طالع من مانيوال وربنا يسهل وهسوق اوتوماتيك بس مرعوب ومقلق جدا ومش عارف هسوق ازاي ياريت تساعدوني
طالع من مانيوال وربنا يسهل وهسوق اوتوماتيك بس مرعوب ومقلق جدا ومش عارف هسوق ازاي ياريت تساعدوني
نفس مشاعر اول مرة اسوق عربية في حياتي
سواقة الأوتوماتيك مفيش أسهل منها وبما إنك بتسوق مانيوال الأوتوماتيك بالنسبالك هيبقى لعب عيال
نقطتين مهمين تحطهم فى دماغك وتقفل عليهم
أيدك اليمين متجيش ناحية الفتيس خالص وإنت سايق
رجلك الشمال هتلاقى مكان ناحية الشمال تريحها عليه .. ولو تعرف تلزق رجلك الشمال فى الأرض بنقطتين أمير علشان متتحركش .. إلزقها
الأضمن فى البداية حط فى أيدك الشمال دبوس وحطها على رجلك الشمال علشان كل مارجلك الشمال تتحرك يقوم الدبوس شاككها فترجع مكانها ..( إوعى تعمل كده ياعم أنا بهرج )
الخلاصة إنسى تماماً إنك عندك رجل شمال أصلاً .. وإستخدم اليمين فقططططططط
مش هتحتاج تدريب يومين تلاته ... لأ ... كل اللى هتحتاجة ساعتين تلاته وهتلاقى نفسك إتعودت
أهم حااااااااااااااااجة رجلك الشمااااااااااااااااال تثبت ماتتحركش
الفتيس ع حرف p ودا تستخدمه لما تركن . وتشد الهاند معاه
حرف n دا كأنك ممور العربيه يعني مش مديها غيار وتستخدمه عند الاشاره مثلا
حرف d ودا تمشي بيه والعربيه هتنقل غيارات لوحدها
رجلك الشمال تنساها تماما
لما تحرك الفتيس تدوس عليه لجوه وانت بتنقل زي سوسته كده
حرف r مارشدير
اوعي تجرب تكون ماشي علي d وفجأه تحاول تجيب r . لازم تقف تماما بعدين هات r وارجع لورا
شاكر ليكم اوي يارجالة ... بس لما اخب ارجع مارشيدير ادوس فرامل العربية تقف انقل من ال d لي r صح كده
بس انا حابب حد يشرح تفاصيل نقلات فتيس الاوتو بتاع الاوبترا
سواقة الاتوماتيك بالتفصيل كالتالى
هتدور العربيه وهيكون الفتيس طبعاً على ال P اللى هوه وضع الركن parking
وبعدين تدوس فرامل وتجياب الفتيس على ال D اللى هوه وضع السواقه للأمام Drive
وتشيل رجلك من على الفرامل بالراحه هتلاقى العربيه مشيت لوحدها كانك ماشى على السلانسيه
وبعدين تدوس بنزين وطول الطريق معاك بنزين وفرامل
الطريق وقف فجأه او فى اشاره هتدوس فرامل لحد العربيه ما تقف ولما العربيه تقف هتجيب الفتيس باما على الN
او على ال P ويفضل بعد ما تكون دوست فرامل متشيلش رجلك من على الفرامل الا لما تشد فرامل اليد وبعدين تجيب الفتيس على الN او على P علشان متبقاش محمل على الفتيس
لو حبيت ترجع لورا هتدوس فرامل لحد العربيه ما تقف تماماً وبعدين تجيب الفتيس على الوضع R
وبالتوفيق
شاكر جدا شرح حضرتك استاذ عمرو
ممكن حد يشرح اخر نقلتين تحت في فتيس الاوبترا اللي هما 1 و 2
وكمان وظيفة زرار هولد
النقله 1 اللى هى الغيار الاول بمعنى ان العربيه مهما تدوس بنزين مش هتنقل للغيار التانى
وكذلك النقله 2 هى الغيار التانى بمعنى ان العربيه مهما تدوس بنزن اخرها الغيار التانى ومش هتنقل للغيار التالت
وموضوع انك تجيب الفتيس على 1 او على 2
ده بتستخدمه لو انت عاوز عزم عالى لو مثلا العربيه غرزت فى رمل او لو انت طالع مطلع جامد
ولو سيبت الفتيس على 1 او على 2 ونسيت تنقل على ال d وانت بتزود بنزين
هتلاقى صوت الموتور بقى عالى والعربيه هتسخن منك
الهولد بتستخدمه فى السرعات العاليه ولما تكون عاوز تشد تقوم تدوس على الهولد وده بيخلى العربيه اخرها الغيار التالت فلما بتكون ماشى على سرعه عاليه والتى توازى الغيار الرابع مثلا ودوست على الهولد هتلاقى العربيه شدت معاك كأنك سقطت نقله
طب ينفع والعربيه ماشيه اديها الاول او التانى ولا لازم تبقى واقفه خالص زى باقى النقلات