاء لما استلم ان شاء الله و ارخص
و ياريت حد يكونن اتعممل مع شركة المهندس للتامين يقولي اخبارها ايه علشان البنك مشطرت اني اتعامل معاها.
و لكم جزيل الشكر و ارجو الا اكون طولت عليكم

والله اخجلتم تواضعا ربنا يكرمك انا فعلا كنت عمال اسأل عليها و كنت بعمل عليها زي بحث قبل ما اشتريهاو كان عندى زميلي فى الشغل والحمد لله عندهم برضوة و عند جيرانهم و هم اللى اكدوا لى انها كويسة بل حتى اللى جاره عنده واحدة اكد لى ان جاره كويسة معاه خصوصا ان زميلي ده شغال فى العربيات بس و اشتريتها و بعد ما اشترتها فضلت فكرة الصيني فى دماغى برضوة انها صيني و افضل احاول اطلع القطط الفطسة فيها و اقول ماهى صيني بقي والحمد لله العربية ممتازة معايا ما شاء الله لا قوة الابالله
المهم استلم وافحص العربية كويس عند الاستلام وافحص فيها كل حاجة براحتك لانك بتستلم من التوكيل يعنى عندهم عربيات ياما
ومتهيأ لى أشيك لون فيها الاسود والاحمر والفضى
المهندس للتأمين شركة محترمة جدا عن تجربة
والف مليون مبروك وربنا يديك خيرها ويكفيك شرها آمين

الف مبروك و عقبال متكتبلنا تقييمك عنها و تصورها :)

المشاركة الأصلية كتبت بواسطة hatemali

معلش سامحوني ع التأخير بس و الله اليومين اللي فاتوا كان عندي شغل كتير
انا و الحمد لله استلمت العربية
و هي ما شاء الله ممتازة جدا جدا ( بالنسبة طبعا لفئتها )

و اليكم تقييمي لها بالتفصيل :

السحب : فعلا سحب العربية جيد ( و يزداد الاداء مع زياده الكيلو مترات المقطوعة - اي لما يتفتح المتور و يلين)
المتور : فعلا متسوبيشي
و العفشة : حلوة اوي
و الثبات : العربية فعلا ثابتة ع الارض
و النقل : ناعم موت تحس انها خلاص حتبقي اوتوماتيك
و الشنطة : فعلا واسعة جدا
تقسيم (ترتيب) مساحة المحرك : تنظيم جيد و لكن ينقصة زيادة المساحات الفارعة لزيادة التهويه - بس انا بقارن بالبيجو504!!ف ممكن تكون مجرد وجهة نظر - و لما فتحت كبوت معظم العربيات الجيدة لاقيت ما هو اسوأ - فكر العصر- اللهم لا اعتراض.

و القعدة في الصالون : مريحة جدا حتي و انت مرجع الكراسي لاقصي حد لها للخلف برضة اللي قاعد ورا قاعد مستريح
الباور : حلو و ناعم
الكلاكس : صوته عالي و معقول ( مش زمارة يعني)
النور الامامي : واضح و مش مبهر
قفل الابواب و الشنطة : اول ماستلمتها كانت الشنطة مبتقفلش خالص
بس بعد ما رخصت عديت ع مركز الصيانة ظبطوا كل الابواب و الشنطة و ماخدتش اكتر من نص ساعة و ده كمان كان علشان الزحمة
الفرامل : حلوة بس ماحستش بال abs او ال ebs
السنتر لوك : شغال بس صوته مش عالي زي الوولف
الراديو و الcd : الراديو صوته نقي و الاريال في الازار اللي ورا (يعني مفيش اريال بطلع و لا ينزل) بس الcd مشتغلش معايا و ان شاء الله حروح اشوف اية حكايته مع صيانة الالف كم.
ارجو ان اكون افتكم من خلال تقييمي الشخصي لل byd f3
من خلال قيادتي لها و ارجو ان اكون منسيتش حاجة
و ع العموم لو افتكرت حاجة تانية اكيييييييد حقول لكم عليها

مبروك يا باشا احسنت الاختيار :)

المشاركة الأصلية كتبت بواسطة mich_e_l2000

انا كانت معايا العربية دى وهى كويسة الحقيقة بس بعتها اليومين اللى فاتوا واشتريت هوندا سيتى 2007 1500سىسى كسر زيرو ....بصراحة الفرق رهيب بين الاتنين
الهوندا ناعمة جدا جدا جدا والباور كهربا اكثر من رائع وبعدين حسيت فعلا بال Abs
مش زى البى واى دى ...
على العموم ربنا يباركلك فيها

الهوندا انا اراها رقم واحد فى اليابانى تقارنها بصيني برضوة خصوصا الهوندا سيتي ال1500 سي سي دى حاجة تانية بس كنت حضرتك بتقول انك حتشترى جين تو تقريبا على ما اتذكرايه اللى حصل ؟
و كمان لو مفهاش غلاسة تقول لنا بعتها بكام علشان نعرف اتفصلت بكام؟
بس الabs فى البي واى دي حسيته فى اول اسبوع من شرائها لما فاجئنى مطب و لبست فيه دوست جامد طبعا اشتغلabs راح مسيب العربية علشان العجل ميفقش راحت لبست فى المطب اللى شارع البحر الاعظم امام البنزينة تقريبا توتل على ما اتذكر و الحمد لله ربنا ستر و محصلش حاجة و من ساعتها بقيت اضرب قرامل براحى علشان ميشتغلش الabs كل شوية لانىمتعود على فرامل ال125 هى اه سيرفوا لكن كنت بضغط اكتر طبعا من البي واى دى اللى فراملها اذا ضغطت جامد يشتغل الabs